ཀྲུང་གོས་རོགས་སྐྲུན་བྱས་པའི་དམངས་འཚོའི་རྣམ་གྲངས་ནེ་པ་ལར་རྩིས་སྤྲད་པ།
ཤིན་ཧྭ་གསར་འགྱུར་ཁང་གྲོང་ཁྱེར་ཀ་ཏ་མན་རྡུ་ནས་ཟླ་10ཚེས་25ཉིན་གློག་འཕྲིན་འབྱོར་བ་གཞིར་བཟུང་། ཀྲུང་གོས་ནེ་པ་ལའི་ཀ་ཏ་མན་རྡུའི་གཤོངས་སར་རོགས་སྐྲུན་བྱས་པའི“སྡེ་ཁུལ་གྱི་སྤྱི་པའི་ཉི་ནུས་ཁྲུས་ཁང་”དང“ཐོག་སྟེང་གི་འོད་ཤུགས་གློག”གི་རྣམ་གྲངས་ཚེས་25ཉིན་ས་གནས་དེ་གའི་སྡེ་ཁུལ་ལ་རྩིས་སྤྲད་པ་རེད།
རྣམ་གྲངས་དེ་གཉིས་ཀ་ཏ་མན་རྡུའི་གཤོངས་ས་ལེ་ལི་ཏེ་པུར་གྲོང་ཁྱེར་དུ་གནས་པ་དང་། 2024ལོའི“སེམས་པ་གཅིག་ཏུ་སྦྲེལ་ནས་ཡུན་ནན་དུ་སྐྱོད”ཅེས་པའི་ནེ་པ་ལའི་དམངས་འཚོའི་རྣམ་གྲངས་ཤིག་ཡིན་པ་དེ་ནི་ཡུན་ནན་ཞིང་ཆེན་མི་དམངས་ཕྱི་ཕྱོགས་མཛའ་གྲོགས་མཐུན་ཚོགས་ཀྱིས་རོགས་སྐྲུན་བྱས་པ་དང་ནེ་པ་ལར་བཅའ་སྡོད་ཡུན་ནན་ཞིང་ཆེན་ཚོང་དོན་འཐུས་མི་ཁྲུའུ་ཡིས་ལག་བསྟར་བྱས་པ་ཞིག་རེད།
ལི་ལི་ཏེ་པུར་གྲོང་ཁྱེར་གྱི་ཧྲི་ཀྲང་ཆི་ལི·པ་པུའུ·མ་ཧར་ཀྲན་གྱིས་རྩིས་སྤྲོད་མཛད་སྒོའི་ཐོག་ཤིས་ཚིག་གསུང་སྐབས། ཀྲུང་གོ་ཕྱོགས་ཀྱིས་སྤྱི་པའི་ཁྲུས་ཁང་སྒྲིག་ཆས་བསྐྲུན་པར་ཐུགས་རྗེ་ཆེ་ཞུས་པ་དང་འབྲེལ་ཀྲུང་གོ་ཕྱོགས་དང་མཉམ་ལས་དེ་བས་མང་བ་བྱེད་ཐུབ་པའི་རེ་བ་ཡོད་ཅེས་བརྗོད་པ་རེད།
“བདེ་སྐྱིད་སྡེ་ཁུལ”གྱི་རྣམ་གྲངས་ནི་ནེ་པ་ལར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གིས་གྲོས་འགོ་བཏོན་པ་དང་ཀྲུང་གོ་དང་ཨེ་ཤེ་ཡ་ལྷོ་མའི་རྒྱལ་ཁབ་དབུལ་པོ་ཉུང་གཏོང་དང་འཕེལ་རྒྱས་མཉམ་ལས་ལྟེ་གནས་ཀྱི་སྒྲོམ་གཞིའི་འོག་ལག་བསྟར་བྱས་པ་ཞིག་ཡིན་པ་དང་། དེའི་དམིགས་ཡུལ་ནི་ནེ་པ་ལའི་གྲོང་ཁྱེར་གྱི་གྲོང་མིའི་འཚོ་བའི་སྤུས་ཚད་ལེགས་སུ་གཏོང་ཆེད་ཡིན་པ་རེད།