འདི་ནི་ཟླ་10ཚེས་19ཉིན་སི་ཁྲོན་ཞིང་ཆེན་དར་རྩེ་མདོ་གྲོང་ཁྱེར་ཞའོ་ཐེན་ཏུའུ་ཆུ་ཤུགས་གློག་ཁང་ཉེ་འགྲམ་གྱི་ཆན་ཕུའུ་1000གི་སི་ཁྲོན་དང་ཁྲུང་ཆིང་གི་གློག་ཆེན་སྤེལ་རྒྱུག་ལས་གྲྭའི(དུམ་བུ་ལྔ་པའི)ཨར་སྐྲུན་བྱ་ཡུལ་དུ་གློག་དྲའི་ལས་བཟོས་མཐོ་འཛེགས་ལས་སྒྲུབ་བྱེད་བཞིན་པ།

ཟླ་དང་པོ་ནས་དགུ་པའི་བར།

གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་11721ཟིན་པ་དེ་དུས་མཚུངས་ལས་12.6%འཕར་ཡོད།

 གསར་འགོད་པས་རྒྱལ་ཁབ་ནུས་རྒྱུ་ཅུས་ནས་ཤེས་རྟོགས་བྱས་པར་གཞིགས་ན། ཟླ་9པར་སྤྱི་ཚོགས་ཡོངས་ཀྱི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་8475ཟིན་པ་དེ་དུས་མཚུངས་ལས་8.5%འཕར་ཡོད་པ་རེད། དེའི་ནང་ཐོན་ལས་དང་པོ་དང་། གཉིས་པ། གསུམ་པ་བཅས་ཀྱི་གློག་སྤྱོད་ཚད་དུས་མཚུངས་ལས་6.4%དང་། 3.6% 12.7%བཅས་སོ་སོར་འཕར་བ་དང་། གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བའི་གློག་སྤྱོད་ཚད་དུས་མཚུངས་ལས་27.8%འཕར་ཡོད་པ་རེད།

ཟླ་དང་པོ་ནས་དགུ་པའི་བར་སྤྱི་ཚོགས་ཡོངས་ཀྱི་གློག་སྤྱོད་ཚད་རིམ་རྩིས་བརྒྱབ་ན་ཆུ་ཚོད་ཆན་ཝ་དུང་ཕྱུར་74094ཟིན་པ་དེ་དུས་མཚུངས་ལས་7.9%འཕར་བ་དང་། དེའི་ནང་ཐོན་ལས་དང་པོའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་1035ཟིན་པ་དེ་དུས་མཚུངས་ལས་6.9%འཕར་བ་དང་། ཐོན་ལས་གཉིས་པའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་47385ཟིན་པ་དེ་དུས་མཚུངས་ལས་5.9%འཕར་བ། ཐོན་ལས་གསུམ་པའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་13953ཟིན་པ་དེ་དུས་མཚུངས་ལས་11.2%འཕར་བ། གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བའི་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་11721ཟིན་པ་དེ་དུས་མཚུངས་ལས་12.6%འཕར་ཡོད་པ་རེད།

ངོ་སྤྲོད་བྱས་པར་གཞིགས་ན། འདི་ལོ་ནས་བཟུང་། གློག་ཤུགས་འཛད་སྤྱོད་མགྱོགས་མྱུར་འཕར་བའི་རྣམ་པ་རྒྱུན་འཁྱོངས་ཐུབ་ནས་ཟླ་8པ་དང་9པར་སྤྱི་ཚོགས་ཡོངས་ཀྱི་གློག་སྤྱོད་ཚད་དུས་མཚུངས་ཀྱི་འཕར་ཚད་8%ལས་བརྒལ་ཡོད་པ་རེད།