ལྷུན་གྲུབ་རྫོང་གི་སློབ་ཆུང་སློབ་མ་སུའུ་ཀྲོའུ་རུ་དབྱར་སྒར་ལ་སྐྱོད་པའི་བྱེད་སྒོ་མཇུག་འགྲིལ་བ།
ཉེ་ཆར། ལྷུན་གྲུབ་རྫོང་གི་སློབ་ཆུང་སློབ་མ་སུའུ་ཀྲོའུ་རུ་དབྱར་སྒར་ལ་སྐྱོད་པའི་བྱེད་སྒོ་སྐབས་དྲུག་པ་ཕུན་སུམ་ཚོགས་པོའི་ངང་མཇུག་འགྲིལ་བ་རེད། ད་ཐེངས་ཀྱི་དབྱར་སྒར་བྱེད་སྒོ་དུས་ཡུན་ཉིན་10ཡིན་པ་དང་། ལྷུན་གྲུབ་རྫོང་གི་སློབ་ཆུང་སློབ་མ་ཚོར་སྣ་མང་ཕུན་སུམ་ཚོགས་པའི་ཞིབ་འཇུག་དང་སློབ་སྦྱོང་གི་གོ་སྐབས་ཞིག་བྱུང་ཡོད།
ཤེས་རྟོགས་བྱུང་བར་གཞིགས་ན། བྱེད་སྒོ་སྤེལ་རིང་། སློབ་མ་ཚོས་སློབ་གསོའི་དོན་སྙིང་དང་རིག་གནས་ཀྱི་རིན་ཐང་ཟབ་མོ་ལྡན་པའི་ས་ཆ་མང་པོར་ལྟ་སྐོར་བྱས་པ་རེད། ཁོང་ཚོས་ཀྲུང་གུང་ཚོགས་ཆེན་དང་པོ་འཚོགས་ཡུལ་གྱི་དྲན་གསོ་ཁང་དུ་གསར་བརྗེའི་སློབ་གསོ་དང་ལེན་བྱས་པ་དང་། མཁའ་འགྲུལ་མཁའ་སྐྱོད་ཀྱི་ཚན་རིག་ཁྱབ་གདལ་རྟེན་གཞིར་ཚན་རྩལ་གྱི་ཡིད་དབང་འཕྲོག་ཤུགས་དང་འཇིག་རྟེན་འཕུར་སྐྱོད་ཀྱི་གསང་བ་མྱོང་ཚོར་བྱས་པ། སུའུ་ཀྲོའུ་ལུགས་ཀྱི་ཁྲ་མའི་སྦྱར་རིས་རྟེན་རྫས་བཤམས་མཛོད་ཁང་དུ་སྲོལ་རྒྱུན་བཟོ་རྩལ་བྱང་ཆུབ་པོ་དང་དེའི་རིག་གནས་ཀྱི་ནང་དོན་ཉམས་ལེན་བྱས་པ། ལི་ལེང་ཅི་ཀྲུང་ལུགས་གསོ་རིག་རིག་གནས་ཉམས་ལེན་ས་ཚིགས་སུ་རྒྱ་ཆེ་ལ་གཏིང་ཟབ་པའི་ཀྲུང་ལུགས་གསོ་རིག་ཤེས་རྟོགས་བྱས་པ། ཁུན་ཧྲན་ཧའེ་ཁྲང་རྒྱ་མཚོའི་འཚོལ་ཞིབ་ཁང་དུ་རྒྱ་མཚོའི་སྐྱེ་དངོས་ཀྱི་ངོ་མཚར་ཆེ་བའི་འཇིག་རྟེན་འཚོལ་ཞིབ་བྱས་པ། ཀུའུ་ལང་ཐིང་སྐྱེད་ཚལ་དུ་གནའ་བོའི་སྐྱེད་ཚལ་གྱི་མཛེས་པ་ཉམས་སུ་མྱོང་བ་བཅས་བྱས་པ་རེད།