ཆུ་ཤུར་རྫོང་གིས་ལས་བྱེད་པའི་ཕྱོགས་བསྡུས་ནུས་པ་ཆེར་གཏོང་ལ་དམིཌ་ཏེ།
བོད་སྐྱོར་ལས་བྱེད་པ་གདན་དྲངས་ནས“ཟླ་རེར་འཆད་ཁྲིད་ཐེངས་རེ”བྱེད་པའི་བྱེད་སྒོ་སྤེལ་བ།
ཉེ་ཆར། ལྷ་ས་གྲོང་ཁྱེར་ཆུ་ཤུར་རྫོང་ཨུད་རྩ་འཛུགས་པུས་ཅང་སུའུ་ཞིང་ཆེན་ཐའེ་ཀྲོའུ་གྲོང་ཁྱེར་གྱི་བོད་སྐྱོར་ལས་དོན་ཚོགས་ཆུང་དང་མཉམ་དུ་ལས་བྱེད་པའི་ཕྱོགས་བསྡུས་ནུས་པ་ཆེ་རུ་གཏོང་བའི་འཆད་ཁྲིད་ཆེ་མོ་དང་བོད་སྐྱོར་ལས་བྱེད་པའི“ཟླ་རེར་འཆད་ཁྲིད་ཐེངས་གཅིག”གི་བྱེད་སྒོ་སྤེལ་བ་རེད། ཆུ་ཤུར་རྫོང་སྡོད་ཁང་འཛུགས་སྐྲུན་དང་འགྲིམ་འགྲུལ་ཅུས་དང་། ཤང(གྲོང་རྡལ)ཁག་དང་དེ་བཞིན་གྲོང་ཚོ་ཁག་གི་འབྲེལ་ཡོད་འགན་འཁུར་བ་བྱེད་སྒོར་ཞུགས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོར་ཅང་སུའུ་ཞིང་ཆེན་འགྲིམ་འགྲུལ་སྐྱེལ་འདྲེན་ཐིང་གི་བོད་སྐྱོར་ལས་བྱེད་པ་དང་། ལྷ་ས་གྲོང་ཁྱེར་འགྲིམ་འགྲུལ་སྐྱེལ་འདྲེན་ཅུས་ཏང་ཙུའི་ཁོངས་མི་དང་ཅུས་ཀྲང་གཞོན་པ་སང་ཏེ་ཐེན་སློབ་ཁྲིད་བྱེད་པར་གདན་དྲངས་པ་རེད། སང་ཏེ་ཐེན་གྱིས“‘གྲོང་གསེབ་ཀྱི་ཡག་པོ་བཞིའི་གཞུང་ལམ’གྱི་རྒྱལ་ཡོངས་དཔེ་སྟོན་རྫོང་འཛུགས་གཏོད་ལས་དོན”གྱི་བརྗོད་དོན་ལ་དམིགས་ནས་འཛུགས་གཏོད་ལས་དོན་གྱི་གྲ་སྒྲིག་དོན་ཚན་དང་དོ་སྣང་བྱེད་དགོས་པའི་གཙོ་གནད་ལ་འགྲེལ་བཤད་གཏིང་ཟབ་བརྒྱབ་ནས་འཛུཌ་སྐྲུན་དང་། དོ་དམ། བདག་སྐྱོང་། གཉེར་སྐྱོང་སོགས་ཕྱོགས་མང་པོའི་ཐད་ནས་རྩ་ཆེའི་ཉམས་མྱོང་གླེང་བ་རེད།
ཆུ་ཤུར་རྫོང་ཨུད་རྩ་འཛུགས་པུའི་འགན་འཁུར་བློ་མཐུན་གྱིས། གོམ་སྟབས་རྗེས་མར་ཆུ་ཤུར་རྫོང་གི་ཚན་པ་ཁག་གིས་གསོ་སྦྱོང་བྱེད་རིང་སྦྱངས་པའི་ཤེས་བྱ་དང་ཟུང་འབྲེལ་བྱས་ཏེ། ཆུ་ཤུར་རྫོང་གི་སྡོད་ཁང་འཛུགས་སྐྲུན་དང་འགྲིམ་འགྲུལ་ཅུས་ཀྱི་ལས་དོན་ལ་གཞོགས་འདེགས་ཡག་པོ་ཞུ་བ་དང་། ལས་ཀའི་མཉམ་ཤུགས་ཆགས་པ། འགྲོ་ལམ་འཛུགས་སྐྲུན་དོ་དམ་དང་བདག་སྐྱོང་གཉེར་སྐྱོང་བྱེད་རིང་གི་ཕུལ་བྱུང་དཔྱད་ཡིག་དང་། བྱ་ཐབས་ནུས་ལྡན། སྔོན་ཐོན་བྱས་རྗེས་འོས་སྦྱོར་དང་མཁོ་འདོན་ཧུར་ཐག་བཅས་བྱས་ཏེ། འགྲིམ་འགྲུལ་སྐྱེལ་འདྲེན་ལས་དོན་ཏན་ཏིག་སྤེལ་བར་སྐུལ་འདེད་གཏོང་གི་ཡིན་ཞེས་ངོ་སྤྲོད་བྱས་པ་རེད།