ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་བའི་ཆེད་དོན་རོལ་དབྱངས་འདུ་ཚོགས་སི་ཕེན་དུ་གཉེར་བ།
ཉེ་ཆར། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་བའི་ཆེད་དོན་རོལ་དབྱངས་འདུ་ཚོགས་སི་ཕེན་གྱི་མ་ཏི་རེའི་རྒྱལ་ཁབ་རོལ་དབྱངས་ཚོམས་ཆེན་དུ་གཉེར་བ་རེད། སི་ཕེན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཡའོ་ཅིང་དང་། སི་ཕེན་གུང་ཁྲན་ཏང་གི་ཀྲུའུ་ཞི་སེན་ཐེ་ལི་ཡཱ། གྲོས་ཁང་འོག་མའི་ཕྱི་འབྲེལ་ལས་དོན་ཨུ་ལྷན་གྱི་ཀྲུའུ་ཞི་གཞོན་པ་ཀེ་མའེ་སི། མཉམ་འབྲེལ་རྒྱལ་ཚོགས་ཡུལ་སྐོར་རྩ་འཛུགས་ཀྱི་ལག་བསྟར་ཀྲུའུ་རེན་པཱ་གཡོད་ནཱ་སོགས་སྐུ་མགྲོན་ཞུགས་ཡོད་པ་རེད།
ཤེས་རྟོགས་བྱུང་བར་གཞིགས་ན། ད་རེས་ཀྱི་རོལ་དབྱངས་འདུ་ཚོགས་ནི་སི་ཕེན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་དང་། མ་ཏི་རེ་ཀྲུང་གོའི་རིག་གནས་ལྟེ་གནས། སི་ཕེན་དབྱི་ས་ཁཱ་སྒྱུ་རྩལ་ཁྱབ་སྤེལ་ཀུང་སི། མ་ཏི་རེ་ཨའེ་གཡོད་རོལ་དབྱངས་ཚོགས་པ་བཅས་ཀྱིས་མཉམ་འབྲེལ་ཐོག་གཙོ་གཉེར་བྱས་པ་དང་དེ་ནི་སི་ཕེན་དུ་ཡུལ་དེའི་མཉམ་སྒྲོག་རོལ་དབྱངས་ཚོགས་པས་ཀྲུང་གོའི་རོལ་དབྱངས་དཀྲོལ་བའི་རོལ་དབྱངས་འདུ་ཚོགས་ཐོག་མ་དེ་རེད།