འདི་ནི་སྐྱེམས་སྟོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ཁོངས་གཏོགས་ཁུལ་དུ་སྐོར་གཡེང་བྱེད་བཞིན་པ།

འདི་ནི་དར་ཆེན་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་བཏབ་པའི་སྔོ་ཚལ་མང་ཚོགས་ལ་སྐྱེལ་བཞིན་པ།

འདི་ནི་སྐྱེམས་སྟོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་མང་ཚོགས་ལ་དབྱར་རྩྭ་དགུན་འབུ་འཐུ་ཡུལ་དུ་བཙུགས་པའི་ཉེན་དོན་ཁང་གི་འགན་ནུས་ངོ་སྤྲོད་བྱེད་བཞིན་པ།

འདི་ནི་ཇོ་མོ་གླང་མ་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ས་གནས་ཀྱི་མང་ཚོགས་ལ་སྔོ་ཚལ་འདེབས་སྟངས་སློབ་བཞིན་པ།

འདི་ནི་དར་ཆེན་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ཁོངས་གཏོགས་ཁུལ་གྱི་ཡུལ་མིའི་སྒོ་རྩར་ཆུ་སྐྱེལ་བཞིན་པ།

འདི་ནི་ཇོ་མོ་གླང་མ་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པ་མང་ཚོགས་ཀྱི་ཁྱིམ་དུ་བསྐྱོད་དེ་རྒན་རྒོན་གྱི་གཟུགས་པོར་བརྟག་དཔྱད་བྱེད་བཞིན་པ།

འདི་ནི་སྐྱེམས་སྟོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པ་ཆེད་མངགས་མང་ཚོགས་ཀྱི་ཁྱིམ་དུ་བསྐྱོད་ནས་ལག་ཁྱེར་སྤྲོད་བཞིན་པ།

བོད་ཀྱི་མཐའ་མཚམས་སུ་ལས་གནས་བརྟན་སྲུང་བྱེད་བཞིན་པའི་གནས་སྤོས་ཡུལ་མི་དོ་དམ་ཉེན་རྟོག་པ་ཚོས་ལྕགས་ཀྱི་གྱད་མི་ཇི་བཞིན་ཁུ་སིམ་མེར་རྒྱལ་མཚམས་ཀྱི་དུས་བདེ་དང་བརྟན་ལྷིང་སྲུང་བཞིན་ཡོད་ཅིང་། ཁོང་ཚོས་ས་གནས་དེ་གའི་མི་རིགས་ཁག་གི་མང་ཚོགས་དང་དེ་བཞིན་ཕར་འགྲོ་ཚུར་འོང་བྱེད་མཁན་ཡུལ་སྐོར་བ་ཚོ་དང་སེམས་མཐུན་ལག་གདང་སྦྲེལ་ནས་ཕན་ཚུན་ལྟ་རེས་དང་སྐྱོང་རེས་བྱས་ཏེ། མཐའ་མཚམས་སུ་ཇི་སྲིད་བར་དུ་རྣམ་པར་བཞད་པའི་མི་རིགས་མཐུན་སྒྲིལ་གྱི་མེ་ཏོག་ཅིག་བཏབ་ཡོད།

གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་ཇོ་མོ་གླང་མ་མཐའ་མཚམས་མངགས་གཏོང་ཁང་།

དམངས་ཀྱི་བདེ་སྡུག་སེམས་ལ་བཅངས། ཟོལ་མེད་བརྩེ་བས་མི་སེམས་དྲོས།

ཐོག་མཐའ་བར་གསུམ་དུ། གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་ཇོ་མོ་གླང་མ་མཐའ་མཚམས་མངགས་གཏོང་ཁང་གི་མཐའ་སྲུང་ཉེན་རྟོག་པ་དང་ས་གནས་དེ་གའི་མང་ཚོཌ་སེ་འབྲུའི་རྡོག་ལྟར་གོང་བུ་གཅིག་ཏུ་བསྒྲིལ་ནས་དཔུང་གཤིབ་ལག་སྦྲེལ་གྱིས་མི་རིགས་མཐུན་སྒྲིལ་གྱི“ལྟེ་མཐུན་སྒོར་དབྱིབས”དང་། མི་རིགས་ཁག་གི་མང་ཚོགས་སྤུན་ཉེ་འཆམ་མཐུན་དང་ཕན་ཚུན་ལྟ་སྐྱོང་གི་མི་སེམས་འགུལ་བའི་གཏམ་རྒྱུད་མཉམ་དུ་རྩོམ་བཞིན་ཡོད། ཇོ་མོ་གླང་མ་མཐའ་མཚམས་མངགས་གཏོང་ཁང་ལ་ཁག་དགུ་པའི་རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཚན་པ་དང་སྐབས་ཉེར་བདུན་པའི་ཀྲུང་གོའི་གཞོན་ནུའི་ལྔ་བཞིའི་གཟེངས་རྟགས་མཉམ་སྡེབ་སོགས་ཀྱི་གཟི་བརྗིད་མཚན་སྙན་སྔ་རྗེས་སུ་ཐོབ་པ་རེད།

ཉིན་ཞིག་གི་མཚན་དགུང་དུ་མངགས་གཏོང་ཁང་ལ་དིང་རི་རྫོང་བཀྲ་ཤིས་འཛོམས་ཤང་ཆོས་རྫོང་གྲོང་ཚོ་ནས་རོགས་སྐྱོབ་ཞུ་བའི་ཁ་པར་ཞིག་འབྱོར། ཁ་པར་ནང་ཨ་མ་བདེ་སྐྱིད་ལ་གློ་བུར་དུ་ནད་གཞི་ཕོག་ནས་ན་ཟུག་བཟོད་གླགས་མེད་པ་གཏོང་གི་འདུག ཡིན་ན་ཡང་ཁོང་གི་ནང་མི་ཚང་མ་ཡུལ་གཞན་དུ་ཡོད་པས་མི་དམངས་ཉེན་རྟོག་པས་རོགས་སྐྱོབ་བྱེད་རོགས་ཞེས་མང་ཚོགས་ཤིག་གིས་བཤད། ཁ་པར་འབྱོར་འཕྲལ་མངགས་གཏོང་ཁང་གིས་མྱུར་དུ་འཕྲལ་སྡོམ་སྔོན་ཇུས་ལྟར་མི་དམངས་ཉེན་རྟོག་པ་སྒྲིག་འཛུགས་ཀྱིས་མྱུར་སྐྱོབ་སྨན་ཁྱེར་ནས་ཨ་མ་བདེ་སྐྱིད་ཀྱི་ཁྱིམ་དུ་བསྐྱོད།

དེ་གར་སླེབས་འཕྲལ་སྨན་རྫས་ཆེད་ལས་ཐོན་པའི་མི་དམངས་ཉེན་རྟོག་པ་བློ་བཟང་འཕྲིན་ལས་ཀྱིས་བརྟག་དཔྱད་རགས་ཙམ་བྱས་རྗེས་ཨ་མ་བདེ་སྐྱིད་ལ་མྱུར་སྐྱོབ་སྨན་སྟེར། མི་དམངས་ཉེན་རྟོག་པས་ལྟ་སྐྱོང་ཡག་པོ་བྱས་པར་བརྟེན། ཨ་མ་བདེ་སྐྱིད་ན་ཟུག་རིམ་བཞིན་འཇགས། དེ་རྗེས་མི་དམངས་ཉེན་རྟོག་པས་སྨན་ཁང་ཐག་ཉེ་སར་བསྐྱལ་ནས་སྨན་བཅོས་བྱས་མཐར། ཨ་མ་བདེ་སྐྱིད་སེང་དྲག་ཏུ་ཕྱིན་པ་རེད།

དེ་ལྟའི་སྙིང་ཉེ་བའི་ཞབས་འདེགས་ཐེངས་མང་ཞུས་པ་བརྒྱུད། མི་དམངས་ཉེན་རྟོག་པ་རིམ་བཞིན་གྲོང་མི་ཚོའི་སྙིང་ཉེ་བར་གྱུར། མི་དམངས་ཉེན་རྟོག་པ་ལཌ། ཐུགས་རྗེ་ཆེ་ཞེས་ཞུ་ཐེངས་རེ་རེ་ལས་མང་ཚོགས་ཀྱིས་མི་དམངས་ཉེན་རྟོག་པར་ཁས་ལེན་དང་ཡིད་ཆེས་བྱེད་པ་མཚོན་ལ། ཉེན་རྟོག་པ་དང་མི་དམངས་ཁྱིམ་ཚང་གཅིག་ལྟར་བརྩེ་བའི་མི་རིགས་མཐུན་སྒྲིལ་གྱི་བརྩེ་སེམས་ཀྱང་ཟབ་ཏུ་ཕྱིན་ཡོད།

ཉིང་ཁྲི་མཐའ་མཚམས་དོ་དམ་ཉིང་ལག་རུ་ཁག་སྐྱེམས་སྟོང་མཐའ་མཚམས་མངགས་གཏོང་ཁང་།

སྙིང་སྟོབས་བྲག་ལས་བརྟན། ལེགས་སྐྱེས་དགུང་ལས་མཐོ།

ཉིང་ཁྲི་མཐའ་མཚམས་དོ་དམ་ཉིང་ལག་རུ་ཁག་སྐྱེམས་སྟོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པ་ཚོས་ཐོག་མཐའ་བར་གསུམ་དུ་ལྷག་བསམ་ཟོལ་མེད་དང་འགན་འཁྲི་ཁུར་སེམས་ལ་བརྟེན་ནས་ཡུལ་འདི་བརྟན་སྲུང་བྱེད་བཞིན་ཡོད་གཤིས། ཁོང་ཚོ་ནི་སྐྱེམས་སྟོང་ཤང་གི་འགྱུར་མེད་ཀྱི་རི་རྒྱལ་ལྷུན་པོ་ཞིག་དང་འདྲ་ལ། རྡོ་རྗེ་བྲག་ལྟར་བརྟན་པའི་མི་དམངས་ཉེན་རྟོག་པ་ཡོད་པས། ད་གཟོད་ཡུལ་འདིའི་མང་ཚོགས་བློ་བདེ་བག་ཕེབས་ངང་རང་འཁྲིའི་ལས་ལ་བརྩོན་བཞིན་མཆིས།

“སྟབས་ལེགས་པ་ཞིག་ལ་དུས་ཐོག་ཏུ་རོགས་སྐྱོབ་ཐུབ་སོང་། གལ་ཏེ་ཅུང་ཟད་འགོར་ཚེ་ཕལ་ཆེར་ལག་པ་གཅོད་དགོས་ཀྱི་རེད”ཅེས་སྐྱེམས་སྟོང་ཤང་འཕྲོད་བསྟེན་ཁང་གི་སྨན་པས་བརྟག་དཔྱད་དང་སྨན་བཅོས་བྱས་རྗེས་མི་དམངས་ཉེན་རྟོག་པ་དང་ཉེན་ཁ་ལས་གྲོལ་བའི་མང་ཚོགས་ལ་བཤད།

2022ལོའི་ཟླ་1པོར་མང་ཚོགས་ཤིག་སྒེར་འཁོར་བཏང་ནས་སྐྱེམས་སྟོང་ཤང་གི་ས་བབ་སྨི་4700ཡོད་པའི་སྦུད་པ་ལ་བརྒྱུད་སྐབས། རླངས་འཁོར་གངས་ཀྱི་ཁྲོད་ལུས་པས་འཁོར་བཀག་རྒྱག་སྐབས། ཁོ་པའི་ལག་པ་འཁོར་ལོའི་འོག་ཚུད། མ་གཞི་འགྲོ་ལམ་རློན་པ་དང་འཁྱགས་པ་མང་མོད། འོན་ཀྱང་ཉེན་དོན་འབྱོར་རྗེས་སྐྱེམས་སྟོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་འཕྲལ་མར་ས་གནས་ས་ཐོག་ཏུ་བསྐྱོད་དེ། ཉེན་གྱར་མང་ཚོཌ་དུས་ཐོག་ཏུ་བསྐྱབས་པ་མ་ཟད་སྨན་བཅོས་བྱེད་པར་བསྐྱལ།

ལོ་ལྟར་ཟླ་4པ་ནས་6པ་བར་སྐྱེམས་སྟོང་ཤང་གི་མང་ཚོཌ་དབྱར་རྩྭ་དགུན་འབུ་འཐུ་བར་འགྲོ་གི་ཡོད། མང་ཚོགས་ལ་ཞབས་འདེགས་དེ་བས་ལེགས་པ་ཞུ་ཆེད་སྐྱེམས་སྟོང་མཐའ་མཚམས་མངགས་གཏོང་ཁང་གིས་དབྱར་རྩྭ་དགུན་འབུ་འཐུ་ཡུལ་དུ་གནས་སྐབས་ཉེན་དོན་ཁང་བཙུགས། ལོ་དེ་དག་རིང་མི་དམངས་ཉེན་རྟོག་པ་ཝང་ཧྥུང་གིས་ས་བབ་སྨི་4600ཟིན་པའི་དབྱར་རྩྭ་དགུན་འབུ་འཐུ་ཡུལ་དུ་སྐོར་གཡེང་གྲལ་བཤེར་བྱེད་པ་དང་། མང་ཚོགས་དང་ཅི་འཕྲོས་མོལ་འཕྲོས་ངང་ཡོང་འབབ་སྐོར་གླེང་ཞོར་དུ་ཁོ་ཚོའི་བསམ་འཆར་དང་གྲོས་འགྲོ་ཉན་པ་མ་ཟད་བཅའ་ཁྲིམས་ཁྲིམས་སྲོལ་དང་གྲོང་སྲོལ་དམངས་ཆིངས་འགྲེལ་བཤད་རྒྱག་པ་དང་མང་ཚོགས་ཀྱིས་བཅའ་ཁྲིམས་དང་སྒྲིག་སྲོལ་ལྟར་དབྱར་རྩྭ་དགུན་འབུ་འཐུ་བར་ཁྲིད་སྟོན་བྱས་ཏེ། འགལ་ཟླ་དང་རྩོད་གཞི་ཐོན་སྐབས་འཕྲལ་མ་ཉིད་དུ་མི་དམངས་ཉེན་རྟོག་པ་བཙལ་ནས་ཐག་གཅོད་ཐུབ་ཀྱི་ཡོད་པ་རེད། ལོ་མང་རིང་ཝང་ཧྥུང་དང་ལས་རོགས་ཚོའི་འབད་བརྩོན་འོག་སྐྱེམས་སྟོང་ཤང་དུ་དབྱར་རྩྭ་དགུན་འབུ་འཐུ་བའི་ཐད་ཀྱི་རྩོད་གཞི་གཅིག་ཀྱང་ཐོན་མྱོང་མེད་པ་རེད།

མངའ་རིས་མཐའ་མཚམས་དོ་དམ་ཉིང་ལག་རུ་ཁག་དར་ཆེན་མཐའ་མཚམས་མངགས་གཏོང་ཁང་།

མཐའ་མཚམས་མཛེས་པའི་སྐྱེད་ཚལ་དུ། མཐུན་སྒྲིལ་མེ་ཏོག་རྣམ་པར་བཞད།

དར་ཆེན་མཐའ་མཚམས་མངགས་གཏོང་ཁང་ནི་མངའ་རིས་ས་ཁུལ་སྤུ་ཧྲེང་རྫོང་བར་ག་ཤང་དུ་གནས་པ་དང་གངས་རིན་པོ་ཆེའི་གཤམ་དུ་ཡོད། བཅའ་སྡོད་བྱ་ཡུལ་གྱི་ས་བབ་མཐོ་ཚད་ལ་སྨི་4810ཟིན།

ད་ཕན་ལོ་ཤས་རིང་། དར་ཆེན་མཐའ་མཚམས་མངགས་གཏོང་ཁང་གིས་ཀྲུང་ཧྭ་མི་རིགས་གཅིག་མཐུན་ཚོཌ་པའི་འདུ་ཤེས་འཛུགས་རྒྱུ་གཙོ་རྐང་དུ་བྱས་ཏེ། རྒྱུན་གཏན་གྱི་ཉེན་དོན་ལས་དོན་ལེགས་སྒྲུབ་གཟེངས་སུ་ཐོན་པ་བྱེད་པ་དང་དུས་མཚུངས་ད་དུང་། ས་བབ་མཐོ་བའི་འཕྲལ་སྡོམ་རོགས་སྐྱོབ་ཀྱི་འགན་འཁྲི་ལྕི་པོ་ཕྲག་ཏུ་འཁུར་གྱིན་ཡོད། མཐོ་གྲང་གསོ་རླུང་དཀོན་པ་དང་ཁོར་ཡུག་དཀའ་ཚེགས་ཆེ་བ་སོགས་ཀྱི་དཀའ་ངལ་གྱི་མདུན་དུ། མི་དམངས་ཉེན་རྟོག་པ་ཚོས་ཐོག་མཐའ་བར་གསུམ་དུ་མི་རིགས་ཁག་གི་མང་ཚོགས་བདེ་སྐྱིད་ཁམས་བདེ་ཡོང་རྒྱུ་དེ་འགན་འཁྲི་གཙོ་བོར་བརྩི་བཞིན་ཡོད།

“ཁྱེད་ཚོས་ང་བསྐྱབས་པར་ཐུགས་རྗེ་ཆེ་ཞུ་གི་ཡིན”འདི་ལོའི་ཟླ་5ཚེས་15ཉིན་དར་ཆེན་མཐའ་མཚམས་མངགས་གཏོང་ཁང་ལ“110”བཀོད་འདོམས་ལྟེ་གནས་ཀྱི་ཁ་པར་འབྱོར་རྗེས། མི་དམངས་ཉེན་རྟོག་པ་ཟླ་བ་བཀྲ་ཤིས་དང་ལས་རོགས་འཕྲལ་མར་སྐྱོབ་རོགས་བྱེད་པར་ཐོན། ལ་དུག་ཆེན་པོ་བརྒྱབ་པའི་ཧོ་པེའི་བུད་མེད་ཡུལ་སྐོར་བ་དེས་ཁོང་ཚོ་མཐོང་མ་ཐག་ཐུགས་རྗེ་ཆེ་ཡང་ཡང་ཞུས།

སྐབས་དེ་དུས་ཆར་དུས་ཡིན་ཞིང་། མི་དམངས་ཉེན་རྟོག་པ་ཚོས་དཀའ་ཚེགས་སྣ་ཚོགས་ཁྱད་དུ་བསད་དེ་དྲག་ཆར་ལ་མ་འཛེམས་པར་མགྱོགས་མྱུར་ས་གནས་ས་ཐོག་ཏུ་བསྐྱོད་པ་དང་བྱང་ཆུབ་པའི་རོགས་སྐྱོབ་རྩལ་ནུས་ལ་བརྟེན་ནས་བུད་མེད་ཡུལ་སྐོར་བ་དེ་བདེ་བླག་ངང་བསྐྱབས་པ་རེད།

ཡུལ་སྐོར་བ་འབྲེལ་གཏུག་ཆད་པ་ནས་ཅ་དངོས་བོར་བརླག་ཏུ་སོང་བའི་བར། གྲང་ངར་ཆེ་བ་དང་གསོ་རླུང་དཀོན་པ་སོགས་ཀྱི་མངའ་རིས་ཀྱི་ཧ་ཅང་ཞན་པའི་ཁོར་ཡུག་ལ་ཆ་མཚོན་ན། རོགས་སྐྱོབ་བྱེད་ཐེངས་རེ་རེ་ནི་དཀའ་ཚེགས་ཆེ་ཤོས་ལ་འགྲན་སློང་ཐེངས་རེ་བྱས་པ་དང་ཀུན་ནས་མཚུངས། འོན་ཀྱང་ཐོལ་བྱུང་གི་གནས་ཚུལ་སྣ་ཚོགས་མདུན་དུ་དར་ཆེན་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པ་30ལྷག་ཙམ་གྱིས་རྟག་ཏུ་དང་ལེན་འཕྲལ་མར་ཞུ་བ་དང་ནུས་ཤུགས་ཡོད་རྒུས་སྐྱོབ་རོགས་བྱས་ཏེ། བྱ་སྤྱོད་དངོས་ལ་བརྟེན་ནས་ཁོང་ཚོའི་འགན་འཁྲི་འཁུར་སེམས་མཚོན་པར་བྱེད།

གཟི་བརྗིད་མཚན་སྙན་ཁང་དུ་སྐྱོད་སྐབས། གསེར་འོད་འཕྲོ་བའི་བྱང་བུ་རེ་རེ་དང་དམར་མདངས་བཀྲ་བའི་གོས་དར་རེ་རེ་ལས། ཉེན་རྟོག་པ་དང་མི་དམངས་དབར་ཕན་ཚུན་ལྟ་རེས་སྐྱོང་རེས་བྱེད་པའི་མི་སེམས་འགུལ་བའི་གཏམ་རྒྱུད་རེ་རེ་དང་མི་རིཌ་མཐུན་སྒྲིལ་གྱི་མཛེས་པའི་རི་མོ་རེ་རེ་མཚོན། འབྱུང་འགྱུར་དར་ཆེན་མཐའ་མཚམས་མངགས་གཏོང་ཁང་གིས་བྱ་སྤྱོད་དངོས་ལ་བརྟེན་ནས་མི་རིགས་མཐུན་སྒྲིལ་ཡར་ཐོན་གྱི་བྱ་གཞག་ལ་སྟོབས་ཤུགས་ལེགས་སྐྱེས་འབུལ་ངེས་རེད་ལ་འོད་སྟོང་འཕྲོ་བའི་ལེའུ་གསར་པའང་མུ་མཐུད་རྩོམ་ངེས་རེད།