འདི་ནི་ཟླ་10ཚེས་16ཉིན། འཇར་མན་གྱི་ཧྥ་ལན་ཁེ་ཧྥུའི་དཔེ་དེབ་འགྲེམས་སྟོན་གྱི་གཙོ་མགྲོན་རྒྱལ་ཁབ་དབྱི་ཐ་ལིའི་འགྲེམས་ཁུལ་དུ་མི་རྣམས་ཀྱིས་ལྟ་སྐོར་བྱེད་བཞིན་པ།

ཤིན་ཧྭ་གསར་འགྱུར་ཁང་གྲོང་ཁྱེར་ཧྥ་ལན་ཁེ་ཧྥུའུ་ནས་གློག་འཕྲིན་འབྱོར་གསལ། ཚེས་15ཉིན་གྱི་དགོང་མོར། ཧྥ་ལན་ཁེ་ཧྥུའི་དཔེ་དེབ་འགྲེམས་སྟོན་སྐབས་76པ་འཇར་མན་གྱི་ཧྥ་ལན་ཁེ་ཧྥུའི་ཚོགས་འགྲེམས་ལྟེ་གནས་སུ་འགོ་ཚུགས་ཤིང་། དཔེ་དེབ་འགྲེམས་སྟོན་ཐོག“ཨེ་ཤེ་ཡའི་གར་སྟེགས”ཐོག་མར་བཙུགས་པ་དང་ཀྲུང་གོའི་དཔེ་སྐྲུན་སྒྲིག་གཞིས་དཔེ་དེབ་འབོར་ཆེན་ཁྱེར་ནས་འགྲེམས་སྟོན་ནང་ཞུགས་པ་རེད།

ཧྥ་ལན་ཁེ་ཧྥུའི་དཔེ་དེབ་འགྲེམས་སྟོན་ནི་ཀྲུང་གོའི་པར་སྐྲུན་ཡིག་རིགས་ཀྱི་པར་དབང་ཕྱིར་གཏོང་བྱེད་པའི་ལས་སྟེགས་གལ་ཆེན་གྱི་གྲས་ཤིག་ཡིན་པ་དང་ཀྲུང་གོའི་དཔེ་དེབ་ཕྱིར་གཏོང་ནང་འདྲེན(ཚོགས་པ)ཚད་ཡོད་ཀུང་སིས་རྒྱལ་ནང་གི་དཔེ་སྐྲུན་སྒྲིག་གཞི་70ཙམ་སྒྲིག་འཛུགས་བྱས་ནས་འགྲེམས་སྟོན་ནང་ཞུགས་པ་རེད། སྐབས་འདིའི་དཔེ་དེབ་འགྲེམས་སྟོན་གྱི་ཀྲུང་གོའི་མཉམ་འབྲེལ་འགྲེམས་སྟེགས་ཀྱི་འགྲེམས་ཞུགས་རྒྱ་ཁྱོན་སྨི་ངོས་གྲུ་580ཟིན་པ་དང་། དཔེ་དེབ་3500ལྷག་ཙམ་འགྲེམས་སྟོན་དང་། གཙོ་བོ་པར་གཞི་ཉོ་ཚོང་གི་དཔེ་དེབ་སྣ་ཁ་1000ལྷག་ཙམ་འགྲེམས་སྟོན་བྱས་པ་རེད། འགྲེམས་ཚོགས་རིང་། ཀྲུང་གོའི་དཔེ་སྐྲུན་སྒྲིག་གཞི་མང་པོ་ཞིག་གིས་ཕྱི་རྒྱལ་ཡི་གེ་པར་མའི་དཔེ་དེབ་གསར་པ་ཡོངས་བསྒྲགས་ཚོགས་འདུ་དང་། མིང་རྟགས་འགོད་པའི་མཛད་སྒོ། པར་དབང་ཕྱིར་གཏོང་གི་མིང་རྟགས་འགོད་པའི་མཛད་སྒོ་སོགས་ཀྱི་བྱེད་སྒོ་སྤེལ་རྒྱུ་རེད། ཀྲུང་གོའི་དཔེ་དེབ་ཕྱིར་གཏོང་ནང་འདྲེན(ཚོགས་པ)ཚད་ཡོད་ཀུང་སིས་ཀྲུང་གོ་དང་ཡོ་རོབ་ཀྱི་པར་དབང་ངོ་འཕྲད་གྲོས་མོལ་ཚོགས་འདུ་དང་2025པེ་ཅིང་རྒྱལ་སྤྱིའི་དཔེ་དེབ་དངོས་མང་སྟོན་ཚོགས་ཀྱི་འོས་སྦྱོར་ངོ་སྤྲོད་ཚོགས་འདུ་གཙོ་གཉེར་བྱ་རྒྱུ་རེད།