མཚོ་སྨད་རྫོང་གིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་གི་གཅིག་སྡུད་ཚོད་རྒྱུགས་བཏང་བ།
ཉེ་ཆར། མཚོ་སྨད་རྫོང་གིས་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་ལས་དོན་ལ་སྐུལ་འདེད་ཧུར་ཐག་བཏང་ཞིང་། རྫོང་ཨུད་རྩ་འཛུགས་པུས་སྣེ་ཁྲིད་ནས་འཐབ་ཕྱོགས་གཅིག་གྱུར་དང་། དྲིལ་བསྒྲགས། སློབ་གསོ་སོགས་ཁོངས་གཏོགས་ནས་མི་སྣ་སྐོང་འཐེན་བྱས་ཏེ་ཚོད་རྒྱུགས་གཏོང་མཁན་ཚོགས་ཆུང་4བཟོས་པ་དང་། གྲོང་ཚོ(སྡེ་ཁུལ)ཚན་པར་བྱས་ནས་རྫོང་ཡོངས་ཀྱི་གྲོང་ཚོའི(སྡེ་ཁུལ)“ཨུ་ལྷན་གཉིས”ཀྱི་ཚན་ཁག་གི་ཁོངས་མི་97ལ་རྒྱལ་ཁབ་ཀྱི་སྤྱི་སྤྱོད་སྐད་ཡིག་གི་གཅིག་སྡུད་ཚོད་རྒྱུགས་བཏང་བ་རེད།
ད་རེས་ཀྱི་ཚོད་རྒྱུགས་ནང་དོན་ཕུན་སུམ་ཚོགས་ལ་རྣམ་པ་སྣ་ཚོགས་ལྡན་པ་དང་། ཁ་རྒྱུགས་དང། ཡིག་རྒྱུགས། དཔྱད་བསྡུར་བཅས་ཟུང་དུ་སྦྲེལ་བའི་བྱེད་སྟངས་སྤྱད་ནས་ཡིག་རིགས་ཀྱི་དཔྱད་གཞི་བསྐྱར་བཤད་དང་། ཁ་སྐད་གླེང་མོལ། མ་རྩོམ་ཀློག་པ། འབྲེལ་ཡོད་ཀྱི་རྩོམ་ཡིག་བློ་འབྲི་དང་གཅིག་སྡུད་དཔྱད་བསྡུར་སོགས་ལྷུ་ཚིགས་ཚུད་ཡོད། གཅིག་སྡུད་ཚོད་རྒྱུགས་བཏང་བ་བརྒྱུད་གྲོང་ཚོའི་ལས་བྱེད་པ་ཚོའི་རྒྱལ་ཁབ་ཀྱི་སྤྱི་སྤྱོད་སྐད་ཡིག་གི་བཀོལ་སྤྱོད་ནུས་པར་ཕྱོགས་ཡོངས་ནས་རྟོག་ཞིབ་བྱས་པ་རེད།
ཚོད་རྒྱུགས་གཏོང་རིང་། གྲོང་ཚོའི་ལས་བྱེད་པ་ཚོས་ལྟ་སྟངས་ནན་ཏན་འཛིན་པ་དང་ཧུར་ཐག་ཞུགས་ནས་སློབ་སྦྱོང་གི་རྣམ་འགྱུར་དང་བསམ་པའི་ཉམས་འགྱུར་བཟང་པོ་མངོན་པར་བྱས་ཡོད། བྱེད་སྒོའི་འགན་འཁུར་བས་ད་རེས་ཚོད་རྒྱུགས་བཏང་རྗེས་གྲོང་ཚོའི་ལས་བྱེད་པས་རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་སྦྱོང་བྱེད་པའི་ཞིབ་ཕྲའི་གནས་ཚུལ་སྔར་བས་ཤེས་རྟོགས་ཐུབ་པ་མ་ཟད། ཉམས་ཞན་ལྷུ་ཚིགས་ཀྱང་མཐིལ་རྟོགས་གསལ་པོ་ཐུབ་ནས་རྗེས་སུ་དམིགས་སའི་རང་བཞིན་ལྡན་པའི་ངང་གྲོང་ཚོའི་ལས་བྱེད་པའི་རྒྱལ་ཁབ་ཀྱི་སྤྱི་སྤྱོད་སྐད་ཡིག་གི་འབྲེལ་ཡོད་ལས་དོན་སྤེལ་བར་གཞི་འཛིན་ས་གལ་ཆེན་མཁོ་འདོན་བྱས་ཡོད། ང་ཚོས་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་གཏོང་བར་རྒྱུན་མཐུད་ཤུགས་སྣོན་བརྒྱབ་ནས་གྲོང་ཚོའི་ལས་བྱེད་པའི་སྐད་ཡིག་གི་ནུས་པ་རྒྱུན་ཆད་མེད་པར་ཆེ་རུ་བཏང་སྟེ། མང་ཚོགས་ལ་ཞབས་འདེགས་དེ་བས་ལེགས་པ་ཞུ་རྒྱུ་ཡིན་ཞེས་བརྗོད་པ་རེད།