ཉེ་ཆར། ལམ་ཕུག་ཤང་གིས་བྱ་ཐབས་སྣ་མང་ཧུར་ཐག་སྤྱད་དེ་ཤང་ཡོངས་སུ་དྲིལ་བསྒྲགས་བྱེད་སྒོ་རབ་དང་རིམ་པ་སྤེལ་ནས་ཏང་གི་གསར་གཏོད་རིགས་པའི་གཞུང་ལུགས་དེ་ཉིད་ལམ་ཕུག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་པོར་ཏན་ཏིག་འགྱུར་བ་བྱས་པ་རེད།

ཤང་ཏང་ཨུད་དང་སྲིད་གཞུང་གིས་སྐུལ་སྤེལ་ཚོགས་འདུ་དང་གཅིག་སྡུད་སློབ་སྦྱོང་ཚོགས་འདུ་ཐེངས་མང་འཚོགས་ཏེ་དྲིལ་བསྒྲགས་ལས་དོན་བཀོད་སྒྲིག་ཞིབ་ཚགས་བྱས་པ་དང་བཀོལ་སྤྱོད་ཆོག་ཅིང་རྒྱུན་མཐུད་ཐུབ་པའི་དྲིལ་བསྒྲགས་ཇུས་གཞི་གཉིས་བཟོས་པ་རེད། རྣམ་པ་སྣ་ཚོགས་ལ་བརྟེན་ནས་ཚོཌ་ཞུཌ་མི་སྣ་དང་སྤེལ་རེས་གཏིང་ཟབ་བྱས་ཤིང་། མིག་སྔའི་བར་སློབ་སྦྱོང་ཚོཌ་འདུ་ཐེངས་5འཚོགས་པ་དང་མི་ཐེངས་146ཞུགས་ཡོད་པ་རེད།

ཏང་ཨུད་ཚན་ཁག་གི་གྲོང་ཚོ་འགན་གཙང་ལེན་པའི་ལམ་ལུགས་ཀྱི་དྲིལ་བསྒྲགས་ལས་དོན་གྱི་ལམ་སྲོལ་བཙུགས་ཏེ། ཐབས་ལམ་སྣ་ཚོགས་ལ་བརྟེན་ནས་སློབ་སྦྱོང་དྲིལ་བསྒྲགས་ཀྱི་ཚ་རླབས་འཕྱུར་བ་བྱས་ཤིང་། གྲོང་ཚོ་འགན་གཙང་ལེན་མཁན་དྲིལ་བསྒྲགས་ཚོགས་ཆུང་གིས་གྲོང་ཚོ་ཁག་དང་། འབྲོག་ས། མཐའ་མཚམས་སྐོར་གཡེང་ས་ཚིགས་བཅས་སུ་བསྐྱོད་ནས་མང་ཚོགས་དང་ངོ་ཐུག་གདོང་འཕྲད་དང་ཕན་ཚུན་སྤེལ་རེས་བྱས་ཏེ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་མང་ཚོགས་ལ་གསལ་འགྲེལ་ཁ་གསལ་གཏིང་གསལ་བྱས་པ་མ་ཟད། དོན་དངོས་དང་ཟུང་འབྲེལ་གྱིས་ཡུལ་དངོས་སུ་བརྟག་ཞིབ་དང་དམངས་ཀྱི་འབོད་སྒྲ་དང་དམངས་འདོད་བསྡུ་རུབ་བྱས་ཡོད། མིག་སྔར་གཅིག་སྡུད་སྒྲོག་འགྲེལ་ཚོགས་འདུ་ཐེངས་3འཚོགས་པ་དང་སློབ་གསོ་ཐེབས་ཚད་96%ཟིན་ཡོད།