2024ལོ་ནས་བཟུང་ཟངས་རི་རྫོང་དམངས་སྲིད་ཅུས(དམག་ཞབས་ཐིམས་པའི་དམག་མིའི་ལས་དོན་ཅུས)ཀྱིས“གཞི་རྩའི་འཚོ་བ་འགན་ལེན་དང་། ཐ་སྐྱོང་། འཕྲལ་མཁོའི་དཀའ་ངལ་སེལ་བ། འཕེལ་རྒྱས་ལ་སྐུལ་འདེད་གཏོང་བ”བཅས་ཀྱི་སྤྱིའི་བསམ་ཕྱོགས་གཞིར་བཟུང་བྱེད་ཐབས་སྣ་མང་སྤྱད་དེ་གཞི་རྩའི་དམངས་སྲིད་ཀྱི“འགན་ལེན་དྲ་བ”ཚགས་ཚུད་དུ་གཏོང་བ་དང་དམངས་འཚོའི“འགན་ལེན་ལམ་བུ”བརྟན་དུ་བཏང་ནས། དཀའ་ངལ་ཡོད་པའི་མང་ཚོགས་ལ་ནད་གཞི་དང་གནོད་འཚེ་སོགས་ཀྱིས་རྐྱེན་པའི་ཐོལ་བྱུང་རང་བཞིན་དང་། དགོས་གཏུགས་རང་བཞིན། གནས་སྐབས་རང་བཞིན་བཅས་ཀྱི་འཚོ་བའི་དཀའ་ངལ་ཐག་གཅོད་ཏན་ཏིག་བྱས་ཏེ་མང་ཚོགས་ཀྱི་དཔལ་འབྱོར་གནོན་ཤུགས་ཆུང་དུ་དང་འཚོ་བའི་སྤུས་ཚད་ལེགས་སུ་བཏང་བ་རེད།

གཅིག་སྡུད་དྲིལ་བསྒྲགས་དང་དུད་ཚང་དུ་བསྐྱོད་ནས་དྲིལ་བསྒྲགས་སོགས་ཀྱི་བྱ་ཐབས་བརྒྱུད་སྤྱི་ཚོགས་ལས་རིགས་ཁག་ལ་རོགས་སྐྱོབ་སྲིད་ཇུས་དྲིལ་བསྒྲགས་རྒྱ་ཁྱབ་བྱེད་པ་དང་། གྲོང་གསེབ་ཀྱི་མ་མཐའི་འཚོ་བ་འགན་ལེན་དང་། དམིགས་བསལ་དཀའ་ངལ་ཡོད་པའི་མི་སྣ། གནས་སྐབས་རོགས་སྐྱོབ་ཀྱི་ཁྱབ་ཁོངས་དང་། ཚད་གཞི། རོགས་སྐྱོབ་བྱེད་སྟངས་བཅས་འགྲེལ་བཤད་ཞིབ་ཕྲ་བརྒྱབ་པ། ཞིང་འབྲོག་མང་ཚོགས་ལ་རོགས་སྐྱོབ་རེ་ཞུའི་བརྒྱུད་རིམ་དང་ཞིབ་མཆན་འགོད་པའི་གོ་རིམ་གསལ་འགྲེལ་བྱས་ནས་ཁོང་ཚོས་སྤྱི་ཚོགས་ཀྱི་རོགས་སྐྱོབ་ལས་དོན་ལ་ཤེས་རྟོགས་ཐུབ་ཚད་དང་བློ་ཡིད་ཚིམ་ཚད་ཆེ་རུ་ཏན་ཏིག་བཏང་བ་རེད།

ལས་དོན་མི་སྣས་དུད་ཚང་དུ་བརྟག་ཞིབ་བྱེད་སྐབས་ཁྱིམ་ཚང་ཚང་མའི་ཡོང་འབབ་དང་། ཁྱིམ་ཚང་གི་ཁོངས་མིའི་གཟུགས་པོའི་གནས་ཚུལ། བུ་ཕྲུག་སློབ་ཞུགས་ཀྱི་གནས་ཚུལ། སྨན་བཅོས་འགན་ལེན་སོགས་ཀྱི་གནས་ཚུལ་ཤེས་རྟོགས་ཞིབ་ཕྲ་བྱས་པ་དང་། མང་ཚོགས་ཀྱི་ཐོབ་ཐང་ལག་ཁྱེར་དང་། ནད་གཞི་བརྟག་དཔྱད་དཔང་ཡིག སྨན་བཅོས་འགྲོ་གྲོན་གྱི་འགྲོ་སོང་འཛིན་ཡིག་སོགས་འབྲེལ་ཡོད་དཔྱད་གཞི་ཞིབ་དཔྱད་དང་བསྡུ་རུབ་ནན་ཏན་བྱས་ནས། རོཌ་སྐྱོབ་བྱ་ཡུལ་གྱི་གནས་ཚུལ་དྲང་བདེན་དང་བློས་འགེལ་ཡིན་པའི་འགན་ལེན་བྱས་པ་རེད།

མི་སྒེར་གྱིས་རེ་ཞུ་དང་། ཤང་དང་གྲོང་རྡལ་གྱིས་ཞིབ་བཤེར་གཏན་འབེབས་དང་ཡོངས་བསྒྲགས། རྫོང་རིམ་པའི་ཁས་ལེན་བཅས་ཀྱི་གོ་རིམ་ལྟར་སྤྱི་ཚོགས་རོགས་སྐྱོབ་ལག་བསྟར་ནན་པོ་བྱས་ཡོད། 2024ལོའི་ཟླ་8པའི་བར་རིགས་ཁག་གི་རོགས་སྐྱོབ་མ་དངུལ་སྒོར་ཁྲི་220.16སྤྲད་ནས་མང་ཚོགས་ཀྱི་ཁ་ཚ་དགོས་གཏུགས་ཀྱི་གནད་དོན་ཐག་གཅོད་ཏན་ཏིག་བྱས་པ་རེད།