འདི་ནི་ཧྥ་རན་སེའི་ཕ་རི་སིའི་ཏའེ་ཀའོ་ལེ་གནམ་ཐང་དུ་བཤམས་པའི“ཀྲུང་ཧྥའི་སྟོན་དུས་རིག་གནས་སྟོན་མོའི”ཐོག་ཧྥ་རན་སེར་རྒྱུན་སྡོད་པི་ཝང་རྒྱུད་གཉིས་མ་དཀྲོལ་གཏོང་མཁས་ཅན་ཀུའོ་ཀན(གཡོན)དང་ཧྥ་རན་སེའི་ཕྱི་སྦྱོང་སློབ་མ“བརྒྱངས་དཀྲོལ་བུ་མོ”ཕེང་ཅིང་ཤོན་གྱིས་ཀྲུང་གོའི་སྲོལ་རྒྱུན་རོལ་ཆ་སྤྱད་དེ་ཧྥ་རན་སེའི་གྲགས་ཅན་རོལ་དབྱངས《ཤང་ཤེ་ལི་ཧྲེ་ཁྲོམ་གཞུང་ཆེན་མོ》ཞེས་པ་དཀྲོལ་བཞིན་པ།

འདི་ནི་ཧྥ་རན་སེའི་ཕ་རི་སིའི་ཏའེ་ཀའོ་ལེ་གནམ་ཐང་དུ་སྤེལ་བའི“ཀྲུང་ཧྥའི་སྟོན་དུས་རིག་གནས་སྟོན་མོའི”བྱེད་སྒོའི་ཐོག་སྐུ་མགྲོན་གྱིས་སྒྱུ་རྩལ་མཁས་པའི་འཁྲབ་སྟོན་ལ་ལྟ་བཞིན་པ།

ཤིན་ཧྭ་གསར་འགྱུར་ཁང་གྲོང་ཁྱེར་ཕ་རི་སི་ནས་གློག་འཕྲིན་འབྱོར་གསལ། ཉིན་ཤས་གོང་། ཧྥ་རན་སེའི་ཕ་རི་སིའི་ཏའེ་ཀའོ་ལེ་གནམ་ཐང་དུ“ཀྲུང་ཧྥའི་སྟོན་དུས་རིག་གནས་སྟོན་མོ”བཤམས་ཤིང་། བྱེད་སྒོ་དེ་ཕ་རི་སིའི་གནམ་ཐང་དོ་དམ་ཅུས་ཀྱིས་གཙོ་གཉེར་བྱས་པ་དང་ཀྲུང་གོ་དང་ཧྥ་རན་སེའི་སྒྱུ་རྩལ་མཁས་པས་གནམ་ཐང་དུ་འཁྲབ་སྟོན་བྱས་ཏེ། རྒྱལ་ཁབ་ཁག་གི་ཡུལ་སྐོར་བས་གནམ་ཐང་ནས་ཀྲུང་ཧྭའི་སྲོལ་རྒྱུན་རིག་གནས་ཀྱི་ཡིད་དབང་འཕྲོག་ཤུགས་ཚོར་བར་བྱས་ཡོད།