རིག་གནས་དང་ཡུལ་སྐོར་པུའི་གྲངས་གཞི་ལས་མངོན་པར། རྒྱལ་སྟོན་ངལ་གསོའི་རིང་རིག་གནས་དང་ཡུལ་སྐོར་ཁྲོམ་ར་བརྟན་ལ་གོ་རིམ་ལྡན་ཞིང་། རིག་གནས་དང་ཡུལ་སྐོར་པུའི་གྲངས་གཞི་ལྟེ་གནས་ཀྱིས་ཚད་ལེན་ཞིབ་རྩིས་བརྒྱབ་པ་བརྒྱུད། ངལ་གསོའི་ཉིན་7རིང་རྒྱལ་ནང་དུ་ཡུལ་སྐོར་བྱེད་མཁན་མི་ཐེངས་དུང་ཕྱུར་7.65ཟིན་པ་དེ་བསྡུར་གཞི་ཡོད་པའི་གྲངས་གཞི་ལྟར་བརྩིས་ན་དུས་མཚུངས་ལས་5.9%འཕར་བ་དང་2019ལོའི་དུས་མཚུངས་ལས་10.2%འཕར་ཡོད། རྒྱལ་ནང་གི་ཡུལ་སྐོར་བས་ཡུལ་སྐོར་ཐད་ཁྱོན་འགྲོ་སོང་སྒོར་དུང་ཕྱུར་7008.17བཏང་བ་དེ་བསྡུར་གཞི་ཡོད་པའི་གྲངས་གཞི་ལྟར་བརྩིས་ན་དུས་མཚུངས་ལས་6.3%འཕར་བ་དང་2019ལོའི་དུས་མཚུངས་ལས་7.9%འཕར་ཡོད།

གསར་འགོད་པར་འགྲིམ་འགྲུལ་སྐྱེལ་འདྲེན་པུའུ་ནས་ཤེས་རྟོགས་བྱུང་བར། ཚེས་1ནས་7ཉིན་བར། སྤྱི་ཚོགས་ཡོངས་སུ་ས་ཁོངས་སྒྲོལ་ནས་ཡུལ་སྐོར་བྱེད་མཁན་རིམ་རྩིས་བརྒྱབ་ན་མི་ཐེངས་དུང་ཕྱུར་20.03ཟིན་པ་དང་ཉིན་རེར་ཆ་སྙོམས་མི་ཐེངས་དུང་ཕྱུར་2.86ཟིན་པ་དེ་ན་ནིང་གི་དུས་མཚུངས་ལས་ཉིན་རེར་ཆ་སྙོམས་3.9%འཕར་བ་དང་2019ལོའི་དུས་མཚུངས་ལས་ཉིན་རེར་ཆ་སྙོམས་23.1%འཕར་ཡོད།