འགྲུལ་སྐྱེལ་མིན་པའི་མོ་ཊ་ཆུང་གྲས་ཀྱི་ཨང་གྲངས་གསར་པ་ཁག་གཅིག་འདོན་རྒྱུའི་སྐོར་གྱི་སྤྱི་བསྒྲགས།

དམངས་ཕན་ཞབས་ཞུའི་ཆུ་ཚད་སྔར་བས་མཐོ་རུ་གཏོང་ཆེད། སྤྱི་བདེ་འགྲིམ་འགྲུལ་དོ་དམ་ཕྱོགས་བསྡུས་བཀོལ་སྤྱོད་ལས་སྟེགས་ཀྱི་རྒྱལ་ཡོངས་གཅིག་གྱུར་པར་གཞིའི་ཨང་འདེམས་མ་ལག་གི་སྒྲིག་སྲོལ་ལ་གཞིགས་པ་དང་ལྷ་ས་གྲོང་ཁྱེར་གྱི་དོན་དངོས་ཨང་འདེམས་ཀྱི་དགོས་མཁོ་དང་ཟུང་འབྲེལ་བྱས་ཏེ། ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཁོར་རིགས་དོ་དམ་སུའོ་ཡིས་2024ལོའི་ཟླ་10ཚེས་9ཉིན་ནས་བཟུང་། སྤྱི་བདེ་འགྲིམ་འགྲུལ་དོ་དམ་ཕྱོགས་བསྡུས་བཀོལ་སྤྱོད་ལས་སྟེགས་ཐོག་སྐབས་བསྟུན་གྱིས་འགྲུལ་སྐྱེལ་མིན་པའི་མོ་ཊ་ཆུང་གྲས་ཀྱི་ཨང་གྲངས་གསར་པ་ཁག་གཅིག་འདོན་རྒྱུ་ཡིན་ཞིང་། གནས་ཚུལ་ཞིབ་ཕྲ་གཤམ་གསལ།

གཅིག སྤྱི་བདེ་འགྲིམ་འགྲུལ་དོ་དམ་ཕྱོགས་བསྡུས་བཀོལ་སྤྱོད་ལས་སྟེགས་ཐོག(སྤྱི་བདེའི་དྲ་བ)འགྲུལ་སྐྱེལ་མིན་པའི་མོ་ཊ་ཆུང་གྲས་ཀྱི་ཨང་གྲངས་གསར་པ་ཁག་གཅིག་འདོན་རྒྱུ་དང་། བོད་A00P00ནས་བོད་A99P99བར་ཡིན།

གཉིས། མོ་ཊའི་ཨང་གྲངས་འདེམས་སྟངས།

འཁོར་བདག་གིས་ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཁོར་རིགས་དོ་དམ་སུའོ་ཡི་ཨང་འདེམས་སྐར་ཁུང་དང་། རྫོང་རིམ་པའི་འཁོར་རིགས་དོ་དམ་སུའོ་ཁག་གི་ཨང་འདེམས་སྐར་ཁུང་། ཞབས་ཞུའི་ས་ཚིགས་ཁག་གི་ཨང་འདེམས་སྐར་ཁུང་། དེ་བཞིན་ཉིས་བརྒྱུད་རླངས་འཁོར་ཉོ་ཚོང་ཁྲོམ་རའི་ཨང་འདེམས་སྐར་ཁུང་བཅས་ནས་འགྲུལ་སྐྱེལ་མིན་པའི་མོ་ཊ་ཆུང་གྲས་ཀྱི་ཨང་གྲངས་འདེམས་ཆོག(སྐབས་བསྟུན་གྱི་ཨང་གྲངས་50ཡི་ནང་ནས་1འདེམས་དགོས)

ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་འཁོར་རིགས་དོ་དམ་སུའོ་ཡིས།

2024ལོའི་ཟླ་10ཚེས་8ཉིན།