ཉིན་ཤས་བསྟུད་མར། ཀོང་པོ་རྒྱ་མདའ་རྫོང་གིས་སྒྲོག་འགྲེལ་གཞི་རྟེན་ཟམ་མི་ཆད་པར་རྒྱ་སྐྱེད་དང་སྒྲོག་འགྲེལ་བྱེད་སྟངས་གསར་གཏོད་བྱས་ཏེ། གྲོང་ཚོར་བཅའ་སྡོད་ལས་དོན་རུ་ཁག་ཁག་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཚ་རླབས་འཕྱུར་ཞིང་། ཚང་འཛོམས་གྲོས་ཚོགས་ཀྱི་དགོངས་དོན་ཉང་ཆུའི་འགྲམ་དུ་ཁྱབ་པར་བྱས་ནས། ཞིང་འབྲོག་ཁུལ་གྱི་ཏང་ཡོན་དང་ལས་བྱེད་མང་ཚོགས་ཀྱིས་བྱ་སྤྱོད་དངོས་ལ་བརྟེན་ནས་ཀོང་པོ་རྒྱ་མདའ་རྫོང་གི་སྤུས་ཚད་མཐོ་བའི་འཕེལ་རྒྱས་དང་སྒྱུར་བཅོས་སྒོ་དབྱེར་སྐུལ་འདེད་གཏོང་ཆེད་སྟོབས་ཤུགས་སྐྱེས་སུ་འབུལ་བར་སྔར་བས་ཁྲིད་སྟོན་བྱས་པ་རེད།

གྲོང་ཚོར་བཅའ་སྡོད་ལས་དོན་རུ་ཁག་གི་སྤྱིའི་རུ་སྣེ་འཁྲིད་མཁན(རུ་སྣེ་འཁྲིད་མཁན་གཞོན་པ)གྱིས་གྲོང་ཚོར་བཅའ་སྡོད་ཁུལ་ཁོངས་སུ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དུས་ཐོག་ཏུ་དྲིལ་བསྒྲགས་བྱས་ཤིང་། “ཀོང་པོ་རྒྱ་མདའ་རྫོང་གི་གྲོང་ཚོར་བཅའ་སྡོད་དོ་དམ་མ་ལག”གི་ལས་སྟེགས་ལ་བརྟེན་པ་དང་བརྙན་ལམ་ཚོགས་འདུའི་མ་ལག་སྤྱད་དེ་གྲོང་ཚོའི(སྡེ་ཁུལ)འཐབ་ས་དང་པོ་དང་སྦྲེལ་མཐུད་བྱས་ནས་གོང་རིམ་ཚོགས་འདུའི་དགོངས་དོན་དང་ཐབས་ཇུས་བཀོད་སྒྲིག་དུས་ཐོག་ཏུ་བརྒྱུད་བསྒྲགས་བྱས་པ་དང་། རྫོང་དང་ཤང་གི་གྲོང་ཚོར་བཅའ་སྡོད་གཞུང་ལས་ཁང་དང་གྲོང་ཚོར་བཅའ་སྡོད་ལས་དོན་རུ་ཁག་ཁག་ལ་དྲ་ཐོག་ནས་ཚང་འཛོམས་གྲོས་ཚོགས་ཀྱི་དགོངས་དོན་སྒྲོག་འགྲེལ་བྱས་པར་སློབ་གསོ་ཐོབ་མཁན་གྱི་ཏང་ཡོན་དང་ལས་བྱེད་པ་270ལྷག་ཙམ་ཟིན་ཡོད། སྒྲོག་འགྲེལ་བྱེད་རིང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་འཚོགས་པའི་དུས་རབས་ཀྱི་རྒྱབ་ལྗོངས་དང་། བཏོན་པའི་རྩ་དོན་གལ་ཆེན། བྱེད་ཐབས་གལ་ཆེན་སོགས་ལ་འགྲེལ་བཤད་གཏིང་ཟབ་བརྒྱབ་པ་མ་ཟད། ཚང་འཛོམས་གྲོས་ཚོགས་ཀྱི་དགོངས་དོན་ཕྱོགས་ཡོངས་དང་། བརྒྱུད་རིམ་ལྡན་པ། གསོན་ཉམས་དོད་པ། ཞིབ་ཅིང་ཕྲ་བ་བཅས་ཀྱི་སྒོ་ནས་གསལ་འགྲེལ་བྱས་ཡོད། ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དང་དོན་འཁྱོལ་བྱེད་པར་ནུས་ཤུགས་ཡོད་རྒུས་དམ་འཛིན་ཡག་པོ་བྱ་ཆེད། གྲོང་ཚོར་བཅའ་སྡོད་ལས་དོན་རུ་ཁག་ཁག་གིས་མང་ཚོགས་དང་ཉེ་བཅར་གྱི་ལེགས་ཆ་འདོན་སྤེལ་གང་ལེགས་བྱས་ཏེ། གྲོང་ཚོའི་ཏང་ཡོན་གྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་སློབ་སྦྱོང་དང་གོ་བ་ལེན་པར་རྒྱུན་མཐུད་རོགས་རམ་བྱས་པ་རེད།

མིག་སྔའི་བར། རིམ་རྩིས་བྱས་ན་སློབ་སྦྱོང་སྒྲོག་འགྲེལ་བྱེད་སྒོ་ཐེངས་400ལྷག་ཙམ་སྤེལ་བ་དང་། ཞིང་འབྲོག་མང་ཚོགས་དང་ཏང་ཡོན་མི་ཐེངས་ཁྲི་1.2ལྷག་ཙམ་ལ་སློབ་གསོ་ཐེབས་ལ། སྐད་འཕྲིན་ཚོགས་པ་ནས་ཚང་འཛོམས་གྲོས་ཚོགས་ཀྱི་དགོངས་དོན་གསལ་འགྲེལ་དང་གཙོ་གནད་1200ལྷག་ཙམ་བརྒྱུད་བསྐུར་བྱས་ནས་མི་སེམས་སུ་གཏིང་ཟབ་ཟུག་པ་དང་། ཁྱིམ་ཚང་ཀུན་གྱིས་ཤེས་པ། མི་ཚང་མས་ཤེས་པ་བཅས་ཐུབ་པར་བྱས་པ་རེད།