ནག་ཆུ་གྲོང་ཁྱེར་གྱིས་ལས་བྲལ་དང་རྒན་ཡོལ་ཞུས་པའི་ལས་བྱེད་པའི་ཏང་འཛུགས་སྐྱོང་ལས་དོན་སྤུས་ཚད་མཐོ་པོས་འཕེལ་རྒྱས་འགྲོ་བར་སྐུལ་འདེད་བཏང་བ།
ཉེ་བའི་ལོ་ཤས་རིང་ནག་ཆུ་གྲོང་ཁྱེར་གྱིས་བསམ་བློའི་རྨང་གཞི་བརྟན་པོ་འཛུགས་པ་དང་། དམག་འཐབ་མཁར་རྫོང་བརྟན་པོ་སྐྲུན་པ། སྣེ་ཁྲིད་ཀྱི་ནུས་པ་འདོན་པ་སོགས་ཀྱི་བྱེད་ཐབས་ལ་བརྟེན་ནས་སེམས་ནུས་ཡོད་རྒུས་ལས་བྱེད་པ་རྒན་གྲས་ཀྱི་ལས་དོན་ཡག་པོ་བསྒྲུབས་ཏེ། ལས་བྲལ་དང་རྒན་ཡོལ་ཞུས་པའི་ལས་བྱེད་པའི་ཏང་འཛུགས་སྐྱོང་ལས་དོན་སྤུས་ཚད་མཐོ་པོས་འཕེལ་རྒྱས་འགྲོ་བར་སྐུལ་འདེད་ཧུར་ཐག་བཏང་བ་རེད།
ཀྲི་པུའུ་ཡི་སློབ་སྦྱོང་ཚོཌ་འདུ་དང་། གསོ་སྦྱོང་འཛིན་གྲྭ བརྗོད་དོན་གཙོ་བོའི་ཏང་གི་ཉིན་མོ། “སྒོ་རྩར་སློབ་ཁྲིད” “སྐད་འཕྲིན་ནས་སློབ་རོགས”སོགས་དྲ་ཐོག་དང་དྲ་ཕྱི་ཟུང་འབྲེལ་གྱི་བྱ་ཐབས་བརྒྱུད། ལས་བྲལ་དང་རྒན་ཡོལ་ཞུས་པའི་ལས་བྱེད་པ་སྒྲིག་འཛུགས་ཀྱིས་རིགས་པའི་གཞུང་ལུགས་དང་སྲིད་ཇུས་ཁག་སློབ་སྦྱོང་བྱེད་པར་ཤུགས་སྣོན་བརྒྱབ་སྟེ། ལས་བྲལ་དང་རྒན་ཡོལ་ཞུས་པའི་མི་སྣར་བསམ་བློའི་རྨང་གཞི་ཟམ་མི་ཆད་པར་བརྟན་པོ་འཛུགས་པ་དང་ཕུགས་བསམ་དང་དད་སེམས་བརྟན་དུ་བཏང་ནས་ཐོག་མཐའ་བར་གསུམ་དུ་ལྷག་བསམ་ཟོལ་མེད་དང་བློ་བརྟན་འགྱུར་མེད་ངང“གཏན་འཁེལ་གཉིས”ལ་བརྩི་བཀུར་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པར་བྱེད་དགོས་པའི་སློབ་གསོ་ཁྲིད་སྟོན་བྱས་པ་རེད།
“སློབ་གསོ་དོ་དམ་ལ་ཕན་པ་ཡོད་པ་དང་། བྱེད་སྒོ་སྤེལ་རྒྱུར་ཕན་པ་ཡོད་པ། ནུས་པ་འདོན་རྒྱུར་ཕན་པ་ཡོད་པ”བཅས་ཀྱི་རྩ་དོན་གཞིར་བཟུང་། གྲོང་ཁྱེར་ཡོངས་ཀྱི་ལས་བྲལ་དང་རྒན་ཡོལ་ཞུས་པའི་ཏང་ཡོན་ལས་བྱེད་པའི་ལོ་ཚད་དང་། དགའ་མོས། སྡོད་གནས་སོགས་ཀྱི་གནས་ཚུལ་ལ་དབྱེ་ཞིབ་བྱས་ཏེ། ལས་བྲལ་དང་རྒན་ཡོལ་ཞུས་པའི་ལས་བྱེད་པའི་ཏང་རྩ་འཛུགས་བཙུགས་ནས་ཏང་རྩ་འཛུགས་ཕྱོགས་ཡོངས་ལ་ཁྱབ་པར་བྱས་པ་མ་ཟད། མཉམ་སྐྲུན་མཉམ་སྦྱོང་དང་། བྱེད་སྒོ་མཉམ་སྤེལ། ཐོན་ཁུངས་མཉམ་སྤྱོད་སོགས་ཀྱི་རྣམ་པའི་ཐོག་ནས་སྡེ་ཁུལ་གྱི་ཏང་རྩ་འཛུགས་དང་མཉམ་སྐྲུན་གྱི་བྱེད་སྒོ་སྤེལ་ཏེ་ཕྱོགས་གཉིས་པོའི་ཏང་རྩ་འཛུགས་ཕན་ཚུན་རོགས་རམ་དང་། ཕན་ཚུན་སྐུལ་འདེད། གཉིས་ཁེ་གཉིས་ཕན་བཅས་ཀྱི་དམིགས་ཚད་མངོན་འགྱུར་ཡོང་བ་བྱས་པ་རེད།