ཀྲུང་གོར་2024ལོའི་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་པེ་ཅིང་དབུ་ཚོགས་ནང་ཞུགས་མཁན་ཝེར་ཏེ་གླིང་ཟུར་གྱི་ཙུང་ལི་ཞིའར་ཝ་ཡིས་ཉིན་ཤས་གོང་གསར་འགོད་པའི་བཅར་འདྲི་དང་ལེན་བྱེད་སྐབས། ཁོང་གིས“ང་ཚོ་དང་ཀྲུང་གོའི་དབར་མཉམ་ལས་ཀྱི་འབྲེལ་བ་བརྟན་པོ་བཙུགས་ཡོད”ཕྱི་འབྲེལ་བཙུགས་ནས་ལོ་48སོང་རིང་། ཝེར་ཏེ་གླིང་ཟུར་དང་ཀྲུང་གོའི་དབར་ཐོག་མཐའ་བར་གསུམ་དུ་མཛའ་མཐུན་མཉམ་ལས་དང་ཕན་ཚུན་ཡིད་ཆེས་རྒྱུན་འཁྱོངས་བྱས་ནས་དཔལ་འབྱོར་ཚོང་དོན་དང་། རྨང་གཞིའི་སྒྲིག་བཀོད། འཕྲོད་བསྟེན་བདེ་ཐང་། རྒྱ་མཚོའི་དཔལ་འབྱོར་སོགས་ཁྱབ་ཁོངས་ཀྱི་མཉམ་ལས་ལ་གཡུར་ཟའི་གྲུབ་འབྲས་ཐོབ་ཡོད་པས། རྒྱལ་ཁབ་གཉིས་པོས་འཕེལ་རྒྱས་འཐབ་ཇུས་ཀྱི་སྦྲེལ་མཐུད་ལ་སྔར་བས་ཤུགས་སྣོན་བརྒྱབ་སྟེ་རྒྱལ་ཁབ་གཉིས་པོའི་འཐབ་ཇུས་རོགས་ཟླའི་འབྲེལ་བ་རྒྱུན་ཆད་མེད་པར་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་རྒྱུའི་རེ་བ་ཡོད་ཅེས་བརྗོད་པ་རེད།

ཞིའར་ཝ་ཡིས། ཉེ་བའི་ལོ་ཤས་རིང་། ཝེར་ཏེ་གླིང་ཟུར་དང་ཀྲུང་གོས་ཧྲེང་ཝུན་སེན་ཐེ་གླིང་ཕྲན་གྱི་རྒྱ་མཚོའི་དཔལ་འབྱོར་དམིགས་བསལ་ཁུལ་འཆར་འགོད་འཛུགས་སྐྲུན་དང་དུས་བདེའི་གྲོང་ཁྱེར་འཛུགས་སྐྲུན་སོགས་རྣམ་གྲངས་གལ་ཆེན་མང་པོའི་ཐད་མཉམ་ལས་ཀྱི་གྲོས་མཐུན་བཞག་ཡོད། མིག་སྔར་རྣམ་གྲངས་དེ་དག་གི་འཕེལ་རིམ་བདེ་བླག་བྱུང་ཡོད། ཧྲེང་ཝུན་སེན་ཐེ་གླིང་ཕྲན་གྱི་རྒྱ་མཚོའི་དཔལ་འབྱོར་དམིགས་བསལ་ཁུལ་གྱིས་མཚོ་ཐོག་དཔལ་འབྱོར་ལ་སྣང་ཆེན་བྱེད་ཀྱི་ཡོད་པ་དང《ཝེར་ཏེ་གླིང་ཟུར་གྱི་ཧྲེང་ཝུན་སེན་ཐེ་གླིང་ཕྲན་གྱི་མཚོ་ཐོག་དཔལ་འབྱོར་དམིགས་བསལ་ཁུལ་གྱི་འཆར་འགོད》ནི་ཀྲུང་གོའི་རྒྱབ་སྐྱོར་འོག་བཟོས་པ་ཞིག་རེད།

ད་ལོའི་ཟླ་8པར་ཀྲུང་གོ་དང་ཝེར་ཏེ་གླིང་ཟུར་དབར་མཉམ་ལས་ཀྱི་ཡིག་ཆར་མིང་རྟགས་བཀོད་པ་རེད། ཞིའར་ཝ་ཡིས། “དེའི་ནང་གི་ཝེར་ཏེ་གླིང་ཟུར་རྒྱལ་ཁབ་ལུས་རྩལ་ཐང་གི་དུས་ཐེངས་གསུམ་པའི་ལག་རྩལ་རོགས་སྐྱོར་རྣམ་གྲངས་ནི་ཝེར་ཏེ་གླིང་ཟུར་དང་ཀྲུང་གོ་རྒྱལ་ཁབ་གཉིས་ཀྱི་མཛའ་མཐུན་མཉམ་ལས་ཀྱི་མཚོན་བྱེད་རང་བཞིན་གྱི་རྣམ་གྲངས་ཀྱི་གྲས་ཤིག་རེད” ཉེ་བའི་ལོ་ཤས་རིང་། ཀྲུང་གོའི་ཁེ་ལས་ཀྱིས་ཝེར་ཏེ་གླིང་ཟུར་གྱི་རྨང་གཞིའི་སྒྲིག་བཀོད་འཛུགས་སྐྲུན་དང་གྲངས་འཛིན་ཅན་གྱི་ཕྱོགས་སྒྱུར་སོགས་ནང་ཧུར་ཐག་ཞུགས་ནས་ཝེར་ཏེ་གླིང་ཟུར་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་དགེ་མཚན་ལྡན་པའི་ལེགས་སྐྱེས་ཕུལ་ཡོད་ཅེས་བརྗོད་པ་རེད།

ཞིའར་ཝ་ཡིས། “ཀྲུང་གོ་ནི་ང་ཚོའི་མཉམ་ལས་རོགས་ཟླ་གལ་ཆེན་ཞིག་ཡིན”ཝེར་ཏེ་གླིང་ཟུར་དང་ཀྲུང་གོ་རྒྱལ་ཁབ་གཉིས་པོའི་དབར་མཛའ་མཐུན་ཟབ་ཅིང་ཕྱོགས་གཉིས་པོའི་འབྲེལ་བ་འཕེལ་ངོ་བཟང་པོ་ཡོད། “ཀྲུང་གོའི་མ་འཇོག་མཁན་དེ་བས་མང་བ་ཝེར་ཏེ་གླིང་ཟུར་གྱི་དཔལ་འབྱོར་ཚོང་དོན་དང་། ཡུལ་སྐོར། བསྐྱར་སྐྱེས་ཐུབ་པའི་ནུས་རྒྱུ། གྲངས་འཛིན་ཅན་གྱི་ཕྱོགས་སྒྱུར་སོགས་ཁྱབ་ཁོངས་ཁག་གི་འཕེལ་རྒྱས་ནང་ཞུགས་རྒྱུར་ང་ཚོས་རེ་སྒུག་བྱེད་ཀྱི་ཡོད”ཅེས་བརྗོད་པ་རེད།