ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཀྲུང་གོའི་ཚོང་ཚོཌ་ཀྱིས་ཀྲུང་གོའི་ཁེ་ལས་ཀྱི་སྤྱི་ཚོགས་འགན་འཁྲིའི་སྐོར་གྱི་སྙན་ཞུ་ཐོག་མར་བཀྲམ་པ།
ཉིན་ཤས་གོང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཀྲུང་གོའི་ཚོང་ཚོགས་ཀྱིས་ཚོང་ཚོགས་བཙུགས་ནས་ལོ་20འཁོར་བར་རྟེན་འབྲེལ་ཞུ་བའི་བྱེད་སྒོ་སྤེལ་བ་དང་འབྲེལ《ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཀྲུང་གོའི་མ་འཇོག་ཁེ་ལས་ཀྱི་སྤྱི་ཚོགས་འགན་འཁྲིའི་སྐོར་གྱི་སྙན་ཞུ》ཐོག་མར་བཀྲམ་པ་རེད། སྙན་ཞུའི་ནང་ཀྲུང་གོའི་ཁེ་ལས་ཀྱིས་དཔལ་འབྱོར་འཕེལ་རྒྱས་ལ་རམ་འདེགས་བྱེད་པ་དང་། ཁོར་ཡུག་སྲུང་སྐྱོང་གི་འདུ་ཤེས་ལག་ལེན་བསྟར་བ། སྤྱི་ཚོགས་ལ་དྲིན་ལན་ཧུར་ཐག་འཇལ་བ་བཅས་ཀྱི་དཔེ་མཚོན་མང་པོར་བརྟེན་ནས། ཀྲུང་ཨ་གཉིས་པོས་སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་དང་གཉིས་ཁེ་གཉིས་ཕན་གྱི་འཕེལ་རྒྱས་ལ་སྐུལ་འདེད་བཏང་བའི་གསོན་ཉམས་ལྡན་པའི་ལག་ལེན་མངོན་པར་བྱས་ཡོད། ཉིན་དེར་བྱེད་སྒོ་སྤེལ་ཡུལ་དུ་ཀྲུང་གོའི་ཁེ་ལས་ཀྱིས་ཁེ་ལས་ཀྱི་སྤྱི་ཚོགས་འགན་འཁྲི་སྒྲུབ་པའི་ཕུལ་བྱུང་དཔེ་མཚོན་འགྲེམས་སྟོན་གྱི་འགྲེམས་པང་བཙུགས་པ་དང་། བྱེད་སྒོ་སྤེལ་རིང“མཉམ་ལས་ཀྱི་གོ་སྐབས་དོན་གཉེར་བྱེད། འཕེལ་རྒྱས་ཀྱི་འབྱུང་འགྱུར་མཉམ་དུ་གླེང”ཞེས་པའི་བརྗོད་དོན་གཙོ་བོའི་གྲོས་བསྡུར་ཚོགས་འདུ་འཚོགས་ཏེ་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཏུ་ཡོད་པའི་ཀྲུང་གོའི་ཁེ་ལས་ཕུལ་བྱུང་ལ་སྤྱི་ཚོགས་འགན་འཁྲིའི་བྱ་དགའ་དང་ཚོང་ཚོགས་ཀྱི་དམིགས་བསལ་ལེགས་སྐྱེས་བྱ་དགའ་སྤྲད་ཡོད།