ལས་མིས་འཁོར་ཁང་ནང་གི་ཆུ་གཙང་གསིང་འཕྲུལ་འཁོར་གྱི་གཅུས་སྒོར་ཞིབ་བཤེར་བྱེད་བཞིན་པ།

ཀྲུང་གོ་དང་ཧ་སག་སི་ཐན་གྱི་ལས་མིས་ཆུ་གཙང་མ་གསོག་ཁུལ་དུ་ལས་ཀའི་སྐོར་གླེང་བཞིན་པ། （གོང་གསལ་པར་རིས་འདི་གཉིས་ཀྲུའུ་ཡུང་ཅུན་གྱིས་པར་བླངས）

ཀྲུང་གོའི་ཁེ་ལས་ཀྱིས་མ་དངུལ་བཏང་ནས་བསྐྲུན་པའི་ཧ་སག་སི་ཐན་གྱི་KBMསྣུམ་ཞིང་གི་བཙོག་ཆུ་གཙང་གསིང་བཟོ་གྲྭ（KBMརྣམ་གྲངས）མི་རིང་བའི་གོང་དངོས་སུ་གཉེར་སྐྱོང་བྱེད་འགོ་ཚུགས་ཡོད། KBMརྣམ་གྲངས་ནི་ཀྲུང་གོའི་མ་འཇོག་ཁེ་ལས་ཀྱི་ཧ་སག་སི་ཐན་དང་དེ་བཞིན་ཨེ་ཤེ་ཡ་དབུས་མའི་ས་ཁུལ་ཧྲིལ་པོའི་སྐྱེ་ཁམས་ཁོར་ཡུག་སྲུང་སྐྱོང་ཁྱབ་ཁོངས་ཀྱི་ཚད་ལྡན་རྣམ་གྲངས་ཤིག་ཡིན་ཞིང་། དེ་ནི་ཀྲུང་གོ་ཀྲུང་ཤིན་ཚོགས་པའི་ཁོངས་གཏོགས་ཀྱི་ཀྲུང་ཤིན་ཁོར་ཡུག་མ་འཇོག་གིས་སྐྲུན་འགན་འཁུར་བ་ཞིག་རེད། རྣམ་གྲངས་དེར་ཁྱོན་ཚྭ་མེད་ཆུ་ཐོན་སྐྱེད་གཙང་གསིང་བྱེད་ས་4ཡོད་པ་དང་། བཙོག་ཆུ་གཙང་གསིང་བྱེད་ཚད་ཉིན་རེར་ཏུན་ཁྲི་4.25ཟིན་པ། ཚྭ་མེད་ཆུ་ཐོན་སྐྱེད་བྱེད་ནུས་ཉིན་རེར་ཏུན་ཁྲི་1.7ཟིན་པས། སྣུམ་ཞིང་ཡོངས་ཀྱི་བཟོ་ལས་ཐད་སྤྱོད་པའི་ཆུའི་དགོས་མཁོ་90%སྐོང་ཐུབ་པ་དང་ཆབས་ཅིག ས་གནས་དེ་གའི་ཆུའི་ཐོན་ཁུངས་དཀོན་པ་དང་ཁོར་ཡུག་སྦགས་བཙོག་སོགས་ཀྱི་དམངས་འཚོའི་གནད་དོན་གལ་ཆེན་ཡང་ཐག་གཅོད་ནུས་ལྡན་ཐུབ་ཡོད།

（འདི་ག་ཚགས་པར་གྱི་གསར་འགོད་པ། ལི་ཆང）