ཞི་བདེ་དང་བརྟན་ལྷིང་སྲུང་སྐྱོང་བྱེད་པའི་ཕྱོགས་ཁག་གི་ཐུན་མོང་ངོས་འཛིན་རྒྱུན་ཆད་མེད་པར་གཅིག་སྒྲིལ་བྱེད་དགོས།
ཀྲུང་གོས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་རྒྱུན་འཁྱོངས་ནས་གོ་ལ་ཧྲིལ་པོའི་བདེ་འཇགས་ཀྱི་གྲོས་འགོ་ཕྱོགས་ཡོངས་ནས་ལག་བསྟར་བྱེད་པ་དང་ས་ཁུལ་གྱི་གླེང་མང་བའི་གནད་དོན་ཐག་གཅོད་ལ་སྐུལ་འདེད་ཧུར་ཐག་བཏང་ནས་འཛམ་གླིང་ཞི་བདེ་དང་བརྟན་ལྷིང་སྲུང་སྐྱོང་ཆེད་འགན་འཁྲི་གཙང་སྒྲུབ་བྱས་ཡོད།
“ཞི་བདེ་མཉམ་སྐྲུན་དང་འབྱུང་འགྱུར་མཉམ་སྤྱོད”ཅེས་པ་བརྗོད་དོན་གཙོ་བོར་བྱས་པའི་པེ་ཅིང་ཤང་ཧྲན་གླེང་སྟེགས་སྐབས་བཅུ་གཅིག་པ་ཉེ་ཆར་མཇུག་འགྲིལ་བ་རེད། སྐབས་འདིའི་གླེང་སྟེགས་རིང་། རྒྱལ་ཁབ་དང་རྒྱལ་སྤྱིའི་རྩ་འཛུགས་100ལྷག་ཙམ་གྱི་གཞུང་ཕྱོགས་ཀྱི་འཐུས་མི་དང་། རིགས་གཅིག་མཁས་ཅན། མཁས་དབང་བཅས་དང་དེ་བཞིན་རྒྱལ་ཁབ་ཁག་གི་ལྟ་ཞིབ་པ་སོགས་ཀྱིས་འདྲ་མཉམ་དང་། སྒོ་དབྱེ། བསྟུན་མཁས། ཕན་ཚུན་དཔྱད་གཞིར་འཛིན་པ་བཅས་ཀྱི་སྙིང་སྟོབས་ཐོག་ནས་ཞི་བདེ་འཕེལ་རྒྱས་མཉམ་དུ་གླེང་བ་དང་། ཞི་བདེ་དང་བརྟན་ལྷིང་སྲུང་སྐྱོང་གི་དྲང་ཕྱོགས་སྟོབས་ཤུགས་མཉམ་དུ་སྒྲིལ་བ། འདྲ་མཉམ་དང་གོ་རིམ་ལྡན་པའི་འཛམ་གླིང་སྣེ་མང་ཅན་མཉམ་དུ་དར་སྤེལ་གཏོང་བ་བཅས་བྱས་ནས་གོ་ལ་ཧྲིལ་པོའི་བདེ་འཇགས་ཐད་ཀྱི་འགྲན་སློང་ལ་ཁ་གཏད་འཇལ་བ་དང་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་ཆེད། བློ་གྲོས་སྐྱེས་སུ་ཕུལ་ཡོད།
“འཛམ་གླིང་ལ་ལོ་བརྒྱའི་རིང་འཕྲད་མ་མྱོང་བའི་འགྱུར་ལྡོག་ཆེན་པོ་འཕྲད་པ་དང་། འཛམ་གླིང་མི་དམངས་ཀྱིས་བདེ་འཇགས་དང་བརྟན་ལྷིང་ལ་རེ་སྒུག་བྱེད་པའི་མདུན་དུ། ཀྲུང་གོས་གོ་ལ་ཧྲིལ་པོའི་བདེ་འཇགས་གྲོས་འགོ་ལག་ལེན་བསྟར་ནས་ཕྱོགས་ཁག་གི་ཐུན་མོང་ངོས་འཛིན་རྒྱུན་ཆད་མེད་པར་གཅིག་ཏུ་སྒྲིལ་བ་དང་། རྒྱལ་སྤྱིའི་གདོང་ཐུག་གི་འབྱུང་རྩ་སེལ་བ་དང་གོ་ལ་ཧྲིལ་པོའི་བདེ་འཇགས་བཅོས་སྐྱོང་འཐུས་སྒོ་ཚང་དུ་འགྲོ་བར་སྐུལ་འདེད་བཏང་སྟེ། ཡུན་རིང་ཞི་བདེ་དང་སྤྱི་ཡོངས་བདེ་འཇགས་ཀྱི་འཛམ་གླིང་མཉམ་དུ་སྐྲུན་ཆེད་འབད་བརྩོན་ལྷོད་མེད་བྱས་ཡོད”ཅེས་ཀྲུའུ་ཞི་ཞི་ཅིན་ཕིང་གིས་པེ་ཅིང་ཤང་ཧྲན་གླེང་སྟེགས་སྐབས་བཅུ་གཅིག་པར་རྟེན་འབྲེལ་འཕྲིན་ཡིག་སྤྲིངས་ནས་ཀྲུང་གོས་འཛམ་གླིང་ཞི་བདེ་དང་བརྟན་ལྷིང་སྲུང་སྐྱོང་ལ་གཞོལ་བ་དང་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བའི་ཆོད་སེམས་བརྟན་པོ་མངོན་པར་བྱས་ཡོད།
མཐུན་སྒྲིལ་མཉམ་ལས་ལ་ཤུགས་སྣོན་རྒྱག་པ་དང་འབྲེལ་གཏུག་དང་བསམ་ཤེས་ཆེ་རུ་གཏོང་བ་ནི་རྒྱལ་ཁབ་ཁག་གིས་འགྲན་སློང་མཉམ་བསུ་དང་འབྱུང་འགྱུར་མཉམ་གཏོད་བྱེད་པའི་ཐབས་ལམ་ནུས་ལྡན་ཞིག་རེད། པེ་ཅིང་ཤང་ཧྲན་གླེང་སྟེགས་ཀྱི་ཤུགས་རྐྱེན་རྒྱུན་ཆད་མེད་པར་ཆེ་རུ་ཕྱིན་ནས་ཀྲུང་གོས་མཁོ་འདོན་དང་འཛམ་གླིང་གིས་མཉམ་སྤྱོད་བྱེད་པའི་རྒྱལ་སྤྱིའི་སྤྱི་པའི་བདེ་འཇགས་ཐོན་རྫས་དང་གོ་ལ་ཧྲིལ་པོའི་བདེ་འཇགས་གྲོས་འགོར་སྐུལ་འདེད་གཏོང་བའི་མཉམ་ལས་ལས་སྟེགས་གལ་ཆེན་ཞིག་ཏུ་གྱུར་ཡོད། ཀྲུང་གོ་ཕྱོགས་ཀྱིས་ཕྱོགས་ཁག་ལ་དྲང་གཞག་དྲང་བདེན་གྱི་འདུ་ཤེས་བཟུང་ནས་སྒོ་དབྱེ་བསྟུན་མཁས་ཀྱི་བློ་རྒྱ་མངོན་པ་དང་། སྐད་ཆ་ཤོད་རེས་བྱེད་རིང་ཤེས་རྟོགས་ཟབ་ཏུ་གཏོང་བ་དང་སྤེལ་རེས་བྱེད་རིང་ཕན་ཚུན་ཡིད་ཆེས་ཆེ་རུ་བཏང་སྟེ་འཛམ་གླིང་ཞི་བདེ་དང་བདེ་འཇགས་ཀྱི་འདུན་པ་མངོན་འགྱུར་ཐུབ་པའི་བློ་གྲོས་སྔར་ལས་མང་བ་ཐོན་རྒྱུའི་རེ་བ་ཟོལ་མེད་བྱེད་ཀྱི་ཡོད།
“རྒྱལ་ཁབ་ཁག་གིས་ངེས་པར་དུ་ཞི་བདེ་སྲུང་སྐྱོང་གི་འགན་འཁྲི་མཉམ་དུ་འཁུར་བ་དང་ཞི་བདེ་འཕེལ་རྒྱས་ཀྱི་ལམ་བུའི་ཐོག་མཉམ་དུ་བསྐྱོད་དེ་ཞི་བདེ་མཉམ་དུ་དོན་གཉེར་དང་། ཞི་བདེ་མཉམ་དུ་སྲུང་སྐྱོང་། ཞི་བདེ་མཉམ་སྤྱོད་བཅས་བྱེད་དགོས་པ་ལོ་རྒྱུས་དང་དོན་དངོས་ཀྱིས་ང་ཚོར་ངོ་སྤྲོད་བྱས་ཡོད”ཀྲུང་གོ་ཕྱོགས་ཀྱིས་མུ་མཐུད་ཕྱོགས་ཁག་དང་མཉམ་དུ་གོ་ལ་ཧྲིལ་པོའི་བདེ་འཇགས་གྲོས་འགོ་ལག་ལེན་བསྟར་ནས་འཛམ་གླིང་གི་བདེ་འཇགས་དང་བརྟན་ལྷིང་མཉམ་དུ་སྲུང་སྐྱོང་བྱས་ཏེ་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་གི་ཡིན།