ལི་ཅན་གོ་ཡིས་ཆུ་འཁོལ་མ་ཐག་ཇ་ལོ་སྦངས་པ་དང་། དེ་ནས་ཧུབ་གང་བཏུངས་ཏེ“ཆུ་མིག་གི་ཆུས་བསྐོལ་བའི་ཇའི་བྲོ་བ་གཞན་དང་གཏན་ནས་འདྲ་ཡི་མི་འདུག”ཅེས་བཤད།

ཧྲན་ཏུང་གི་ཅི་ནན་ལ“ཆུ་མིག་གྲོང”ཞེས་པའི་འབོད་སྲོལ་ཡོད། ས་སྐྱེས་རྡོ་སྐྱེས་ཀྱི་ཅི་ནན་པ་ཞིག་ཡིན་པའི་ལི་ཅན་གོ་ཡི་ངོས་ནས་བརྗོད་ན། ཆུ་མིག་གི་ཆུས་ཇ་སྐོལ་བ་དང་འབྲས་བཙོ་རྒྱུ་ནི་སྔ་མོ་ནས་འཚོ་བའི་གྲུབ་ཆ་གལ་ཆེན་ཞིག་ཏུ་གྱུར་ཡོད། དེ་སྔོན་ཁོང་དང་བཟའ་ཟླས་རླངས་འཁོར་ནང་ཆུ་སྣོད་ཆེ་ཆུང་སྣ་ཚོགས་བླུགས་ཏེ་སྟག་ནག་ཆུ་མིག་དང་ལྷོ་རྒྱུད་རི་ཁུལ་དུ་བང་བསྒྲིགས་ནས་ཆུ་མིག་གི་ཆུ་ལེན་པར་འགྲོ་བཞིན་ཡོད་ཀྱང་། ཕྱིས་སུ་ཁོང་གཉིས་པོ་ལོ་ན་རིམ་བཞིན་རྒས་སྟབས་ཆུ་ལེན་པར་འགྲོ་དགོས་བསམས་ཀྱང་གཟུགས་པོས་ལྕོགས་ཀྱི་མེད།

“གལ་ཏེ་ཆུ་ཀ་ལ་ནས་ཐད་ཀར་ཆུ་མིག་གི་ཆུ་དོན་ན་ཅི་འདྲའི་དགའ་བ་ལ་ཨང”ལོ་མང་རེ་སྒུག་བྱས་མཐར་ལི་ཅན་གོ་ཡི་བསམ་འདུན་དེ་ད་ཆ་གཞི་ནས་མངོན་འགྱུར་བྱུང་ཡོད།

ལོ་ཤས་གོང་ཅི་ནན་གྱིས“ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ཚོད་ལྟའི་ལས་གྲྭ”ལག་ལེན་བསྟར་ཏེ། སྲིད་གཞུང་གིས་གཙོ་ཁྲིད་དང་ཁྲོམ་རས་འཁོར་སྐྱོད་བྱེད་པ། ཆུ་མཁོ་འདོན་ཁེ་ལས་སྒྲིག་འཛུགས་ཀྱིས་ཆ་རྐྱེན་འཛོམས་པའི་ཁུལ་ཆུང་དུ་ཚོད་ལྟའི་ལག་ལེན་བསྟར་བ། གཙང་སིང་བྱས་པའི་ཆུ་མིག་གི་ཆུ་མི་སེར་ལ་མཁོ་འདོན་བྱ་རྒྱུའི་གྲོས་འགོ་བཏོན་པར། ལི་ཅན་གོ་སྡོད་སའི་ཧྲེ་ཀྲུང་ཆུས་ལུའུ་ནེང་ལིང་ཤིའུ་གྲོང་ཡང་དེའི་ཁོངས་སུ་ཚུད་པ་རེད། དེ་རྗེས་ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ལས་གྲྭའི་ལག་བསྟར་ཁྱབ་ཁོངས་རིམ་བཞིན་ཆེ་རུ་བཏང་ཞིང་། ད་ལོའི་ཟླ་བ་8པའི་ཟླ་མཇུག་བར་དུ་ཅི་ནན་གྱིས་རིམ་རྩིས་བྱས་ན་ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་རྣམ་གྲངས་200སྐྲུན་འགོ་བཙུགས་པར་ཞབས་འདེགས་ཞུ་ཡུལ་མི་འབོར་ཁྲི་63.2ཟིན་གྱི་ཡོད།

ད་ལོ་ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ལས་གྲྭ་ལས་ཕན་པ་ཐོབ་པའི་མི་ཁྲི་30མང་དུ་ཕྱིན་པ་དང་2025ལོའི་ལོ་མཇུག་ཏུ་སླེབས་སྐབས་ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ལས་གྲྭའི་ཞབས་ཞུའི་གཞི་ཁྱོན་སྔོན་དཔག་བྱས་ན་དུད་ཚང་ཁྲི་35དང་མི་གྲངས་ཁྲི་100ཟིན་རྒྱུ་ཡིན་པ་རེད།

ཅི་ནན་གྱི་ཐད་ཀར་འཐུང་ཆོག་པའི་ཆུ་མིག་གི་ཆུའི་ཕྱིར་ཚོང་རིན་གོང་ཆ་སྙོམས་བྱས་ན་ཧྲེང་རེར་སྒོར་0.3ཡིན་པ་དེ་ཁྲོམ་རའི་ཐོག་འཚོང་བཞིན་པའི་འགྱིག་དམ་ནང་བླུགས་པའི་གཏེར་ཆུར་ཕབ་ནས་རྩིས་བརྒྱབ་ཚེ་འགྱིག་དམ་རེར་སྒོར་5.5ལས་ཟིན་གྱི་མེད། ཅི་ནན་ཕུའུ་རུན་ཆུ་དོན་ཚད་ཡོད་ཀུང་སིའི་ཐོན་སྐྱེད་དང་སྐྱེལ་འདྲེན་བདག་སྐྱོང་པུའི་པུའུ་ཀྲང་ཝང་ཡན་ནན་གྱིས“ཆུ་མིག་གི་ཆུ་ཐད་ཀར་དུད་ཚང་དུ་ཁྲིད་པ་དེས་འགྱིག་དམ་གྱི་མ་གནས་གྲོན་ཆུང་ཐུབ་པའི་ཁར། སྐྱེལ་འདྲེན་བྱེད་མི་དགོས་སྟབས་ད་དུང་ཆུ་སྐྱེལ་རིན་ཁག་གཅིག་གྲོན་ཆུང་ཐུབ་པས། འགྱིག་དམ་ནང་བླུགས་པའི་ཆུ་ལས་གོང་ཁེ་བ་ནི་སྨོས་མེད་རེད”ཅེས་བརྗོད།

ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ལས་གྲྭས་ཆུ་མིག་གི་ཆུ་འགོར་ཤུགས་རྐྱེན་ཐེབས་སམ།

ཅི་ནན་གྲོང་ཁྱེར་གྱི་གྲོང་ཁྱེར་གྲོང་གསེབ་ཆུ་དོན་ཅུས་ཆུ་མཁོ་འདོན་དོ་དམ་ཁྲུའུ་ཡི་ཁྲུའུ་ཀྲང་ལི་ཝུའེ་ཡིས“ཆུ་མིག་གི་ཆུ་ཐད་ཀར་འཐུང་ཆོག་པར་བྱེད་པའི་ལས་གྲྭ་ལག་བསྟར་ཐུབ་དོན་ནི་ཅི་ནན་གྱིས་ལོ་མང་རིང་ཁྲོན་པ་བཀག་ནས་ཆུ་མིག་ལ་སྲུང་སྐྱོང་དང་ཆུར་གྲོན་ཆུང་བྱེད་པ་སོགས་ཀྱི་བྱེད་ཐབས་སྤྱད་དེ། ཆུ་མིག་ཁག་གི་ས་འོག་གི་ཆུའི་ཆུ་གནས་བརྟན་པོ་ཡོང་ཐབས་བྱས་པའི་དྲིན་ཡིན་པ་རེད། མིག་སྔར་ཆུ་མིག་གི་ཆུ་ཐད་ཀར་འཐུང་བར་སྲིད་ཇུས་ཀྱིས་ཚད་བཀག་བཟོས་པ་སྟེ། མི་རེས་ཉིན་རེར་ཧྲེང་5ལས་བརྒལ་མི་ཆོག་པ་དང་སྦྲགས། ཆུ་མིག་གི་ཚོགས་ཆེན་པོ་བཞི་གནས་སའི་གྲོང་ཁུལ་རྙིང་པའི་ཉེ་འཁོར་གྱི་ཁྱབ་ཁོངས་ནས་ས་འོག་གི་ཆུ་ལེན་ཆོག་གི་མེད”ཅེས་བརྗོད།

2003ལོའི་ཟླ་9ཚེས་6ཉིན“གནམ་འོག་གི་ཆུ་མིག་དང་པོར”གྲགས་པའི་ཅི་ནན་གྱི་པའོ་ཐུའུ་ཆུ་མིག་ནས་ཆུ་ལྷོག་ལྷོག་ཏུ་དོན་འགོ་ཚུགས་པ་ནས་ད་བར་ལོ་21སོང་ཡོད། ཤེས་རྟོགས་བྱུང་བར་གཞིགས་ན། ཟླ་9ཚེས་6ཉིན་པའོ་ཐུའུ་ཆུ་མིག་གི་ས་འོག་གི་ཆུ་གནས་སྨི་28.98ཟིན་གྱི་ཡོད་པ་དང་། འདི་ནི་ཟླ་9ཚེས་6ཉིན་ཡུལ་སྐོར་བས་ཅི་ནན་གྱི་པའོ་ཐུའུ་ཆུ་མིག་སྤྱི་གླིང་དུ་ལྟ་སྐོར་བྱེད་བཞིན་པ།