ཤིན་ཧྭ་གསར་འགྱུར་ཁང་གྲོང་ཁྱེར་རོ་མ་ནས་གློག་འཕྲིན་འབྱོར་གསལ། ཚེས་16ཉིན། ཀྲུང་གོའི་ཕྱིར་གཏོང་ནང་འདྲེན་གྱི་ཚོང་འདུས(ཀོང་ཀྲོའུ་ཚོང་འདུས)ཀྱི་འོས་སྦྱོར་ཚོགས་འདུ་སྐབས་136པ་དབྱི་ཐ་ལིའི་རྒྱལ་ས་རོ་མར་འཚོགས་ཤིང་། ཀྲུང་གོ་དང་དབྱི་ཐ་ལིའི་སྲིད་ཚོང་ལས་རིགས་ཀྱི་མི་སྣ་60ལྷག་ཙམ་ཚོགས་འདུར་ཞུགས་ནས་དཔལ་འབྱོར་ཚོང་དོན་ཁྱབ་ཁོངས་ཀྱི་རྒྱལ་ཁབ་གཉིས་པོའི་ཁེ་ལས་ཀྱི་མཉམ་ལས་དང་འཕེལ་རྒྱས་ཀྱི་གོ་སྐབས་ལ་ཐུན་མོང་ཐོག་གྲོས་བསྡུར་བྱས་པ་རེད།

ཀོང་ཀྲོའུ་ཚོང་འདུས་སྐབས་136པ་འདི་ལོའི་ཟླ་10ཚེས་15ཉིན་ཀོང་ཀྲོའུ་རུ་འགོ་ཚུགས་རྒྱུ་ཡིན་ཞིང་། དེའི་རིང་ཁེ་ལས་ཁྲི་4.5ཙམ་དྲ་ཐོག་དང་དྲ་ཕྱིའི་འགྲེམས་སྟོན་ལ་ཞུགས་རྒྱུ་ཡིན་པ་དང་། དེའི་ནང་རྒྱལ་ཁབ་རིམ་པའི་མཐོ་གསར་ལག་རྩལ་ཁེ་ལས་8000ལྷག་ཙམ་ཚུད་ཡོད་པ་རེད།