ལྗོངས་ཡོངས་ཀྱི་ཏང་འཛུགས་སྐྱོང་ལ་དམ་འཛིན་བྱས་ཏེ་གཞི་རིམ་བཅོས་སྐྱོང་ལ་སྐུལ་འདེད་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི་ས་གནས་ས་ཐོག་གི་ཚོགས་འདུ་འཚོགས་པ།
ཉེ་ཆར་ལྗོངས་ཡོངས་ཀྱི་ཏང་འཛུགས་སྐྱོང་ལ་དམ་འཛིན་བྱས་ཏེ་གཞི་རིམ་བཅོས་སྐྱོང་ལ་སྐུལ་འདེད་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི“དམ་འཛིན་གཅིག་དང་སྐུལ་འདེད་གཉིས”ཀྱི་ས་གནས་ས་ཐོག་གི་ཚོགས་འདུ་ལྷོ་ཁར་འཚོགས་པ་དང་། ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ལའེ་ཅའོ་ཚོགས་འདུར་ཞུགས་ནས་གསུང་བཤད་གནང་བ་རེད།
ལའེ་ཅའོ་ཡིས་ནན་བཤད་གནང་དོན། ཏང་འཛུགས་སྐྱོང་ལ་དམ་འཛིན་དང་གཞི་རིམ་བཅོས་སྐྱོང་ལ་སྐུལ་འདེད་གཏིང་ཟབ་བཏང་ནས་སྒྲིག་སྲོལ་ལམ་སྲོལ་འཐུས་སྒོ་ཚང་དུ་གཏོང་བ་འགག་རྩར་བྱེད་པ་དང་། རྨང་གཞི་འགན་ལེན་བྱ་རྒྱུ་འདེགས་སྐྱོར་དུ་བྱེད་པ། དུས་རབས་གསར་པའི“ཧྥེང་ཆའོ་ཡི་ཉམས་མྱོང”དང“ཕུའུ་ཅང་གི་ཉམས་མྱོང”ཁྱབ་གདལ་གཏོང་བ་དམ་འཛིན་བྱ་གཞིར་བྱས་ཏེ“ཁྲོམ་གཞུང་གི་ལས་དོན་ཨུ་ལྷན་ཆེ་མོ་དང་། སྡེ་ཁུལ་གྱི་ཏང་ཨུད་ཆེ་མོ། དྲ་མིག་གི་ཏང་ཀྲི་པུའུ། ཁང་སྟར་གྱི་ཏང་ཚོགས་ཆུང་། ཏང་ཡོན་ལྟེ་གནས་དུད་ཚང”བཅས་རིམ་ལྔའི་རྩ་འཛུགས་ཕྲེང་སྦྲེལ་འཐུས་སྒོ་ཚང་དུ་བཏང་ནས་ཏང་རྩ་འཛུགས་ཀྱིས་སྣེ་ཁྲིད་པའི་རང་སྐྱོང་དང་། ཁྲིམས་སྐྱོང་། སྤྱོད་ཀྱིས་སྐྱོང་བ་བཅས་ཟུང་དུ་འབྲེལ་བའི་གྲོང་ཁྱེར་དང་གྲོང་གསེབ་ཀྱི་གཞི་རིམ་བཅོས་སྐྱོང་མ་ལག་བསྐྲུན་དགོས། གནས་འཕྲོད་ལས་འཚམ་མཛེས་མཐུན་གསུམ་ལྡན་གྱི་གྲོང་གསེབ་བསྐྲུན་པར་དམིགས་ནས“ཁྲི་སྟོང་ལས་གཞིའི”ཉམས་མྱོང་སློབ་སྦྱོང་དང་བཀོལ་སྤྱོད་བྱེད་པ་དང་། གྲོང་གསེབ་ཚན་ཁག་དང་ལས་བྱེད་ཤེས་ལྡན་པའི་དཔུང་ཁག་སྟོབས་ཆེར་བཏང་སྟེ་གྲོང་སྡོད་ལས་དོན་རུ་ཁག་གི་ནུས་པ་བཏོན་ནས་གྲོང་ཚོ་རིམ་པའི་མཉམ་སྡེབ་དཔལ་འབྱོར་འཕེལ་རྒྱས་དང་སྟོབས་ཆེར་བཏང་ཐོག སྐྱོན་བྲལ་དང་ཤེས་དཔལ་གྱི་འཚོ་བའི་འདུ་ཤེས་དར་སྤེལ་གཏོང་བ་དང་རྩ་འཛུགས་དར་རྒྱས་གཏོང་བར་བརྟེན་ནས་གྲོང་གསེབ་ཕྱོགས་ཡོངས་ནས་དར་རྒྱས་ལ་ཁྲིད་སྟོན་དང་སྐུལ་འདེད་གཏོང་དགོས།