ཉིན་ཤས་གོང་། གསར་འགོད་པར་བོད་ཀྱི་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་ལས་དོན་ཚོགས་འདུའི་ཐོག་ནས་ཤེས་རྟོགས་བྱུང་བར། 2024ལོར་བོད་ཀྱི་རིམ་ཁག་ལས་བྱེད་པ་རྒན་གྲས་ཀྱི་ལས་དོན་སྡེ་ཚན་གྱིས་ལས་དོན་ལམ་ལུགས་དང་ལམ་སྲོལ་མུ་མཐུད་འཐུས་སྒོ་ཚང་དུ་བཏང་སྟེ་དངོས་སྒྲུབ་ཀྱི་བྱེད་ཐབས་ལ་བརྟེན་ནས་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་ལས་དོན་གྱི་སྤུས་ཚད་མཐོ་རུ་དང་ཕན་འབྲས་ཆེ་རུ་བཏང་སྟེ་ལས་བྲལ་དང་རྒན་ཡོལ་ཞུ་མཁན་ལས་བྱེད་པའི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་རྒྱུན་ཆད་མེད་པར་ཆེ་རུ་བཏང་བ་རེད།

ཤེས་རྟོགས་བྱུང་བར་གཞིགས་ན། ད་ལོ་ཚུན་དུ་བོད་ཀྱི་རིམ་ཁག་ལས་བྱེད་པ་རྒན་གྲས་ཀྱི་ལས་དོན་སྡེ་ཚན་གྱིས་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་ལས་དོན་ཁྲོད་མི་སྣ་མང་བ་དང་། ཁྱབ་རྒྱ་ཆེ་བ། སྡོད་གནས་ཁ་ཐོར་སོགས་ཀྱི་དཀའ་གནད་ཁྱད་དུ་བསད་དེ་བྱེད་ཐབས་གསར་གཏོད་དང་དངོས་འཛིན་དངོས་སྒྲུབ་ཀྱིས་འགོ་ཁྲིད་ལ་ཤུགས་སྣོན་དང་། ཞབས་ཞུར་འགན་ལེན། རང་ངོས་འཛུགས་སྐྱོང་སོགས་ཐད་ཀྱི་ལས་དོན་འབོར་ཆེན་བསྒྲུབས་པར་གྲུབ་འབྲས་མངོན་གསལ་དོད་པོ་ཐོབ་ཡོད་པ་རེད། 2024ལོ་ནས་བཟུང་ཡུལ་གཞན་དུ་བཀོད་སྒྲིག་བྱས་པའི་ཏང་ཡོན་380ཡི་རྩ་འཛུགས་ཀྱི་འབྲེལ་བ་བསྒྱུར་བར་མཐུན་སྦྱོར་རོགས་རམ་བྱས་པ་དང་། དཀའ་ངལ་ཡོད་པའི་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་དང་འདས་པོའི་ནང་མི་166ལ་རོགས་སྐྱོར་བྱས་པ། ལས་བྲལ་རྒན་ཡོལ་ཞུ་མཁན་ལས་བྱེད་པ་མི་ཐེངས་4292ལ་གཅིག་སྡུད་འཚམས་འདྲི་བྱས་པ། ལས་བྲལ་དང་རྒན་ཡོལ་ཞུ་མཁན་ལས་བྱེད་པ་1216ལ་གཟི་བརྗིད་ལྡན་པའི་ལས་འཁྱུར་ངལ་གསོའི་མཛད་སྒོ་འཚོགས་པ་རེད།

2024ལོར་བོད་ཀྱི་རིམ་ཁག་ལས་བྱེད་པ་རྒན་གྲས་ཀྱི་ལས་དོན་སྡེ་ཚན་གྱིས་ལས་བྱེད་པ་རྒན་གྲས་ཀྱི་ལས་དོན་སྡེ་ཚན་དང་། དེ་སྔའི་ཚན་པ། ལས་ཚབ་དོ་དམ་ཚན་པ། སྡེ་ཁུལ་བཅས“ཕྱོགས་བཞི་གཞི་གཅིག”གི་ཞབས་ཞུའི་མ་ལག་འཛུགས་པ་དང་འཐུས་སྒོ་ཚང་དུ་བཏང་ནས་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་མི་སྣའི་དོ་དམ་ཞབས་ཞུའི་ལས་དོན་གྱི་ཆུ་ཚད་མཐོ་རུ་རྒྱུན་ཆད་མེད་པར་བཏང་བ་དང་། ཆ་འཕྲིན་ཅན་ཞབས་ཞུའི་ལས་སྟེགས་རིམ་འཇུག་རིམ་སྤོར་དང་རྒན་འཕྲོད་ཅན་གྱི་སྒྱུར་བཀོད་ལ་སྐུལ་འདེད་ཧུར་ཐག་བཏང་ནས་མ་ལག་སྤྱོད་གོ་ཆོད་པར་འགན་ལེན་བྱས་པ། ལམ་ལུགས་འཛུགས་སྐྱོང་ལ་ཤུགས་སྣོན་དང་སྒྲིག་སྲོལ་ལམ་སྲོལ་ཡག་པོ་བཟོས་ཏེ་སྒྲིག་གཞི་སྒྱུར་བཅོས་བྱས་རྗེས་ལས་བྲལ་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་དོ་དམ་ཞབས་ཞུའི་ལས་དོན་ཁག་ཡག་པོ་བསྒྲུབས་ཏེ་བོད་ཀྱི་ལས་བྲལ་དང་རྒན་ཡོལ་ཞུ་མཁན་ལས་བྱེད་པར་རྩ་འཛུགས་ཀྱི་དྲོ་སྐྱིད་སྦྱིན་པ། རང་འགུལ་ངང་གཞི་རིམ་དུ་བསྐྱོད་དེ་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་ལས་དོན་ཁྲོད་ཐོན་པའི་གཙོ་གནད་དང་། གླེང་མང་བ། དཀའ་གནད་བཅས་ཀྱི་གནད་དོན་ལ་བརྟག་དཔྱད་ཞིབ་འཇུག་བྱས་ནས་རང་འགུལ་ངང་ལས་དོན་ཧུར་ཐག་བསྒྲུབས་ཏེ་བོད་ཀྱི་ལས་བྲལ་དང་རྒན་ཡོལ་ཞུ་མཁན་ལས་བྱེད་པ་ཞིང་ཆེན་བསྒྲལ་ནས་བཀོད་སྒྲིག་བྱེད་པའི་ལས་དོན་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་བཏང་བ་རེད།