རི་ནེ་ཝ་ནས་གནས་ཚུལ་སྤེལ་གསལ། ཉེ་ཆར། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་ཀྱི་ཚོགས་འདུ་སྐབས་ང་བདུན་པས“འདྲ་མཉམ་མིན་པ་མེད་པར་བཟོ་བའི་རྒྱབ་ལྗོངས་འོག་དཔལ་འབྱོར་དང་སྤྱི་ཚོགས་དང་རིག་གནས་ཀྱི་ཁེ་དབང་ལ་སྐུལ་འདེད་གཏོང་བ་དང་སྲུང་སྐྱོང་བྱེད་པའི”ཆེད་དོན་ཚོགས་འདུ་འཚོགས་ཤིང་། མཉམ་འབྲེལ་རྒྱལ་ཚོགས་ཀྱི་རི་ནེ་ཝའི་དོན་གཅོད་ཁྲུའུ་དང་སུའེ་ཙེར་གྱི་རྒྱལ་སྤྱིའི་རྩ་འཛུགས་གཞན་དག་ཏུ་རྒྱུན་སྡོད་ཀྲུང་གོའི་འཐུས་ཚབ་གཞུང་ཚབ་ཆེ་མོ་བ་ཁྲེན་ཤུས་ཀྱིས་གཙོ་དོན་གཏམ་བཤད་སྤེལ་ནས་ཀྲུང་གོའི་ཉམས་མྱོང་དང་འདུ་ཤེས་མཉམ་སྤྱོད་བྱས་པ་རེད། ཁྲེན་ཤུས་ཀྱིས། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། དཔལ་འབྱོར་དང་སྤྱི་ཚོགས་དང་རིག་གནས་ཀྱི་ཁེ་དབང་ལ་སྐུལ་འདེད་གཏོང་བ་དང་སྲུང་སྐྱོང་བྱེད་པ་སོགས་ཀྱི་ཁྱབ་ཁོངས་སུ་ཀྲུང་གོར་ལོ་རྒྱུས་རང་བཞིན་གྱི་གྲུབ་འབྲས་ཐོབ་ཡོད་ཅེས་བརྗོད་པ་རེད།