ལྷོ་ཁ་གྲོང་ཁྱེར་གྱིས་དྲ་རྒྱའི་བདེ་འཇགས་དྲིལ་བསྒྲགས་གཟའ་འཁོར་གྱི་བྱེད་སྒོ་སྤེལ་བ།
ཉེ་ཆར། “དྲ་རྒྱའི་བདེ་འཇགས་མི་དམངས་ཆེད་དུ་དང་དྲ་རྒྱའི་བདེ་འཇགས་མི་དམངས་ལ་བརྟེན་དགོས”ཞེས་པ་བརྗོད་དོན་གཙོ་བོར་བྱས་པའི་2024ལོའི་རྒྱལ་ཁབ་དྲ་རྒྱའི་བདེ་འཇགས་དྲིལ་བསྒྲགས་གཟའ་འཁོར་གྱི་ལྷོ་ཁ་གྲོང་ཁྱེར་གྱི་བྱེད་སྒོ་གྲོང་ཁྱེར་རིག་གནས་ལྟེ་གནས་སུ་སྤེལ་འགོ་ཚུགས་པ་དེ་ཐོག་ནས་ལྷོ་ཁ་གྲོང་ཁྱེར་གྱིས་དྲ་རྒྱའི་བདེ་འཇགས་སྲུང་བཅད་སྐྲུན་པ་དང་སྤྱི་དམངས་ཀྱི་དྲ་རྒྱའི་བདེ་འཇགས་འདུ་ཤེས་ཟབ་ཏུ་གཏོང་བར་གོམ་པ་བརྟན་པོ་ཞིག་སྤོས་པ་མཚོན་གྱི་ཡོད།
བྱེད་སྒོ་སྤེལ་ཡུལ་དུ་ལྷོ་ཁ་གྲོང་ཁྱེར་གྱི་འབྲེལ་ཡོད་འགན་འཁུར་འགོ་ཁྲིད་ཀྱིས་ཀྲུང་གོ་གློག་འཕྲིན་གྲངས་རིག་ཚན་རྩལ་ཚད་ཡོད་ཀུང་སི་སོགས་ལྷོ་ཁ་གྲོང་ཁྱེར་གྱི་དྲ་རྒྱ་དང་གྲངས་གཞིའི་བདེ་འཇགས་ལག་རྩལ་གྱི་འདེགས་སྐྱོར་ཚན་པ་5ལ་སྒོ་བྱང་སྤྲད་པ་རེད།
ངོ་སྤྲོད་བྱས་པར་གཞིགས་ན། བྱེད་སྒོ་སྤེལ་རིང་ལྷོ་ཁ་གྲོང་ཁྱེར་གྱིས་དྲ་རྒྱའི་དོ་དམ་ལ་ཕྱོགས་ཡོངས་ནས་ཤུགས་སྣོན་རྒྱག་པ་དང་། དྲ་རྒྱའི་ཕྱོགས་བསྡུས་བཅོས་སྐྱོང་ལ་ཤུགས་སྣོན་རྒྱག་པ། དྲང་ཕྱོགས་ཀྱི་དྲིལ་བསྒྲགས་དང་ལྡོག་ཕྱོགས་ཀྱི་གླེང་ཕྱོགས་དོ་དམ་ཚོད་འཛིན་གལ་ཆེ་མཉམ་འཛིན་མཐའ་འཁྱོངས་བཅས་བྱས་ཏེ་སྤྱོད་གཙང་གཞུང་དྲང་གི་དྲ་རྒྱའི་ཁོར་ཡུག་ཧུར་ཐག་གཏོད་རྒྱུ་རེད། དེ་དང་ཆབས་ཅིག་སྤྱི་ཚོགས་ལས་རིགས་ཁག་གི་སྟོབས་ཤུགས་སྐུལ་སློང་རྒྱ་ཁྱབ་བྱས་ནས་དྲ་རྒྱའི་བདེ་འཇགས་ཀྱི་ཤེས་བྱ་ཞིང་འབྲོག་ཁུལ་དང་། ཁེ་ལས། ལས་ཁུངས། སློབ་གྲྭ་སོགས་ཁྱབ་ཁོངས་ཁག་ཏུ་ཁྱབ་པར་སྐུལ་འདེད་བཏང་བས་སྤྱི་ཚོགས་ཡོངས་ཐུན་མོང་ཐོག་ཞུགས་པ་དང་དྲ་རྒྱའི་བདེ་འཇགས་ཐུན་མོང་ཐོག་གཏོད་པའི་རྣམ་པ་བཟང་པོ་ཞིག་ཆགས་ཡོད་པ་རེད།
གཞན་ཡང་ལྷོ་ཁ་གྲོང་ཁྱེར་གྱིས་སྨྱན་སྦྱོར་གསར་པའི་ལས་སྟེགས་གང་ལེགས་སྤྱད་དེ་མང་ཚོགས་ཀྱིས་ལྟ་འདོད་ལ་ཉན་སྤྲོ་བའི་རྣམ་པ་ནས《དྲ་རྒྱའི་བདེ་འཇགས་བཅའ་ཁྲིམས》སོགས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་ཁྱབ་གདལ་བཏང་སྟེ་སྤྱི་དམངས་ཀྱི་དྲ་རྒྱའི་བདེ་འཇགས་ཀྱི་བཅའ་ཁྲིམས་འདུ་ཤེས་ཟབ་ཏུ་དང་བྱང་ཚད་མཐོ་རུ་བཏང་བ་རེད། དེའི་རྨང་གཞིའི་ཐོག་ལྷོ་ཁ་གྲོང་ཁྱེར་གྱིས་ད་དུང“གློད་སྡོམ་ཞབས་གསུམ”གྱི་སྒྱུར་བཅོས་སྔར་བས་གཏིང་ཟབ་ཏུ་བཏང་བ་མ་ཟད། དམངས་ཕན་བྱེད་ཐབས་དོན་འཁྱོལ་དང་ལག་བསྟར་ལ་སྐུལ་འདེད་བཏང་ནས་དྲ་རྒྱའི་བདེ་འཇགས་ཀྱི་གྲུབ་འབྲས་ལས་རྒྱ་ཆེའི་མི་དམངས་མང་ཚོགས་ལ་དངོས་འབྲེལ་ཕན་པ་ཐོབ་པར་བྱས་ནས་གྲངས་འཛིན་དམངས་ཕན་དང་རིག་ལྡན་གྲོང་ཁྱེར་འཛུགས་སྐྲུན་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་གཏོང་རྒྱུ་རེད།