རྒྱལ་སྲུང་མཐའ་སྲུང་གི་བརྗོད་དོན་གཙོ་བོའི་འགྲེམས་སྟོན་འགོ་ཚུགས་པ་དང་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་གི་གཞིས་རྩེ་ཡན་ལག་ཁང་དང་མི་རིགས་མཐུན་སྒྲིལ་ཡར་ཐོན་གྱི་བརྗོད་དོན་གཙོ་བོའི་འགྲེམས་སྟོན་ཁང་སྒོ་འབྱེད་པའི་མཛད་སྒོ་གཞིས་རྩེར་འཚོགས་པ།
ཚེས་14ཉིན། གཞིས་རྩེར་རྒྱལ་སྲུང་མཐའ་སྲུང་གི་བརྗོད་དོན་གཙོ་བོའི་འགྲེམས་སྟོན་དང་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་གི་གཞིས་རྩེ་ཡན་ལག་ཁང་དང་མི་རིགས་མཐུན་སྒྲིལ་ཡར་ཐོན་གྱི་བརྗོད་དོན་གཙོ་བོའི་འགྲེམས་སྟོན་ཁང་སྒོ་འབྱེད་པའི་མཛད་སྒོ་འཚོགས་ཤིང་། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་གཞིས་རྩེ་གྲོང་ཨུད་ཀྱི་ཧྲུའུ་ཅི་ཟླ་བ་ཚེ་རིང་དང་། བོད་དམག་ཁུལ་ཁང་གི་ཧྲའོ་ཅང་དམག་དཔོན་ཆབ་སྲིད་ཨུ་ཡོན་གཞོན་པ་ངག་དབང་མཛད་སྒོར་ཞུགས་ནས་འགྲེམས་ཁང་གི་སྒོ་ཡོལ་མཉམ་དུ་ཕྱེ་བ་རེད།
རྒྱལ་སྲུང་མཐའ་སྲུང་གི་བརྗོད་དོན་གཙོ་བོའི་འགྲེམས་སྟོན་དང་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་གི་གཞིས་རྩེ་ཡན་ལག་ཁང་དང་མི་རིགས་མཐུན་སྒྲིལ་ཡར་ཐོན་གྱི་བརྗོད་དོན་གཙོ་བོའི་འགྲེམས་སྟོན་བྱ་ཡུལ་ཚང་མ་གཞིས་རྩེའི་རྟེན་མཛོད་ཁང་གི་ཐོག་སོ་གསུམ་པར་ཡིན་པ་དང་། སླད་ཕྱིན་ལོ་འཁོར་མོར་རིན་མེད་ངང་སྤྱི་དམངས་ལ་སྒོ་དབྱེ་རྒྱུ་རེད། དམག་སྲིད་དང་དམག་དམངས་མཐུན་སྒྲིལ་རྡོག་རྩ་གཅིག་སྒྲིལ་གྱིས་ཁྱིམ་སྲུང་རྒྱལ་སྐྱོབ་ཀྱི་གཟི་བརྗིད་སྲོལ་རྒྱུན་མངོན་པའི་གཞི་རྟེན་གལ་ཆེན་ཞིག་གི་ཆ་ནས་མི་རིགས་མཐུན་སྒྲིལ་གྱི་གཏམ་རྒྱུད་ཡག་པོ་བརྗོད་པ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི་ལས་སྟེགས་གལ་ཆེན་དང་གཞིས་རྩེའི་རྣམ་པ་དང་བྱ་གཞག་ཁག་འཕེལ་རྒྱས་ཀྱི་གྲུབ་འབྲས་འགྲེམས་སྟོན་གྱི་སྐར་ཁུང་གལ་ཆེན་ཞིག་ཡིན། འགྲེམས་ཁང་གིས་བརྒྱུད་ལམ་སྣེ་མང་གི་བརྙན་པར་དང་། ཡུལ་རྣམ་གྱི་བརྐོས་རིས། པར་རིས་འགྲེམས་པང་། དངོས་གཞིའི་རིག་དངོས་སོགས་བརྒྱུད་ཏང་གི་འགོ་ཁྲིད་འོག་བོད་ལ་མཐའ་མཚམས་ཡོད་ཀྱང་མཐའ་སྲུང་མེད་པ་ནས་མཐའ་མཚམས་སྟོབས་ལྡན་དང་མཐའ་སྲུང་སྲ་བརྟན་བར་གྱི་འོད་སྟོང་འཕྲོ་བའི་ལོ་རྒྱུས་ཀྱི་ལམ་བུ་མངོན་པ་དང་། བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་རླབས་ཆེན་གྱི་ལོ་རྒྱུས་དེ་དང་འོད་སྟོང་འཕྲོ་བའི་གྲུབ་འབྲས་གསོན་ཉམས་དོད་པོས་མངོན་པ། གཞིས་རྩེའི་མི་རིགས་ཁག་གི་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་གྱི་བརྗིད་ཆེའི་ལོ་རྒྱུས་ཞིབ་ཅིང་ཕྲ་ལ་དྲང་བརྟེན་གྱི་སྒོ་ནས་མངོན་ཡོད་པ་རེད།