དེ་བས་ལྗང་མདོག་དང་། བསྟུན་མཁས། རྒྱུན་མཐུད་ཆོག་པ་བཅས་ཀྱི་འབྱུང་འགྱུར་ཕྱོགས་སུ་མཉམ་དུ་སྐྱོད་དགོས།
ཀྲུང་གོས་རང་ངོས་ཀྱི་ནུས་རྒྱུ་ཕྱོགས་སྒྱུར་ལ་མུ་མཐུད་སྐུལ་འདེད་བཏང་ནས་གོ་ལ་ཧྲིལ་པོའི་ནུས་རྒྱུ་ཕྱོགས་སྒྱུར་ལ་སྐུལ་འདེད་གཏོང་མཁན་དང་ལེགས་སྐྱེས་འབུལ་མཁན་ཞིག་ཧུར་ཐག་བྱས་ཏེ་ནུས་རྒྱུའི་རྒྱལ་སྤྱིའི་མཉམ་ལས་ལ་ཕྱོགས་ཡོངས་ནས་ཤུགས་སྣོན་བརྒྱབ་པ་མ་ཟད། གོ་ལ་ཧྲིལ་པོའི་ནུས་རྒྱུའི་བཅོས་སྐྱོང་དང་སྒྱུར་བཅོས་ནང་གཏིང་ཟབ་ཞུགས་ཏེ་རྒྱུན་མཐུད་ཆོག་པའི་ནུས་རྒྱུའི་འབྱུང་འགྱུར་མཉམ་དུ་གཏོད་ཆེད་ཀྲུང་གོའི་སྟོབས་ཤུགས་ལེགས་སྐྱེས་འབུལ་བཞིན་ཡོད།
ནུས་རྒྱུའི་བདེ་འཇགས་སྲུང་སྐྱོང་དང་གནམ་གཤིས་འགྱུར་ལྡོག་ལ་ཁ་གཏད་གཅོག་རྒྱུ་ནི་མིའི་རིགས་ལ་འཕྲད་པའི་ཐུན་མོང་གི་འགྲན་སློང་ཞིག་རེད་ལ། ནུས་རྒྱུ་ལྗང་མདོག་ཐཱན་ཉུང་གིས་འཕེལ་རྒྱས་མགྱོགས་སུ་གཏོང་རྒྱུ་ནི་གོ་ལ་ཧྲིལ་པོའི་ཐུན་མོང་གི་གོ་སྐབས་ཤིག་རེད། ཀྲུང་གོས་གོ་ལ་ཧྲིལ་པོའི་ནུས་རྒྱུ་འཕེལ་རྒྱས་ཀྱི་འཕེལ་ཕྱོགས་ཆེན་པོར་བསྟུན་ནས་མི་དང་རང་བྱུང་ཁམས་འཆམ་མཐུན་མཉམ་གནས་ལ་སྐུལ་འདེད་གཏོང་བ་དང་མིའི་རིགས་ཀྱི་ཤེས་དཔལ་གྱི་རྣམ་པ་གསར་པ་གཏོད་རྒྱུར་དམིགས་ཏེ། ཀྲུང་གོའི་རྒྱལ་བབ་དང་མཐུན་པ་དང་དུས་རབས་ཀྱི་བླང་བྱ་དང་འཚམ་པའི་ནུས་རྒྱུ་ཕྱོགས་སྒྱུར་གྱི་ལམ་བུར་བསྐྱོད་ཡོད། ཀྲུང་གོས་རང་ངོས་ཀྱི་ནུས་རྒྱུ་ཕྱོགས་སྒྱུར་ལ་མུ་མཐུད་སྐུལ་འདེད་བཏང་བ་དང་ཆབས་ཅིག་གོ་ལ་ཧྲིལ་པོའི་ནུས་རྒྱུ་ཕྱོགས་སྒྱུར་ལ་སྐུལ་འདེད་གཏོང་མཁན་དང་ལེགས་སྐྱེས་འབུལ་མཁན་ཧུར་ཐག་བྱས་ཏེ་ནུས་རྒྱུའི་རྒྱལ་སྤྱིའི་མཉམ་ལས་ལ་ཕྱོགས་ཡོངས་ནས་ཤུགས་སྣོན་རྒྱག་པ་དང་གོ་ལ་ཧྲིལ་པོའི་ནུས་རྒྱུའི་བཅོས་སྐྱོང་དང་སྒྱུར་བཅོས་ནང་གཏིང་ཟབ་ཞུགས་ཏེ་རྒྱུན་མཐུད་ཆོག་པའི་ནུས་རྒྱུའི་འབྱུང་འགྱུར་མཉམ་དུ་གཏོད་ཆེད་ཀྲུང་གོའི་སྟོབས་ཤུགས་ལེགས་སྐྱེས་འབུལ་བཞིན་ཡོད།
ཀྲུང་གོས་ནུས་རྒྱུ་ཕྱོགས་སྒྱུར་གྱི་དངོས་སྒྲུབ་མཉམ་ལས་ཟབ་ཏུ་གཏོང་རྒྱུར་གཞོལ་བཞིན་ཡོད། ཀྲུང་གོས“རྒྱུད་གཅིག་ལམ་གཅིག”གི་ནུས་རྒྱུའི་མཉམ་ལས་རོགས་ཟླའི་འབྲེལ་བ་འཛུགས་སྲོལ་བཏོད་ནས་ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་དང་། ཀྲུང་གོ་དང་ཨ་རབ་མནའ་འབྲེལ། ཀྲུང་གོ་དང་ཨ་ཧྥེ་རི་ཁའི་མནའ་འབྲེལ། ཀྲུང་གོ་དང་ཡོ་རོབ་དབུས་ཤར། ཀྲུང་གོ་དང་ཨེ་ཤེ་ཡ་དབུས་མ་དང་ཨེ་ཤེ་ཡ་དང་ཞི་བདེ་རྒྱ་མཚོ་ཆེ་མོ་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱི་རྒྱུན་མཐུད་ཆོག་པའི་ནུས་རྒྱུའི་ལྟེ་གནས་སོགས་ས་ཁོངས་ཆེན་པོ་དྲུག་གི་ནུས་རྒྱུའི་མཉམ་ལས་སྟེགས་བུ་དོན་འཁྱོལ་དང་དེར་ཕན་འབྲས་ཐོན་རྒྱུར་སྐུལ་འདེད་བཏང་བ་མ་ཟད། ཧྲང་ཧའེ་མཉམ་ལས་རྩ་འཛུགས་ཀྱི་ནུས་རྒྱུའི་པུའུ་ཀྲང་ཚོགས་འདུའི་ལམ་སྲོལ་བཙུགས་ནས་གོ་ལ་ཧྲིལ་པོའི་ནུས་རྒྱུའི་བཅོས་སྐྱོང་དང་སྒྱུར་བཅོས་ལ་ཀྲུང་གོའི་ཇུས་གཞི་ལེགས་སྐྱེས་འབུལ་བཞིན་ཡོད།
ཀྲུང་གོས་གོ་ལ་ཧྲིལ་པོའི་ནུས་རྒྱུའི་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་བརྟན་པོའི་ངང་ཤར་བགྲོད་ཐུབ་པར་མཉམ་དུ་སྲུང་སྐྱོང་བྱ་རྒྱུར་གཞོལ་བཞིན་ཡོད། ཉེ་བའི་ལོ་ཤས་རིང་། རྒྱལ་སྤྱིའི་དུས་བབ་རྙོག་འཛིང་ཆེ་རུ་ཕྱིན་པ་དང་ཕྱོགས་རྐྱང་རིང་ལུགས་དང་ཚོང་དོན་སྲུང་སྐྱོང་རིང་ལུགས་ཐོན་པ་མ་ཟད། རྣམ་པ་སྣ་ཚོགས་ཀྱི་སྒོ་ཁྲལ་བཀག་རྒྱ་ཡང་མང་དུ་ཕྱིན་པར་བརྟེན། གོ་ལ་ཧྲིལ་པོའི་ནུས་རྒྱུའི་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་བརྟན་པོ་སྲུང་སྐྱོང་དང་སྒོ་དབྱེའི་ཆ་རྐྱེན་འོག་ནུས་རྒྱུའི་བདེ་འཇགས་སྲུང་སྐྱོང་ལ་དཀའ་ངལ་འཕྲད་ཚད་ཆེ་རུ་ཕྱིན་ཡོད། ཀྲུང་གོས་ཐོག་མཐའ་བར་གསུམ་དུ་ཕྱོགས་མང་རིང་ལུགས་ངོ་མ་མཐའ་འཁྱོངས་བྱས་ཏེ་རྣམ་པ་སྣ་ཚོགས་ཀྱི“འབྲེལ་གཅོད་ཕྲེང་གཏུབ”སོགས་ལ་ངོ་རྒོལ་བྱས་ཏེ་རྒྱལ་ཁབ་ཁག་དང་སྐད་ཆ་ཤོད་རེས་དང་འབྲེལ་གཏུག་བྱ་རྒྱུར་ཤུགས་སྣོན་བརྒྱབ་སྟེ་ཚོང་དོན་དང་མ་འཇོག་རང་མོས་ཅན་དང་སྟབས་བདེ་ཅན་ལ་མཉམ་དུ་སྐུལ་འདེད་བཏང་ནས་བདེ་འཇགས་བརྟན་ལྷིང་དང་། ཤར་བགྲོད་ནུས་ཆེ། སྒོ་དབྱེ་བསྟུན་མཁས། གཉིས་ཁེ་གཉིས་ཕན་བཅས་ཀྱི་གོ་ལ་ཧྲིལ་པོའི་ནུས་རྒྱུའི་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་མ་ལག་མཉམ་དུ་སྐྲུན་བཞིན་ཡོད།
ཀྲུང་གོས་གོ་ལ་ཧྲིལ་པོའི་ནུས་རྒྱུའི་སྤྱོད་འཐུས་རང་བཞིན་མཉམ་དུ་མཐོ་རུ་གཏོང་རྒྱུར་གཞོལ་བཞིན་ཡོད། ཀྲུང་གོས་གོ་ལ་ཧྲིལ་པོར་སྤུས་ལེགས་ཀྱི་ནུས་རྒྱུ་གཙང་མའི་ཐོན་རྫས་དང་ཞབས་ཞུ་མཁོ་འདོན་བྱེད་པ་མ་ཟད། ཚན་རྩལ་གསར་གཏོད་བྱེད་ཤུགས་མུ་མཐུད་ཆེ་རུ་གཏོང་བ་དང་། ནུས་རྒྱུ་གསར་པའི་ལག་རྩལ་མགྱོགས་མྱུར་རིམ་འཇུག་བྱ་རྒྱུར་རྒྱུན་ཆད་མེད་པར་སྐུལ་འདེད་གཏོང་བ། གོ་ལ་ཧྲིལ་པོའི་རླུང་གློག་དང་འོད་ཤུགས་ཀྱི་མ་གནས་ཤུགས་ཆེན་ཆག་རྒྱུར་སྐུལ་འདེད་ནུས་ལྡན་གཏོང་བ་བཅས་བྱས་ནས་བསྐྱར་སྐྱེས་ཐུབ་པའི་ནུས་རྒྱུ་རྒྱལ་ཁབ་དེ་བས་མང་པོས་གོང་ཁེ་པོས་རྒྱ་ཁྱབ་ངང་སྤྱོད་པར་མཐུན་རྐྱེན་སྐྲུན་བཞིན་ཡོད།
ཀྲུང་གོས་གོ་ལ་ཧྲིལ་པོའི་གནམ་གཤིས་འགྱུར་ལྡོག་གི་འགྲན་སློང་ལ་མཉམ་དུ་ཁ་གཏད་གཅོག་པར་གཞོལ་བཞིན་ཡོད། ཀྲུང་གོས་གནམ་གཤིས་འགྱུར་ལྡོག་ལ་ཁ་གཏད་ཧུར་ཐག་གཅོག་པའི་རྒྱལ་ཁབ་ཀྱི་འཐབ་ཇུས་བློ་བརྟན་འགྱུར་མེད་ངང་ལག་བསྟར་བྱས་ཏེ་བྱ་སྤྱོད་དངོས་ཀྱི་ཐོག་ནས་གོ་ལ་ཧྲིལ་པོའི་གནམ་གཤིས་འགྱུར་ལྡོག་ལ་ཁ་གཏད་གཅོག་ཆེད་ལེགས་སྐྱེས་འབུལ་བཞིན་ཡོད།
ལྗང་མདོག་གསར་བརྗེ་ནི་མི་ཚང་མའི་བདེ་སྐྱིད་དང་འབྲེལ་བ་ཡོད་ལ། བུ་རབས་ཚ་རྒྱུད་དང་ཡང་འབྲེལ་བ་ཡོད། ཀྲུང་གོས་རང་བྱུང་ཁམས་ལ་བརྩི་འཇོག་དང་། རང་བྱུང་ཁམས་ལ་བསྟུན་པ། རང་བྱུང་ཁམས་སྲུང་སྐྱོང་བཅས་བྱས་ཏེ་ཐོག་མཐའ་བར་གསུམ་དུ་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་རྒྱུན་འཁྱོངས་བྱས་ནས་ནུས་རྒྱུ་ལྗང་མདོག་ཐཱན་ཉུང་གིས་འཕེལ་རྒྱས་མགྱོགས་སུ་གཏོང་བ་མ་ཟད། དྲང་གཞག་དྲང་བདེན་དང་དོ་སྙོམས་ཀུན་ཕན་གྱི་གོ་ལ་ཧྲིལ་པོའི་ནུས་རྒྱུའི་བཅོས་སྐྱོང་མ་ལག་འཛུགས་པར་སྐུལ་འདེད་གཏོང་བཞིན་ཡོད། རྒྱལ་ཁབ་ཁག་གིས་ལག་གདང་སྦྲེལ་ནས་གོ་ལ་ཧྲིལ་པོའི་ནུས་རྒྱུ་ཕྱོགས་སྒྱུར་གྱི་གོམ་སྟབས་མགྱོགས་སུ་བཏང་ནས་དེ་བས་ལྗང་མདོག་དང་། བསྟུན་མཁས། རྒྱུན་མཐུད་ཆོག་པ་བཅས་ཀྱི་འབྱུང་འགྱུར་ཕྱོགས་སུ་མཉམ་དུ་སྐྱོད་དགོས།