ཤིན་ཧྭ་གསར་འགྱུར་ཁང་གྲོང་ཁྱེར་ཁོ་ལུན་ཕོ་ནས་གློག་འཕྲིན་འབྱོར་གསལ། ཉེ་ཆར་འབྲེལ་ལམ་སྨྱན་སྦྱོར་དུ་མར་ཏི་ཝེའི་ཙུང་ཐུང་མུའུ་དབྱི་ཙི་ཡིས་རྩོམ་ཡིག་སྤེལ་ནས་མར་ཀྲུང་མཛའ་གྲོགས་ཟམ་ཆེན་ཤར་གཏོང་ཐུབ་སྟེ་ལོ་དྲུག་འཁོར་བར་རྟེན་འབྲེལ་ཞུས་གནང་བ་རེད།

མུའུ་དབྱི་ཙི་ཡིས། ཟམ་ཆེན་འདི་ནི་2018ལོའི་ཟླ་8ཚེས་30ཉིན་དངོས་སུ་ཤར་གཏོང་ཐུབ་སྟེ་རྒྱལ་ཁབ་གཉིས་ཀྱི་འབྲེལ་བ་དམ་ཟབ་ཡིན་པའི་མཚོན་རྟགས་སུ་གྱུར། མི་རྣམས་ལ་བག་ཆགས་ཟབ་པའི་ལས་གྲྭ་དེས་མར་ཀྲུང་རྒྱལ་ཁབ་གཉིས་ཀྱི་རྒྱུན་རིང་བའི་རོགས་ཟླའི་འབྲེལ་བ་དང་ཕན་ཚུན་ཡིད་ཆེས་བྱེད་ལུགས་མཚོན་གྱི་ཡོད་ཅེས་བརྗོད།