ཉེ་བའི་ལོ་ཤས་རིང་། འོད་ཤུགས་གློག་གཏོང་རྣམ་གྲངས་སྐྲུན་སྐབས། ལྷོ་ཁ་གྲོང་ཁྱེར་གྱིས“འབྲོག་ར་དང་འོད་ཤུགས་གསབ་རེས”ཀྱི་མཉམ་འདུས་བྱེད་ཐབས་ནང་འདྲེན་དང་འཚོལ་ཞིབ་ཧུར་ཐག་བྱས་པ་རེད། འོད་ཤུགས་གྲམ་སྟར་གྱི་གསེག་ཟུར་དང་། མཐོ་ཚད། བར་ཐག་བཅས་ལེགས་སུ་བཏང་ནས་སྤང་རྩྭར་འོད་ཡག་པོ་འཕྲོ་བའི་འགན་ལེན་བྱེད་པ་དང་དུས་མཚུངས་ཉི་འོད་ཚ་པོ་དང་ལྷགས་པ་ཆེན་པོས་རྩྭ་ར་དང་སེམས་ཅན་ལ་ཤུགས་རྐྱེན་ཐེབས་ཚད་ཆུང་དུ་གཏོང་ཐུབ། “འོད་ལེབ་ནས་གློག་གཏོང་བ་དང་། འོད་ལེབ་འོག་ཏུ་རྩྭ་འདེབས་པ། འོད་ལེབ་འོག་ཏུ་ལུག་འཚོ་བ”བཅས་བྱས་པར་བརྟེན། སྐྱེ་ཁམས་ཁོར་ཡུག་སྲུང་སྐྱོང་དང་། ནུས་རྒྱུ་གཙང་མ་འཕེལ་རྒྱས། ས་ཞིང་སྤྱོད་གོ་ཆེ་བ། མང་ཚོགས་ཀྱི་ཡོང་འབབ་འཕར་བ་བཅས་མངོན་འགྱུར་བྱུང་ཡོད། འདི་ནི་ལྷོ་ཁ་གྲོང་ཁྱེར་འཕྱོངས་རྒྱས་རྫོང་སྦས་སྣ་གྲོང་ཚོའི་འོད་ལེབ་འོག་ཏུ་ལུག་བབ་ཕེབས་ངང་འཚོ་བཞིན་པ།