འདི་ནི་ཐན་ཙན་ནི་ཡར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་ཉེར་བདུན་པའི་རུ་མི་ཀྲའོ་ལི་ཅན་དང་ཐན་ཙན་ནི་ཡའི་སྨན་དོན་མི་སྣས་ནད་ཁང་ལ་ཞིབ་བཤེར་བྱེད་བཞིན་པ། ཀེ་ནོ་ཧྥེ་ཝ་ཡིས་པར་བརྒྱབ།

ཐན་ཙན་ནི་ཡར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་ཉེར་བདུན་པའི་རུ་མི་དང་ས་གནས་དེ་གའི་སྨན་པས་ཀྲུང་ཐན་སྨྱན་སྦྱོར་གྱི་གསར་འགོད་པར་འབྲེལ་ཡོད་གནས་ཚུལ་ངོ་སྤྲོད་བྱེད་བཞིན་པ། 《ཉིན་རེའི་གསར་འགྱུར་ཚགས་པར》གྱི་གསར་འགོད་པ་མོ་ཧན་མོ་ཏེ·མན་པོས་པར་བརྒྱབ།

ཀྲུང་ཐན་སྨྱན་སྦྱོར་གྱི་གསར་འགོད་པས་ཅི་ཁུའེ་ཐེ་སྙིང་ནད་ཞིབ་འཇུག་སུའོ་ཡི་སྙིང་ཁམས་ཕྱི་ནད་ཚན་ཁག་གི་ཀྲུའུ་རེན་ཨན་ཅི་ལ·མུའུ་ཧོ་ཆི་ཡར་བཅར་འདྲི་བྱེད་བཞིན་པ། འདི་ག་ཚགས་པར་གྱི་གསར་འགོད་པ་ཀུང་མིང་གིས་པར་བརྒྱབ།

ཅི་ཁུའེ་ཐེ་སྙིང་ནད་ཞིབ་འཇུག་སུའོ་ཡི་ལག་བསྟར་ཀྲུའུ་རེན་པི་ཏེ·ཅི་སེན་ཀེས་ཀྲུང་ཐན་སྨྱན་སྦྱོར་གྱི་གསར་འགོད་པའི་བཅར་འདྲི་དང་ལེན་བྱེད་བཞིན་པ། འདི་ག་ཚགས་པར་གྱི་གསར་འགོད་པ་ཧུའུ་ཙེ་ཞིས་པར་བརྒྱབ།

འདི་ནི་ཅི་ཁུའེ་ཐེ་སྙིང་ནད་ཞིབ་འཇུག་ཁང་གི་ཕྱིའི་བཀོད་པ་ཡིན་པ། ཐན་ཙན་ནི་ཡར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་ཉེར་བདུན་པའི་རུ་མི་ལིའུ་དབྱི་མིན་གྱིས་པར་བརྒྱབ།

ཞིབ་འཇུག་སུའོ་དེའི་སྙིང་དང་ཁྲག་རྩའི་ནད་སྨན་བཅོས་ཞབས་ཞུ་ལས་ས་གནས་དེ་གའི་ནད་པར་ཕན་པ་ཐོབ་པ་མ་ཟད། ཨ་ཧྥེ་རི་ཁ་ཤར་མ་དང་ཨ་ཧྥེ་རི་ཁ་དབུས་མའི་ས་ཁུལ་གྱི་ནད་པ་ལའང་ཕན་པ་ཐོབ་ཡོད། ན་ནིང་ཞིབ་འཇུག་སུའོ་དེས་ནད་པ་3000ལྷག་ཙམ་ལ་སྨན་བཅོས་བྱས་པ་དང་མི་718ལ་སྙིང་ནད་གཤགས་བཅོས་བྱས་པ་རེད། ——《སྲུང་སྐྱོང་བའི་ཚགས་པར》ཐོག་སྤེལ་བའི་གནས་ཚུལ་གཞིར་བཟུང་།

སྙིང་དང་ཁྲག་རྩའི་ནད་ཀྱི་ཆེད་ལས་སྨན་བཅོས་ཐད་ཅི་ཁུའེ་ཐེ་སྙིང་ནད་ཞིབ་འཇུག་སུའོ་ལ་མི་རྣམས་དོ་སྣང་བྱེད་འོས་པའི་འཕེལ་རྒྱས་བྱུང་བ་དང་དུས་མཚུངས། ཐན་ཙན་ནི་ཡའི་སྨན་བཅོས་གསོ་སྦྱོང་དང་ཉམས་མྱོང་སྤེལ་རེས་ཀྱི་ལས་སྟེགས་གལ་ཆེན་ཞིག་ཏུ་གྱུར་ཡོད། བྱིས་ནད་ཚན་ཁག་ཏུ་ལྷན་སྐྱེས་སྙིང་ནད་སྨན་བཅོས་བྱེད་པའི་རིགས་གཅིག་མཁས་ཅན་ཀྲའོ་ལི་ཅན་སོགས་ཀྲུང་གོའི་སྨན་པ་དང་མཉམ་ལས་བྱས་པ་བརྒྱུད། ཞིབ་འཇུག་སུའོ་དེས་སྙིང་དང་ཁྲག་རྩའི་ནད་སྨན་བཅོས་བྱེད་པའི་ནུས་པ་མངོན་གསལ་དོད་པོས་ཆེ་རུ་ཕྱིན་པ་དང་དེ་སྔ་ཐན་ཙན་ནི་ཡར་ལག་བསྟར་བྱེད་ཐབས་བྲལ་བའི་སྔོན་ཐོན་སྨན་བཅོས་ཇུས་གཞི་ཁག་གཅིག་ནང་འདྲེན་བྱས་པ་དང་འབྲེལ་ལག་ལེན་ཡང་བསྟར་ཡོད་པ་རེད། —— 《ཉིན་རེའི་གསར་འགྱུར་ཚགས་པར》ཐོག་སྤེལ་བའི་གནས་ཚུལ་གཞིར་བཟུང་།

ཉེ་ཆར། མི་དམངས་ཉིན་རེའི་ཚགས་པར་དང་ཐན་ཙན་ནི་ཡའི་སྨྱན་སྦྱོར་གྱི“དུས་རབས་གསར་པའི་ཀྲུང་ཧྥེའི་མཉམ་ལས”ཀྱི་མཉམ་འབྲེལ་བཅར་འདྲིའི་བྱེད་སྒོ་ཐན་ཙན་ནི་ཡའི་གྲོང་ཁྱེར་ཏ་རེ་སི་ས་ལམ་དུ་སྤེལ་བ་རེད། མི་དམངས་ཉིན་རེའི་ཚགས་པར་དང་ཐན་ཙན་ནི་ཡའི《ཉིན་རེའི་གསར་འགྱུར་ཚགས་པར》དང《སྲུང་སྐྱོང་བའི་ཚགས་པར》སོགས་སྨྱན་སྦྱོར་གྱི་གསར་འགོད་པ་ཐན་ཙན་ནི་ཡར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་ཉེར་བདུན་པ་གནས་སའི་ཅི་ཁུའེ་ཐེ་སྙིང་ནད་ཞིབ་འཇུག་སུའོ་རུ་བཅར་འདྲི་བྱེད་པར་བསྐྱོད་པ་རེད།

འདི་ནི་ཀྲུང་ཐན་རྒྱལ་ཁབ་གཉིས་ཀྱི་སྨྱན་སྦྱོར་གྱིས་ཐན་ཙན་ནི་ཡར“དུས་རབས་གསར་པའི་ཀྲུང་ཧྥེའི་མཉམ་ལས”ཀྱི་མཉམ་འབྲེལ་བཅར་འདྲི་བྱེད་ཐེངས་དང་པོ་རེད། རྒྱལ་ཁབ་གཉིས་ཀྱི་གསར་འགོད་པས་མཉམ་འབྲེལ་བཅར་འདྲི་བྱེད་རིང་ཀྲུང་ཐན་སྨན་བཅོས་མཉམ་ལས་ཀྱི་གནས་ཚུལ་ཤེས་རྟོགས་གཏིང་ཟབ་བྱས་ཏེ་མཐོང་ཐོས་མྱོང་གསུམ་རེ་རེ་བཞིན་ཆ་འཕྲིན་དུ་བཀོད་ནས་ཚགས་པར་དང་དྲ་སྦྲེལ་སོགས་ལས་སྟེགས་བརྒྱུད་ཀྲུང་ཧྥེའི་དམངས་ཚོགས་ལ་བརྒྱུད་སྤྲོད་བྱས་ཏེ་དུས་རབས་གསར་པའི་ཀྲུང་ཧྥེའི་མཉམ་ལས་ཀྱི་གཏམ་རྒྱུད་ཡག་པོ་བརྗོད་པ་དང་ཀྲུང་ཧྥེའི་དམངས་སེམས་གཅིག་མཐུན་ཡོང་བར་སྐུལ་འདེད་གཏོང་ཆེད་ལེགས་སྐྱེས་ཕུལ་ཡོད་པ་རེད།