འདི་ནི་གངས་རི་དཀར་པོ་ཡིན་པ།

འདི་ནི་ཡར་འབྲོག་གཡུ་མཚོ་ཡིན་པ།

འདི་ནི་ལྷ་སའི་སྐྱིད་ཆུ་ཡིན་པ།

འདི་ནི་ལྷ་ས་དཔལ་འབྱོར་གསར་སྤེལ་ཁུལ་དུ་ཡོད་པའི་གནམ་དཔྱད་སྤྱི་གླིང་ཡིན་པ།

འདི་ནི་སྟེང་ཆེན་རྫོང་ཁོངས་ཀྱི་པད་ཞིང་ཡིན་པ།

འདི་ནི་གནམ་ལྕགས་འབར་བ་ཡིན་པ།

འདི་ནི་སྟེང་ཆེན་རྫོང་ཁོངས་ཀྱི་གཉན་ཡིན་པ།

འདི་ནི་མཚོ་མོ་ངང་ལག་ཡིན་པ།

འདི་ནི་གྲ་ནང་རྫོང་གི་བྱེ་ཐང་སྤྱི་གླིང་ཡིན་པ།

འདི་ནི་དཔལ་མགོན་རྫོང་ཁོངས་ཀྱི་རྩྭ་ཐང་ཡིན་པ།

འདི་ལོའི་ཚུན་དུ། བོད་ཀྱི་གོང་འོག་ཚང་མས་ཞི་ཅིན་ཕིང་གི་སྐྱེ་ཁམས་ཤེས་དཔལ་དགོངས་པ་ལག་བསྟར་དོན་འཁྱོལ་གཏིང་ཟབ་བྱས་ཏེ་གཏན་འཁེལ་བའི་ལས་འགན་གཞི་རྩར་འཛིན་པ་དང་། གཅིག་གྱུར་འཆར་འགོད་བཀོད་སྒྲིག་ལ་ཤུགས་སྣོན། ལས་ཀའི་གཙོ་གནད་འབུར་ཐོན། ལས་དོན་དོན་འཁྱོལ་ལ་དམ་འཛིན་ནན་པོ་བཅས་བྱས་ནས“ཕྱེད་བརྒལ་གཉིས”ཀྱི་དམིགས་ཚད་མངོན་འགྱུར་ལ་སྐུལ་འདེད་ནུས་ལྡན་བཏང་བས། ལོ་སྟོད་དུ་བོད་ཀྱི་སྐྱེ་ཁམས་ཁོར་ཡུག་སྲུང་སྐྱོང་ལས་དོན་ལ་དུས་མཚམས་རང་བཞིན་གྱི་ཕན་འབྲས་ཐོན་ཡོད་པ་རེད།

ད་ལོའི་ལོ་སྟོད་དུ། བོད་ཀྱི་སྐྱེ་ཁམས་ཤེས་དཔལ་མཐོ་ས་འཛུགས་སྐྲུན་གྱི་རྣམ་གྲངས་14ཚང་མ་ལས་འགོ་ཚུགས་པ་དང་མ་དངུལ་སྒོར་དུང་ཕྱུར་76དོན་འཁྱོལ་བྱས་ཡོད། ཁག་གསུམ་པའི་བོད་རང་སྐྱོང་ལྗོངས་ཀྱི་སྐྱེ་ཁམས་ཤེས་དཔལ་འཛུགས་སྐྱོང་དཔེ་སྟོན་ཁུལ་2203ལ་མིང་བཏགས་པ་དང་། ཁག་བཞི་པའི་བོད་རང་སྐྱོང་ལྗོངས་ཀྱི་སྐྱེ་ཁམས་ཤེས་དཔལ་དཔེ་སྟོན་ཁུལ་འཛུགས་གཏོད་བྱེད་འགོ་ཚུགས་པ་རེད། ས་ཁུལ་དང་གྲོང་ཁྱེར་7གྱི་མཁའ་རླུང་བཟང་བའི་ཉིན་གྲངས་ཀྱི་བསྡུར་ཚད་96.9%ཟིན་པ་དང་། གཙང་པོ་དང་མཚེའུ་གཙོ་བོའི་ཆུ་སྤུས་རིགས་IIIཔའི་ཚད་གཞིར་སླེབས་པའམ་དེ་ལས་ལེགས་པ་ཡོད་ཅིང་། ས་རྒྱུའི་ཁོར་ཡུག་སྤྱི་ཡོངས་བརྟན་པ་དང་། བོད་ཀྱི་སྐྱེ་ཁམས་ཁོར་ཡུག་སྤྱི་ཡོངས་ཀྱི་སྤུས་ཚད་ཡག་པོ་རྒྱུན་འཁྱོངས་ཐུབ་པ་རེད།

བོད་ཀྱིས་ཀྲུང་དབྱང་གི་ཆུའི་སྦགས་བཙོག་འགོག་བཅོས་མ་དངུལ་སྒོར་དུང་ཕྱུར་3.6བརྩོན་ལེན་ཧུར་ཐག་བྱས་ནས་སྐྱིད་ཆུ་དང་། མྱང་ཆུ། རྫ་ཆུ། རྒྱལ་མོ་རྔུལ་ཆུ་སོགས་གཙོ་གནད་གཙང་པོ་འབབ་རྒྱུད་དང་མཚེའུ་རྒྱུད་ཀྱི་ཆུའི་སྐྱེ་ཁམས་ཉམས་གསོ་དང་ཆུའི་སྦགས་བཙོག་འགོག་བཅོས་རྣམ་གྲངས་ལ་རྒྱབ་སྐྱོར་བྱས་ཏེ་སྐྱེ་ཁམས་ཉམས་གསོའི་རྒྱ་ཁྱོན་སྨི་ངོས་གྲུ་ཁྲི་242.5ཟིན་ཡོད། “ལྗང་ཕུབ”བྱ་སྤྱོད་སྤེལ་ནས་ལྟ་སྐུལ་བྱེད་ཤུགས་ཆེ་རུ་བཏང་ཞིང་། 2024ལོར་གནད་དོན་14བཅོས་སྒྲིག་བྱས་པ་དང་། རིམ་རྩིས་བྱས་ན་རང་བྱུང་སྲུང་སྐྱོང་ཁུལ་ནང་གི་ཁྲིམས་འགལ་སྒྲིག་འགལ་གྱི་གནད་དོན་142བཅོས་སྒྲིག་བྱས་པ་རེད། ས་ཁྲ་20ལེགས་གྲུབ་དང་སྐྱེ་ཁམས་རྒྱང་ཚོར་ལྟ་འཇལ་ཁུངས་སྣེ་254ལ་ཞིབ་བཤེར་བྱས་པ། སྐྱེ་ཁམས་སྲུང་སྐྱོང་དམར་ཐིག་གི་སྲུང་སྐྱོང་ཕན་འབྲས་ལ་དཔྱད་དཔོག་བྱེད་འགོ་ཚུགས་པ་བཅས་རེད། རིམ་རྩིས་བྱས་ན་ཁོར་ཡུག་ཁྲིམས་འགལ་གྱོད་གཞི་50ཞིབ་བཤེར་ཐག་གཅོད་བྱས་པ་དང་དངུལ་ཆད་སྒོར་ཁྲི་857བཅད་པ་རེད།