འཛམ་གླིང་གི་གསེག་འཐེན་དང་དཔྱང་ཐག་མཉམ་འདེགས་མ་ལག་གི་ཟམ་ཆེན་ཉིས་བརྩེགས་མ་ཐོག་མའི་ཟམ་སྣེ་བདེ་བླག་ངང་མཐུད་པ།
འདི་ནི་ཟམ་སྣེ་མཐུད་སའི་ལས་ཡུལ་ཡིན་པ། G3ཐུང་ལིན་འབྲི་ཆུའི་གཞུང་ལམ་དང་ལྕགས་ལམ་ཟམ་ཆེན་གྱི་ཟམ་སྣེ་ཟླ་8ཚེས་27ཉིན་བདེ་བླག་ངང་མཐུད་པ་དེའི་ཐོག་ནས་འཛམ་གླིང་གི་གསེག་འཐེན་དང་དཔྱང་ཐག་མཉམ་འདེགས་མ་ལག་གི་ཟམ་ཆེན་ཉིས་བརྩེགས་མ་ཐོག་མའི་ཟམ་པ་ཨ་མ་བསྐྲུན་ཟིན་པ་མཚོན་ཡོད། ཟམ་ཆེན་དེའི་ལམ་ཐིག་ཧྲིལ་པོར་སྤྱི་ལེ་11.88དང་ཆུ་སྟེང་གི་རིང་ཚད་ལ་སྨི་988ཡོད་པ་དང་། སྟེང་དུ་མྱུར་བགྲོད་གཞུང་ལམ་གྱི་འཁོར་ལམ་6དང་འོག་ཏུ་ལྕགས་ལམ་གྱི་འཁོར་ལམ་4བཀོད་སྒྲིག་བྱས་ཡོད་པ་རེད།