འདི་ལོ་ནི་ཁ་གཏད་བོད་སྐྱོར་ལས་དོན་སྤེལ་ནས་ལོ་30འཁོར་བའི་ལོ་ཞིག་རེད། ལོ་30ཡི་རིང་། བོད་སྐྱོར་ཤེས་ལྡན་ལས་བྱེད་པ་མང་པོ་ཞིག་ས་མཐོར་བསྐྱོད་དེ་བོད་ལྗོངས་འཛུགས་སྐྲུན་གྱི་ལས་ལ་གཞོལ་ཡོད། ཁོང་ཚོས་བོད་སྐྱོད་པ་རྒན་གྲས་ཀྱི་སྙིང་སྟོབས་རྒྱུན་འཛིན་བྱས་ཏེ“གསོ་རླུང་ཉུང་ཡང་སྙིང་སྟོབས་མི་ཉམས་པ་དང་། དཀའ་ཚེགས་ཆེ་ཡང་དཀའ་སྡུག་ལ་མི་སྐྲག་པ། ས་བབ་མཐོ་ལ་བསམ་པའི་གོ་རྟོགས་དེ་བས་མཐོ་བ”བཅས་ཀྱི་ཕུགས་བསམ་དང་དད་སེམས་ཁྲག་རྒྱུན་ནང་འདྲེས་པར་བྱས་ནས་བོད་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་དང་དཔུང་པ་མཉམ་གཤིབ་ཀྱིས་སྤྱི་ཚོགས་རིང་ལུགས་ཀྱི་བོད་གསར་བསྐྲུན་པའི་ལག་ལེན་རླབས་པོ་ཆེའི་ནང་ཞུགས་ཡོད།

ས་བབ་མཐོ་ལ་བསམ་པའི་གོ་རྟོགས་དེ་བས་མཐོ་བ་དེ་བོད་སྐྱོར་ཤེས་ལྡན་ལས་བྱེད་པས་ལེགས་སྐྱེས་ཕུལ་བ་དང་རང་སྲོག་བློས་བཏང་བ་ལས་མངོན་ཡོད། བོད་སྐྱོར་ཤེས་ལྡན་ལས་བྱེད་པས་གནམ་གཤིས་དང་ཁོར་ཡུག་ངན་པ་དང་གློ་བུར་དུ་བྱུང་བའི་རང་བྱུང་གནོད་འཚེར་འཐབ་ཕོད་པ་དང་། འགྲན་སློང་ལ་ཁ་གཏད་གཅོག་པ་དང་སྐྲག་སྣང་སྤུ་ཙམ་ཡང་མི་བྱེད་པ། རང་སྲོག་བློས་གཏོང་རྒྱུར་མི་སྐྲག་པ། ལེགས་སྐྱེས་འབུལ་བར་སྤྲོ་བ་བཅས་བྱས་ནས་མཛེས་སྡུག་ལྡན་པའི་ལང་ཚོ་གངས་ལྗོངས་ས་མཐོར་ལེགས་སྐྱེས་ཕུལ་བ་མ་ཟད། ཐ་ན་ལ་ལས་རང་གི་ཚེ་སྲོག་ཀྱང་གངས་ལྗོངས་ས་མཐོར་ལེགས་སྐྱེས་ཕུལ་ཡོད། ཁོང་ཚོའི་བརྩེ་སེམས་ཟབ་པའི་བློས་གཏོང་ལས་བོད་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཀྱིས་སྤྱི་ཚོགས་རིང་ལུགས་ལམ་ལུགས་ཀྱི་ཁྱད་འཕགས་རང་བཞིན་དང་མེས་རྒྱལ་ཁྱིམ་ཚང་ཆེ་མོའི་དྲོ་སྐྱིད་ཟབ་མོ་ཚོར་ཡོད།

ས་བབ་མཐོ་ལ་བསམ་པའི་གོ་རྟོགས་དེ་བས་མཐོ་བ་དེ་བོད་སྐྱོར་ཤེས་ལྡན་ལས་བྱེད་པས་མི་རིགས་མཐུན་སྒྲིལ་སྲུང་སྐྱོང་བྱེད་པའི་རང་འགུལ་རང་རྟོཌ་ལས་མངོན་ཡོད། ལོ་30ཡི་རིང་། བོད་སྐྱོར་ཤེས་ལྡན་ལས་བྱེད་པས་བོད་ཀྱི་མི་རིཌ་ཁག་གི་ལས་བྱེད་པ་དང་མང་ཚོགས་དང་དབུགས་ལམ་གཅིག་གྱུར་དང་བདེ་སྡུག་མཉམ་མྱོང་བྱས་ཤིང་། ཁོང་ཚོས་ཡུལ་སྲོལ་གོམས་གཤིས་དང་བསྟུན་ནས་ཇ་བསྲུབས་མ་འཐུང་བ་དང་། རྩམ་པ་ཟ་བ། སྒོར་གཞས་འཁྲབ་པ་བཅས་བྱེད་ཀྱི་ཡོད། ཁོང་ཚོས་ས་གནས་ཁག་གི་སྔོན་ཐོན་གྱི་ལས་ཀའི་འདུ་ཤེས་དང་བྱ་ཐབས་ལ་བརྟེན་ནས་བོད་ཀྱི་ལས་བྱེད་པ་དང་མང་ཚོགས་དང་འགྲོ་འོང་དང་། སྤེལ་རེས། མཉམ་འདྲེས་བཅས་རྒྱ་ཁྱབ་བྱས་ཏེ་ཀྲུང་ཧྭ་མི་རིཌ་གཅིག་མཐུན་ཚོགས་པའི་འདུ་ཤེས་ཟམ་མི་ཆད་པར་བརྟན་དུ་བཏང་ཡོད།

ས་བབ་མཐོ་ལ་བསམ་པའི་གོ་རྟོགས་དེ་བས་མཐོ་བ་དེ་བོད་སྐྱོར་ཤེས་ལྡན་ལས་བྱེད་པའི་བློ་བརྟན་འགྱུར་མེད་ལས་མངོན་ཡོད། ཁོང་ཚོས་འགན་འཁྲི་བློ་ལ་བརྟན་པོར་འཆང་བ་དང་མངགས་བཅོལ་ཟབ་མོ་ཆུད་ཟོས་སུ་མ་བཏང་བར་རི་ཆུ་ཁྲི་སྟོང་བརྒལ་བ་དང་འགྲན་སློང་སྣ་ཚོགས་ཁྱད་བསད་ཀྱིས་གངས་ལྗོངས་ས་མཐོར་རྩ་བ་ཚུགས་ནས། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་ནུས་ཤུགས་ཡོད་རྒུས་ཀུན་སེམས་གཅིག་སྒྲིལ་གྱིས་ཕྱོགས་ཡོངས་དང་། ཁྱབ་རྒྱ་ཆེ་བ། རིམ་པ་ཟབ་པ་བཅས་ཀྱི་བོད་སྐྱོར་གྱི་རྣམ་པ་གསར་པ་བཏོད་ཡོད།

ལོ་རྒྱུས་ཀྱི་འགོ་འཛུགས་ས་གསར་པར། བོད་སྐྱོར་ཤེས་ལྡན་ལས་བྱེད་པ་དེ་བས་མང་པོས་མུ་མཐུད་འབད་འཐབ་ལྷོད་མེད་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་བསྐྲུན་པའི་དུས་རབས་ཀྱི་སྟོབས་ཤུཌ་གཅིག་ཏུ་བསྒྲིལ་ནས་རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་ངེས་རེད།