དུས་ཡུན་རིང་པོའི་ནང་། བོད་སྐྱོར་ཞིང་ཆེན་དང་གྲོང་ཁྱེར་ཁག་གིས་ལས་ཞུགས་བོད་སྐྱོར་ལ་མུ་མཐུད་སྐུལ་འདེད་བཏང་སྟེ། ལས་ཞུགས་འདུ་ཤེས་ལ་འགྱུར་ལྡོག་གཏོང་རྒྱུར་ཁྲིད་སྟོན་བྱས་པ་དང་། བོད་ཀྱི་སློབ་ཆེན་སློབ་མས་ལས་གཏོད་དང་ལྗོངས་ཕྱིར་ལས་ཞུགས་བྱེད་པར་བསྐྱོད་རྒྱུའི་སྐུལ་ལྕག་ཀྱང་བྱས་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བོད་སྐྱོར་ཞིང་ཆེན་དང་གྲོང་ཁྱེར་ཁག་གིས་རིམ་རྩིས་བྱས་ན། ལས་ཞུགས་བོད་སྐྱོར་གྱི་ལས་མི་བསྡུ་བའི་འདུ་ཚོགས་ཐེངས་1800ལྷག་ཙམ་འཚོགས་པ་དང་ལས་གནས་ཁྲི་9.3ལྷག་ཙམ་མཁོ་འདོན་བྱས་ཡོད།

ལས་ཞུགས་ལས་སྟེགས་བསྐྲུན་པ།

2020ལོ་ནས་བཟུང་ཧུའུ་པེ་ཞིང་ཆེན་གྱིས“ཚོགས་སྒྲིག་རྣམ་པའི”ལས་ཞུགས་བོད་སྐྱོར་ལས་དོན་འཚོལ་ཞིབ་ཧུར་ཐག་གིས་སྤེལ་ཞིང་། རིམ་རྩིས་བྱས་ན་བོད་ལ་ལས་ཞུགས་ལས་གནས་6200ལྷག་ཙམ་མཁོ་འདོན་བྱས་པ་དང་ཧུའུ་པེ་ཞིང་ཆེན་དུ་ལས་ཞུགས་ཐུབ་པའི་ཐེམ་ཁུངས་ལྷོ་ཁ་ནས་ཡིན་པའི་མཐོ་སློབ་སློབ་ཐོན་སློབ་མ་500ལྷག་ཙམ་ཟིན་ཡོད།

“ཧུའུ་པེར་ལས་ཀ་དང་འཚོ་བ་སྐྱེལ་བར་ཚང་མ་མགྱོགས་མྱུར་གོམས་པར་བྱ་ཆེད། ང་ཚོས་ཧུའུ་པེར་བཅའ་སྡོད་ལས་ཞུགས་བོད་སྐྱོར་འབྲེལ་གཏུག་ཞབས་ཞུའི་ལྟེ་གནས་འཛུགས་རྒྱུར་སྐུལ་འདེད་བཏང་ནས་ཧོང་ཧྲི་དང་། དབྱི་ཁྲང་། ཤང་དབྱང་སོགས་ས་ཁུལ་དུ་ལས་ཞུགས་བོད་སྐྱོར་དཔེ་སྟོན་རྟེན་གཞི་དང་ལས་གཏོད་ལས་ཞུགས་ཞབས་ཞུའི་ལྟེ་གནས་བཙུགས་ཏེ། ཚང་མར་ལས་རིགས་གསོ་སྦྱོང་དང་། ལས་གཏོད་ལག་ལེན། རྗེས་སྙེཌ་རོཌ་སྐྱོར་སོཌ‘གཅིག་འཐུས་རྣམ་པའི’ཞབས་འདེགས་ཞུས་ཡོད”ཅེས་ཧུའུ་པེ་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བཅུ་པའི་རུ་སྣེ་ཁྲིད་མཁན་དང་། ལྷོ་ཁ་གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་ཧྲི་ཀྲང་གཞོན་པ་བཅས་ཡིན་པའི་ཝང་ཡུན་ཆིང་གིས་བརྗོད།

མིག་སྔར་བོད་སྐྱོར་ཞིང་ཆེན་དང་གྲོང་ཁྱེར་ཁག་དང་སི་ཁྲོན་ཁྲེང་ཏུའུ་རུ་རང་སྐྱོང་ལྗོངས་ཀྱི་ལྗོངས་ཕྱིའི་ལས་ཞུགས་འབྲེལ་གཏུག་ཞབས་ཞུའི་ས་ཚིགས་18བཙུགས་པ་དང་། ལོ་རེར་ཆ་སྙོམས་ལྗོངས་ཕྱིའི་ལས་ཞུགས་ལས་གནས་ཁྲི་2ལྷག་ཙམ་མཁོ་འདོན་བྱས་ཏེ་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ“ཕྱིར་སྐྱོད་ཐུབ་པ་དང་། གཞིས་ཆགས་པ། ལས་ཀ་ཐུབ་པ། མཉམ་འདྲེས་ཐུབ་པ། རྩ་བ་ཚུགས་པ”བཅས་ལ་རོགས་རམ་བྱས་ཡོད།

རྩལ་ནུས་གསོ་སྦྱོང་བྱེད་ཤུགས་ཆེ་རུ་བཏང་བ།

ཉེ་བའི་ལོ་ཤས་རིང་། ཀོང་ཏུང་ཞིང་ཆེན་གྱིས་མ་དངུལ་སྒོར་དུང་ཕྱུར་2.1བཏང་ནས་ཉིང་ཁྲི་གྲོང་ཁྱེར་གྱི་མཐོ་རིམ་ལག་རྩལ་བཟོ་པའི་སློབ་གྲྭ་བཙུགས་པ་དང་འབྲེལ“ཀོང་ཏུང་གི་མ་བྱན་དགེ་རྒན”དང་། “ལྷོ་ཀོང་ཁྱིམ་ལས”“ཀོང་ཏུང་ལག་རྩལ་བཟོ་པ”བཅས་འདུ་འགོད་ཁག་གསུམ་དང་ལས་ཞུགས་བོད་སྐྱོར་ལས་དོན་ཟུང་འབྲེལ་དམ་ཟབ་བྱས་ཡོད། “ཉིང་ཁྲི་གྲོང་ཁྱེར་གྱི་མཐོ་རིམ་ལག་རྩལ་བཟོ་པའི་སློབ་གྲྭ་ནི་བོད་ཀྱི་གཞུང་བཙུཌ་མཐོ་རིམ་ལག་རྩལ་བཟོ་པའི་སློབ་གྲྭ་དང་པོ་དེ་རེད།

“སློབ་མ་ཚོ་སློབ་ཡོན་སྤྲོད་མི་དགོས་པར་སློབ་ཚན་དང་གསོ་སྦྱོང་ནང་ཞུགས་ཆོག་མ་ཟད། འཚོ་བའི་ཁ་གསབ་དང་བྱ་དགའི་ཐེབས་རྩ་སོགས་ཀྱང་ལོངས་སུ་སྤྱོད་རྒྱུ་ཡོད”ཅེས་ཀོང་ཏུང་ཞིང་ཆེན་གྱི་ཁག་བཅུ་པའི་བོད་སྐྱོར་ལས་བྱེད་པ་ཉིང་ཁྲི་གྲོང་ཁྱེར་མཐོ་རིམ་ལག་རྩལ་བཟོ་པའི་སློབ་གྲྭའི་སློབ་སྤྱི་ཀྲོའུ་ཁྲའོ་ཡིས་ངོ་སྤྲོད་བྱས། མིག་སྔར་བོད་ཀྱི་གཞུང་བཙུགས་ལག་རྩལ་བཟོ་པའི་སློབ་གྲྭ་ཚང་མར་བོད་སྐྱོར་སློབ་གླིང་དང་དགེ་རྒན་དཔུང་ཁག་གི་རྒྱབ་སྐྱོར་ཐོབ་ཡོད། ལག་རྩལ་བཟོ་པའི་སློབ་གླིང་ཁག་གིས་རིམ་རྩིས་བྱས་ན་མི་ཐེངས་ཁྲི་1.5ལ་ལས་རིགས་རྩལ་ནུས་གསོ་སྦྱོང་བྱས་པ་དང་འབྲེལ། “ཕྱོགས་ངེས་མངགས་ཐོ”དང“སློབ་གྲྭ་དང་སློབ་གྲྭ་མཉམ་འབྲེལ”“ཐོན་སློབ་མཉམ་འདྲེས”བཅས་ཀྱི་གསོ་སྦྱོང་བྱེད་སྟངས་ཁྱབ་གདལ་ཤུགས་ཆེན་བཏང་བ་བརྒྱུད། རྩལ་ནུས་ཤེས་ལྡན་པ་གསོ་སྐྱོང་དང་གསོ་སྦྱོང་གི་སྤུས་ཚད་ཟམ་མི་ཆད་པར་མཐོ་རུ་ཕྱིན་ཡོད་ལ། སློབ་ཐོན་སློབ་མ་ལས་ཞུགས་ཐུབ་ཚད་ཀྱང་བརྟན་དུ་དང་མང་དུ་ཕྱིན་ཡོད།

ལས་གཏོད་དར་སྲོལ་གསར་པར་སྐུལ་ཁྲིད་བྱས་པ།

“‘སྐལ་བཟང་མེ་ཏོག ཤེས་ལྡན་མི་སྣ+’འཆར་གཞིའི་ཁག་དང་པོ་ནས་ལྔ་པའི་བར་སློབ་མ་145བདེ་བླག་ངང་སློབ་མཇུག་འགྲིལ་བ་དང་འབྲེལ་ལས་ཞུགས་ཀྱང་ཐུབ་ཡོད། ད་ལོའི་ཟླ་8པར་གསོ་སྦྱོང་ཁག་དྲུག་པ་སླར་ཡང་འགོ་ཚུགས་ཡོད”ལྷ་ས་གྲོང་ཁྱེར་མལ་གྲོ་གུང་དཀར་རྫོང་མི་སྤྱི་ཅུས་ཀྱི་ཏང་ཙུའི་ཧྲུའུ་ཅི་ངག་དབང་ཆོས་སྒྲོན་གྱིས་གསོ་སྦྱོང་གི་ཁོངས་སུ་སྨན་གཡོག་དང་། ཀོག་ཧྥེ་བཟོ་མཁན། མེ་ཟོན་སོགས་ཀྱི་ལས་གནས་ཚུད་ཡོད། ལྟ་སྦྱོང་དུས་ཚོད་མཇུག་འགྲིལ་རྗེས་སློབ་མས་ནན་ཅིང་དང་མལ་གྲོ་གུང་དཀར་ས་གནས་གཉིས་སུ་ལས་ཞུགས་སམ་ཡང་ན་ལས་གཏོད་བྱེད་པའི་གདམ་ག་བྱེད་ཆོག་ཅེས་བཤད།

རྫ་ཆུའི་འགྲམ་གྱི་ཧྥུའུ་ཅན་དང་ཁྲུང་ཆིང་བོད་སྐྱོར་ལས་དོན་རུ་ཁག་གིས་རྒྱབ་སྐྱོར་བྱས་པའི་ཆབ་མདོ་དཔལ་འབྱོར་གསར་སྤེལ་ཁུལ་གྱི“གཉིས་གཏོད”དཔེ་སྟོན་རྟེན་གཞི་དང་ཆབ་མདོ་གྲོང་ཁྱེར་ཚན་རྩལ་ཁེ་ལས་ཀྱི་སྐྱོང་གསོ་རྟེན་གཞི་གཉིས་ཀ“རྒྱལ་ཁབ་རིམ་པར”རིམ་སྤོར་བྱུང་བ་དང་། ཡར་ཀླུང་གཙང་པོའི་གཙང་འགྲམ་དུ་ཧུའུ་པེས་བོད་སྐྱོར་བྱས་ནས་བསྐྲུན་པའི་བོད་ལྗོངས་ཆིང་ནུའོ་ཚན་རྩལ་ཐོན་ལས་སྐྱོང་གསོ་གླིང་དུ་ཁེ་ལས་40བཅའ་སྡོད་བྱ་རྒྱུའི་གྲོས་མཐུན་ཡི་གེ་བཞག་ཅིང་། དེ་གར་ཐེམ་ཁུངས་བོད་ནས་ཡིན་པའི་སློབ་ཐོན་སློབ་མས་བཙུགས་པའི་ཁེ་ལས་25ཡོད་པ་དག་ཚོང་དོན་དང་། ཚན་རྩལ། ཞིང་ལས་སོགས་ལས་རིགས་མང་པོ་དང་འབྲེལ་བ་ཡོད། མིག་སྔར་བོད་དུ་ཀུན་གཏོད་བྱ་ཡུལ་དང་། ཚན་རྩལ་ཁེ་ལས་སྐྱོང་གསོ་རྟེན་གཞི། ཤང་དང་གྲོང་རྡལ་གྱི་གསར་གཏོད་ལས་གཏོད་རྟེན་གཞི་སོགས“གཉིས་གཏོད”གཞི་རྟེན་138བསྐྲུན་པ་དང་། “གཉིས་གཏོད”གཞི་རྟེན་སྣ་ཚོགས་ཀྱིས་རིམ་རྩིས་བྱས་ན་མི་ཁྲི་3.85ལས་ཀར་བསྡུས་ཡོད།