ད་ལོ་ནི་ཁ་གཏད་བོད་སྐྱོར་ལས་དོན་སྤེལ་ནས་ལོ་30འཁོར་བའི་ལོ་རེད། 2021ལོར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་དུ་རྟོག་ཞིབ་གནང་སྐབས“མང་ཚོགས་ཀྱིས་དོ་ཁུར་རྒྱ་ཁྱབ་བྱེད་པའི་དམངས་འཚོའི་གནད་དོན་ལ་སྔར་བས་དམིགས་ནས་ལས་ཞུགས་དང་། སློབ་གསོ། སྤྱི་ཚོགས་འགན་སྲུང་། སྨན་བཅོས། རྒན་གསོ། བུ་བཅོལ། སྡོད་ཁང་སོགས་དམངས་འཚོའི་དོན་དངོས་རེ་རེ་བཞིན་དོན་འཁྱོལ་ཡག་པོ་བྱས་ཏེ། མི་རིགས་ཁག་གི་མང་ཚོགས་ཀྱི་ཐོབ་སྣང་དེ་བས་ཆེ་བ་དང་། སྐྱིད་སྣང་དེ་བས་རྒྱུན་མཐུད་ཐུབ་པ། བདེ་འཇགས་ཚོར་སྣང་དེ་བས་འགན་ལེན་ཐུབ་པ་བཅས་བྱེད་དགོས”ཞེས་ནན་གསུང་གནང་བ་རེད།

དམངས་འཚོའི་བྱ་བ་དོན་ཆུང་མིན། བརྩེ་བས་ཕྱུག་བཞིན་ཞབས་ཞུ་སྒྲུབ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱེད་པར། ངེས་པར་དུ་དམངས་འཚོ་ལེགས་གཏོང་དང་མི་སེམས་གཅིག་ཏུ་བསྒྲིལ་རྒྱུ་དེ་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་འགོ་འཛུགས་ས་དང་དོན་ལ་འབབ་སར་བརྩི་དགོས།

དམངས་འཚོ་ལེགས་སུ་གཏོང་བ་དང་མི་སེམས་གཅིག་ཏུ་སྒྲིལ་བར། མི་སེར་གྱི་འཚོ་བའི་གནད་དོན་ཐག་གཅོད་བྱེད་པའི་ཐད་ཚད་བརྒལ་གསར་པ་ཡོང་བར་བྱེད་དགོས། དམངས་འཚོར་དོ་ཁུར་བྱ་རྒྱུ་དེ་མི་སེར་ཉེ་འགྲམ་གྱི་བྱ་བ་ཙག་ཙིག་ནས་འགོ་འཛུགས་དགོས་པ་མ་ཟད། སློབ་གསོ་དང་། སྨན་བཅོས། ལས་ཞུགས། རྒན་གསོ། བུ་བཅོལ་སོགས་མང་ཚོགས་ཀྱིས་སེམས་ཁུར་རྒྱ་ཁྱབ་བྱེད་པའི་གནད་དོན་ཐད་བྱེད་ཐབས་དངོས་བཏོན་ནས་ཕན་འབྲས་དངོས་ཐོན་པར་བྱེད་དགོས། སྨན་བཅོས་ཤེས་ལྡན་པའི“ཚོགས་སྒྲིག་རྣམ་པའི”བོད་སྐྱོར་སྟོབས་ཤུགས་རྒྱ་ཆེར་གཏོང་བ་དང་། བོད་ཀྱི་སློབ་གསོའི་ཆུ་ཚད་མཐོ་རུ་གཏོང་བར་ཤུགས་སྣོན་རྒྱག་པ། ལས་ཞུགས་བོད་སྐྱོར་ལ་ཤུགས་སྣོན་རྒྱག་པ་བཅས་བྱས་ཏེ་བོད་ཀྱི་སྤྱི་པའི་ཞབས་ཞུའི་འགན་ལེན་ནུས་པ་དང་ཆུ་ཚད་རྒྱུན་ཆད་མེད་པར་མཐོ་རུ་བཏང་ནས། འཕེལ་རྒྱས་ཀྱི་གྲུབ་འབྲས་ལས་མི་རིགས་ཁག་གི་མང་ཚོགས་ལ་ཕན་པ་འདྲ་མཉམ་ཐོབ་རྒྱུར་སྐུལ་འདེད་གཏོང་དགོས།

དམངས་འཚོ་ལེགས་གཏོང་དང་མི་སེམས་གཅིག་ཏུ་སྒྲིལ་བར། ཐུན་མོང་ཕྱུག་འགྱུར་ལ་སྐུལ་འདེད་གཏོང་བའི་ཐད་ཚད་བརྒལ་གསར་པ་ཡོང་བར་བྱེད་དགོས། བོད་ལ་ཁ་གཏད་རོགས་སྐྱོར་བྱེད་པ་ནི། སྔོན་ལ་ཕྱུག་པོ་ཆགས་མཁན་ཚོས་རོགས་རམ་བྱས་ནས་མཐར་ཐུན་མོང་ཕྱུག་འགྱུར་ཡོང་བའི་བྱེད་ཐབས་གལ་ཆེན་ཞིག་རེད། ཏང་ཀྲུང་དབྱང་གིས་བོད་སྐྱོར་མ་དངུལ་གྱི་80%ཡན་རྫོང་དང་རྫོང་རིམ་པ་མན་གྱི་གཞི་རིམ་དང་80%ཡན་དམངས་འཚོའི་ཁྱབ་ཁོངས་སུ་གཏོང་དགོས་པའི་བླང་བྱ་ཁ་གསལ་བཏོན་ཡོད། བོད་སྐྱོར་སྲིད་ཇུས་དང་བོད་སྐྱོར་བྱེད་སྟངས་ཀྱི་དམངས་འཚོའི་སྟོན་ཕྱོགས་ལ་མུ་མཐུད་ཤུགས་སྣོན་བརྒྱབ་སྟེ། བོད་ཀྱི་མི་རིགས་ཁག་གི་མང་ཚོགས་ཀྱིས་ཉེ་འགྲམ་གྱི་འཕེལ་རྒྱས་གསར་པ་དང་འཚོ་བ་གསར་པའི་ཁྲོད་ནས་ཏང་ཀྲུང་དབྱང་གི་ཐུགས་ཁུར་དང་གཅེས་སེམས་ཟབ་མོ་དང་དེ་བཞིན་སྤྱི་ཚོགས་རིང་ལུགས་ལམ་ལུགས་ཀྱི་འགྲན་ཟླ་བྲལ་བའི་ཁྱད་འཕགས་དང་མེས་རྒྱལ་ཁྱིམ་ཚང་ཆེ་མོའི་འགྲན་ཟླ་བྲལ་བའི་དྲོ་སྐྱིད་ཚོར་ཐུབ་པར་བྱེད་དགོས།

དམངས་འཚོ་ལེགས་གཏོང་དང་མི་སེམས་གཅིག་ཏུ་སྒྲིལ་བར། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི་ཐད་ཚད་བརྒལ་གསར་པ་ཡོང་བར་བྱེད་དགོས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ནི། རྒྱལ་ཁབ་གཅིག་གྱུར་གྱི་རྨང་གཞི་དང་། མི་རིགས་མཐུན་སྒྲིལ་གྱི་རྩ་བ། བསམ་པའི་སྟོབས་ཤུགས་ཀྱི་བླ་སྲོག་བཅས་ཡིན། བོད་སྐྱོར་ལས་དོན་གྱིས་མི་རིགས་ཁག་དབར་འགྲོ་འོང་དང་། སྤེལ་རེས། མཉམ་འདྲེས་བཅས་ལ་སྐུལ་འདེད་གཏོང་བའི་ཐད་ནུས་ཤུགས་བཏོན་ནས་སྣ་མང་ཕུན་སུམ་ཚོགས་པའི་སྤེལ་རེས་རྣམ་གྲངས་དང་སྤེལ་རེས་བྱེད་སྒོ་སྔར་ལས་མང་བ་སྤེལ་ཏེ་གཞི་རྟེན་དང་རྣམ་པ་གསར་གཏོད་བྱས་ནས་ཁ་གཏད་བོད་སྐྱོར་ལས་དོན་གྱིས་མི་རིགས་མཐུན་སྒྲིལ་གྱི་ངར་ཤུགས་མཚོན་པ་དང་མི་སེམས་སྔར་ལས་གཅིག་སྒྲིལ་ཡོང་བར་བྱས་ནས། མི་རིགས་ཁག་གི་མང་ཚོགས་ཀྱིས་རླབས་ཆེན་མེས་རྒྱལ་དང་། ཀྲུང་ཧྭ་མི་རིགས། ཀྲུང་ཧྭའི་རིག་གནས། ཀྲུང་གོ་གུང་ཁྲན་ཏང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བཅས་ལ་བཅངས་པའི་མོས་སེམས་རྒྱུན་ཆད་མེད་པར་ཟབ་ཏུ་གཏོང་དགོས།