ཚེས་29ཉིན། གསར་འགོད་པས་བོད་ལྗོངས་ཞིབ་དཔྱོད་ལས་ཁུངས་ཀྱི་12309ཡི་མི་རིགས་མཐུན་སྒྲིལ་ཡར་ཐོན་གྱི“གཡང་འཛོམས་ཐད་སྦྲེལ་ཁ་པར”གྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱས་པར། 2023ལོ་ནས་བཟུང་། རང་ལྗོངས་ཀྱི་ཞིབ་དཔྱོད་ལས་ཁུངས་ཀྱིས“གཡང་འཛོམས་ཐད་སྦྲེལ་ཁ་པར”བརྒྱུད་བཅའ་ཁྲིམས་བློ་འདྲི་དང་། ཞུ་གཏུག་དང་ཐེར་འདོན། གྱོད་གཞིའི་ཆ་འཕྲིན་འདྲི་རྩད་སོགས་ཀྱི་ཞབས་ཞུ་ཁྱོན་བསྡོམས་ཐེངས་1703མཁོ་འདོན་བྱས་པ་དང་ཚང་མ་བསྒྲུབས་ནས་བློ་འདྲི་བྱེད་མཁན་མང་ཚོགས་བློ་ཡིད་ཚིམ་ཚད་96%ཡན་རྒྱུན་འཁྱོངས་ཐུབ་ཡོད།

ཤེས་རྟོགས་བྱུང་བར་གཞིགས་ན། 2023ལོ་ནས་བཟུང་། བོད་ལྗོངས་ཞིབ་དཔྱོད་ལས་ཁུངས་ཀྱི་12309ཡི་མི་རིགས་མཐུན་སྒྲིལ་ཡར་ཐོན་གྱི“གཡང་འཛོམས་ཐད་སྦྲེལ་ཁ་པར”རང་སྐྱོང་ལྗོངས་མི་དམངས་ཞིབ་དཔྱོད་ཁང་གིས་གཅིག་གྱུར་དོ་དམ་བྱས་པ་བརྒྱུད“ཆུ་ཚོད་24རིང་ཉན་མཁན་ཡོད་པ་དང་། གཅིག་གྱུར་དང་ལེན། གནད་སྨིན་ལན་འདེབས”བཅས་ཀྱི་ཞབས་ཞུའི་རྣམ་པ་གསར་པ་བཏོད་ནས་མང་ཚོགས་ལ་ཕྱོགས་ཡོངས་དང་ཕྱོགས་བསྡུས་རྣམ་པའི་ཞིབ་དཔྱོད་ཞབས་ཞུ་བསྒྲུབས་ཡོད།

བོད་ལྗོངས་ཞིབ་དཔྱོད་ལས་ཁུངས་ཀྱིས་12309ཡི“གཡང་འཛོམས་ཐད་སྦྲེལ་ཁ་པར”གྱི་སྣ་མང་ཅན་གྱི་ལམ་སྲོལ་གྱིས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་བསལ་ནས་དཀའ་ངལ་ཡོད་པའི་མང་ཚོགས་ལ་ཁྲིམས་འཛིན་རོགས་སྐྱོབ་དང་སྤྱི་ཚོགས་ཀྱི་རོགས་སྐྱོབ་བྱས་ཡོད། 2023ལོ་ནས་བཟུང་། ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཁྱོན་བསྡོམས་ཁྲིམས་འཛིན་རོགས་སྐྱོབ་གྱོད་གཞི་355བསྒྲུབས་པ་དང་མི་422ལ་རོགས་རམ་བྱས་པར་རོགས་སྐྱོབ་མ་དངུལ་སྒོར་ཁྲི་932.9སྤྲད་ཡོད། དེ་དང་ཆབས་ཅིག་འགལ་ཟླ་དང་རྩོད་གཞིའི་ཞུ་གཏུག་འབྱུང་ཁུངས་བཅོས་སྐྱོང་བྱེད་ནུས་ཆེ་རུ་བཏང་ནས་2023ལོ་ནས་བཟུང་། ལྗོངས་ཡོངས་ཀྱི་ཞིབ་དཔྱོད་ལས་ཁུངས་ཀྱིས་མང་ཚོགས་ཀྱི་རེ་ཞུར“གནད་འཁེལ་གསུམ་དང་ཐག་གཅོད་གཅིག”གི་རྩ་དོན་མཐའ་འཁྱོངས་བྱས་ཏེ། འགོ་ཁྲིད་ལས་བྱེད་པས་གཤམ་སྐྱོད་དང་བློ་འདྲི་དང་ལེན་ཐེངས་678བྱས་པ་དང་གནད་དོན་སྣ་ཚོགས་600ལྷག་ཙམ་གྲལ་བཤེར་ཐག་གཅོད་བྱས་ཡོད། བོད་ལྗོངས་ཞིབ་དཔྱོད་ལས་ཁུངས་ཀྱིས་ད་དུང་མཐའ་མཚམས་ཞིབ་དཔྱོད་ཞབས་ཞུའི་ལས་སྟེགས་གཏོད་རྒྱུར་ཤུགས་སྣོན་བརྒྱབ་ནས“12309+མང་ཚོགས་ལ་ཐད་ཀར་ཕྱོགས་པའི་ཞིབ་དཔྱོད་ཁང”གི་ལས་སྟེགས་སྤྱད་དེ་མང་ཚོགས་ལ་ཞབས་འདེགས་ཞུ་བའི“མཐའ་མའི་འགག་གནད”བསལ་བ་དང་། ལྗོངས་ཡོངས་ཀྱི་མཐའ་མཚམས་གྲོང་ཚོ་མང་པོར་12309ཡི་ཞིབ་དཔྱོད་ཞབས་ཞུའི་ལྟེ་གནས་བཙུགས་ནས། གྲོང་ཚོའི“ཨུ་ལྷན་གཉིས”ཀྱི་ཁོངས་མི་དང་ཏང་ཡོན་རྒན་གྲས་ཁྲོད་ནས“གཡང་འཛོམས་ཐད་སྦྲེལ་ཁ་པར”གྱི་འབྲེལ་གཏུག་པ་819གདན་ཞུ་བྱས་ཏེ་མཐའ་མཚམས་ཞིབ་དཔྱོད་ལས་དོན་མུ་མཐུད་སྲ་བརྟན་དང་ཟབ་ཏུ་བཏང་ཡོད།