ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཐོག་མཐའ་བར་གསུམ་དུ་བོད་ཀྱི་མང་ཚོགས་ལ་ཐུགས་ཁུར་དང་བོད་ཀྱི་སྨན་བཅོས་འཕྲོད་བསྟེན་བྱ་གཞག་འཕེལ་རྒྱས་ལ་ཚད་མཐོའི་མཐོང་ཆེན་གནང་དང་གནང་མུས་རེད། 2015ལོར་སྨན་བཅོས་ཤེས་ལྡན་པའི“ཚོགས་སྒྲིག་རྣམ་པའི”བོད་སྐྱོར་ལས་དོན་སྤེལ་འགོ་ཚུགས་ནས་གངས་ལྗོངས་ས་མཐོར་སྨན་པ་ཡག་པོ་དེ་བས་མང་བ་ཐོན་པ་མ་ཟད། མི་སེར་གྱི་སྒོ་རྩར་སྨན་ཁང་ཡག་པོ་དེ་བས་མང་བ་བྱུང་ནས་བོད་ཀྱི་མི་རིགས་ཁག་གི་མང་ཚོགས་ལ་སྨན་བཅོས་དམངས་ཕན་ཀྱི་དྲོ་སྐྱིད་དེ་བས་ཚོར་ཐུབ་པ་བྱུང་ཡོད།

སྨན་བཅོས་ཤེས་ལྡན་པའི“ཚོགས་སྒྲིག་རྣམ་པའི”བོད་སྐྱོར་ལས་དོན་སྤེལ་ཚུན། ཚད་བརྒལ་རང་བཞིན་དང་ལོ་རྒྱུས་རང་བཞིན་གྱི་གྲུབ་འབྲས་ཐོབ་ཡོད། མིག་སྔའི་བར་ཁ་གཏད་རོགས་སྐྱོར་ཞིང་ཆེན་དང་གྲོང་ཁྱེར་17གྱི་སྨན་ཁང་184ཡིས་རིགས་གཅིག་མཁས་ཅན་2000ལྷག་ཙམ་བཏང་ནས་བོད་རང་སྐྱོང་ལྗོངས་ཀྱི་སྨན་བཅོས་འཕྲོད་བསྟེན་བྱ་གཞག་ལ་རོགས་སྐྱོར་བྱས་པས། བོད་རང་སྐྱོང་ལྗོངས་མི་དམངས་སྨན་ཁང་དང་ས་ཁུལ་དང་གྲོང་ཁྱེར་7གྱི་མི་དམངས་སྨན་ཁང་དུ་ལྗོངས་ཡོངས་ལ་ཁྱབ་པའི“1+7”གྱི་སྨན་བཅོས་མ་ལག་ཆགས་ཡོད། སྨན་ཁང་གི་སྒོ་བསྟེན་སྨན་བཅོས་བྱེད་ཚད་རོགས་སྐྱོར་མ་བྱས་གོང་ལས་ལྡབ་གཅིག་འཕར་བ་དང་། རིམ་པ་གསུམ་པ་དང་བཞི་པའི་གཤགས་བཅོས་བྱེད་ཚད་ལོ་རེར་ཆ་སྙོམས་14000ལྷག་ཙམ་ཟིན་པ། ནད་གཞི་ལྕི་ལ་སྲོག་ཉེན་ཆེ་བའི་ནད་པ་མྱུར་སྐྱོབ་བྱེད་ཚད་90%ལྷག་ཙམ་ཟིན་པ། ལྗོངས་ཡོངས་ཀྱི་མི་རེའི་ཆ་སྙོམས་རེ་བའི་ཚེ་ཚད་ལོ་72.19ལྷག་ཙམ་ཟིན་པ་སོགས་ཀྱི་གྲུབ་འབྲས་ཐོབ་ཡོད། འབད་བརྩོན་ལྷོད་མེད་བྱས་པ་བརྒྱུད་སྨན་ཁང་དོ་དམ་དང་། སྨན་བཅོས་ཞབས་ཞུ། སྨན་བཅོས་འཕྲོད་བསྟེན་ཤེས་ལྡན་པ་གསོ་སྐྱོང་སོགས་ལ་གྲུབ་འབྲས་མངོན་གསལ་དོད་པོ་ཐོབ་ཡོད།

འདི་ནི་པེ་ཅིང་སློབ་ཆེན་མི་དམངས་སྨན་ཁང་གི་ཁ་གཏད་རོགས་སྐྱོར་བྱ་ཡུལ་རང་སྐྱོང་ལྗོངས་མི་དམངས་སྨན་ཁང་གི་ནད་ལྕི་གསོ་རིག་ཚན་ཁག་གི་སྨན་པས་ས་གནས་དེ་གའི་སྨན་པའི་སྣེ་ཁྲིད་དེ་ནད་ཁང་དུ་ཞིབ་བཤེར་བྱེད་བཞིན་པ།

འདི་ནི་དྲག་སྐྱེད་བྱུང་བའི་ནད་པས་བོད་སྐྱོར་སྨན་པར་གོས་དར་ཕུལ་ནས་ཐུགས་རྗེ་ཆེ་ཞུ་བཞིན་པ། (པར་འདི་ནི་ཉིང་ཁྲི་གྲོང་ཁྱེར་མི་དམངས་སྨན་ཁང་གིས་འཁོ་འདོན་བྱས)

འདི་ནི་ཐེན་ཅིན་གྲོང་ཁྱེར་གྱི་བོད་སྐྱོར་སྨན་བཅོས་རུ་ཁག་གི་སྨན་པས་ཆབ་མདོ་གྲོང་ཁྱེར་གྱི་དམིགས་བསལ་སློབ་གྲྭའི་ཕྲུ་གུ་ཚོར་འོས་འགན་ནད་བརྟག་སྨན་བཅོས་བྱེད་བཞིན་པ།

འདི་ནི་ཧུའུ་པེ་འབྲི་ཆུ་སློབ་ཆེན་སྨན་བཅོས་འཕྲོད་བསྟེན་རྣམ་གྲངས་ཀྱི་བོད་སྐྱོར་རིགས་གཅིག་མཁས་ཅན་གྱིས་ལྷོ་ཁ་གྲོང་ཁྱེར་གྱི་སྨན་པར་སྨན་བཅོས་ལག་རྩལ་སློབ་བཞིན་པ།

འདི་ནི་སྨན་གླིང་གྲོང་ཁྱེར་འཐིམས་པ་རོང་གྲོང་ཚོའི་ཉེ་འགྲམ་དུ་ཀོང་ཏུང་ཞིང་ཆེན་ཀྲུའུ་ཧའེ་གྲོང་ཁྱེར་མི་དམངས་སྨན་ཁང་གི་བོད་སྐྱོར་སྨན་བཅོས་རུ་ཁག་གི་སྨན་པས་ཡུལ་མིའི་གཟུགས་པོར་བརྟག་དཔྱད་བྱེད་བཞིན་པ།

འདི་ནི་ཆིང་ཏའོ་བོད་སྐྱོར་ཚོགས་ཆུང་གི“རི་མཚོའི་བརྩེ་བ·སྟོད་གོས་དམར་པོ”སྨན་བཅོས་དང་བླངས་པའི་ཞབས་ཞུའི་རུ་ཁག་གི་རུ་མིས་གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་མང་ཚོགས་ལ་འོས་འགན་ནད་བརྟག་སྨན་བཅོས་བྱེད་བཞིན་པ།

འདི་ནི་ཧྥུའུ་ཅན་ཞིང་ཆེན་ཆོན་ཀྲོའུ་གྲོང་ཁྱེར་བོད་སྐྱོར་སྨན་བཅོས་རུ་ཁག་ཆབ་མདོ་གྲོང་ཁྱེར་ལྷོ་རོང་རྫོང་གི་འབྲོག་ཁུལ་དུ་བསྐྱོད་དེ་བདེ་ཐང་སྐོར་བཤེར་བྱེད་བཞིན་པ།