ཕུལ་བྱུང་གི་ན་གཞོན་ལས་བྱེད་པ་ནི་གྲོང་གསེབ་དར་རྒྱས་ལ་རམ་འདེགས་ཀྱི་སྟོབས་ཤུགས་གལ་ཆེན་ཞིག་ཡིན་པ་དང་། མངགས་གཏོང་བྱས་པའི་ལས་བྱེད་པ་རིམ་བཞིན་གྲོང་གསེབ་དར་རྒྱས་ཀྱི་གཙོ་ཤུགས་དམག་ཏུ་འགྱུར་བཞིན་ཡོད། ད་ལོ་ཆབ་མདོ་གྲོང་ཁྱེར་གྱི་ལས་བྱེད་པ་5032ཀྱིས་རྩ་འཛུགས་ཀྱི་འབོད་སྐུལ་དང་ལེན་ཧུར་ཐག་ཞུས་ནས། སྐྱེ་སྟོབས་ཀྱི་དཔལ་འབར་བའི་བོད་ཤར་རྒྱུད་ཀྱི་ས་གཞི་ཆེན་པོར་བསྐྱོད་དེ་གཞི་རིམ་གྱི་འཐབ་ས་དང་པོར་འབད་བརྩོན་ལྷོད་མེད་བྱས་པ་དང་ཤེས་རིག་དང་ཉམས་མྱོང་བསགས་ནས་གྲོང་གསེབ་དར་རྒྱས་གཏོང་ཆེད་ལང་ཚོའི་སྟོབས་ཤུགས་སྐྱེས་སུ་ཕུལ་ཡོད།

A དམངས་ཆེད་བྱ་བ་བསྒྲུབས་ནས་དམངས་སེམས་ཐོབ་པར་བྱེད་པ།

ཉིན་ཤས་རིང་། ཆབ་མདོ་གྲོང་ཁྱེར་དཔའ་ཤོད་རྫོང་འཁོར་ཆེན་ཤང་ཅོ་ནེ་གྲོང་ཚོར་བཅའ་སྡོད་ལས་དོན་རུ་ཁག་གི་རུ་དཔོན་དང་ཧྲུའུ་ཅི་དང་པོ་གཅིག་ལྕོགས་ཡིན་པའི་ཝང་ཁྲའོ་བྲེལ་བརྩོན་གྱིས་ཁེངས། ཅོ་ནེ་གྲོང་ཚོར་བཅའ་སྡོད་བྱས་ཚུན། ཝང་ཁྲའོ་དང་རུ་མི་ཚོས“གྲོང་ཚོ་དང་དུད་ཚང་དུ་བརྟག་ཞིབ་ཆེན་པོ་ཉིན་བརྒྱ་བྱེད་པའི”གོ་སྐབས་ལ་བརྟེན་ནས་ཁྱིམ་ཚང་རེ་རེ་བཞིན་ལ་བསྐྱོད་དེ་གྲོང་མིའི་འཚོ་བའི་གནས་ཚུལ་ཤེས་རྟོགས་ཞིབ་ཕྲ་བྱས།

ཅོ་ནེ་གྲོང་ཚོའི་ཆ་སྙོམས་ས་བབ་མཐོ་ཚད་སྨི་4455ཟིན་པ་དང་དཔའ་ཤོད་རྫོང་དང་བར་ཐག་སྤྱི་ལེ་180ཡོད་པའི་འབྲོག་ལས་རྐྱང་པའི་གྲོང་ཚོ་ཞིག་རེད། སྐད་བརྡ་མི་འཕྲོད་པའི་དབང་གིས་དང་ཐོག་ཝང་ཁྲའོ་ལ་སྐད་སྒྱུར་བྱེད་མཁན་ལས་རོགས་གཞན་ཡོད་ཀྱང་མང་ཚོགས་དང་ཕན་ཚུན་སྙིང་གཏམ་ཤོད་མི་ཐུབ་པས་དཀའ་ལས་ཁག་པོ་བྱུང་ཡོད།

བྱ་བ་ཐམས་ཅད་མགོ་རྩོམ་དཀའ། ཝང་ཁྲའོ་ཡིས་རང་ཉིད་ལ་ལྕག་སྐུལ་བྱེད་བཞིན་དུ་གྲ་སྒྲིག་ལས་དོན་ཧུར་ཐག་བསྒྲུབས། ཁོང་གིས་གྲོང་ཚོ་དང་དུད་ཚང་དུ་མ་སྐྱོད་གོང་ཤེས་རྟོགས་བྱེད་དགོས་པའི་གནས་ཚུལ་སྔ་སྣུར་དུ་ཟིན་ཐོར་བཀོད་རྗེས་ཁྱིམ་ཚང་གི་གནས་ཚུལ་ལ་གཞིགས་ནས་ཁ་གསབ་དང་བཟོ་བཅོས་རྒྱག་གི་ཡོད་པ་རེད། ཉིན་ཤས་ནང་ཁོང་གི་ཟིན་བྲིས་དེབ་ནང་ཅོ་ནེ་གྲོང་ཚོའི་དུད་ཚང་ཁག་གི་གཞི་རྩའི་གནས་ཚུལ་དང་། ལག་ཡོད་ནོར་གནག་མགོ་གྲངས། སློབ་མ་སློབ་གྲྭར་ཞུགས་ཚད། ཕྱི་རོལ་དུ་གླ་པ་རྒྱུག་མཁན་སོགས་ཀྱི་ནང་དོན་ཞིབ་ཚགས་བཀོད་ཡོད།

ཟླ་དྲུག་པའི་ཟླ་མཇུག་ཏུ། ཅོ་ནེ་གྲོང་ཚོར་དྲག་ཆར་བབས་ནས་གྲོང་མི་ཚེ་ལྷུན་ཁྱིམ་གྱི་ཕྱུགས་ཚང་བརྡིབས་པའི་གནས་ཚུལ་ཤེས་འཕྲལ་ཝང་ཁྲའོ་ཡིས་གྲོང་ཚོར་བཅའ་སྡོད་ལས་དོན་རུ་ཁག་གི་རུ་མི་དང་གྲོང་ཚོའི“ཨུ་ལྷན་གཉིས”དང་མཉམ་དུ་ཚེ་ལྷུན་ཁྱིམ་དུ་གནས་ཚུལ་ལྟ་ཞིབ་བྱེད་པར་བསྐྱོད།

ཚང་མ་དང་གྲོས་བསྡུར་བྱས་རྗེས། ཝང་ཁྲའོ་ཡིས་འཕྲལ་དུ་གྲོང་ཚོ་ཡོངས་ཀྱི་ཏང་ཡོན་ལས་བྱེད་པ་སྒྲིག་འཛུཊ་བྱས་ཏེ་གྲང་ངར་དང་འདམ་རྫབ་ལ་མ་འཛེམས་པར་གེཊ་སེལ་དང་གནོད་འཚེ་ཉུང་གཏོང་གི་ལས་ཀར་ཞུཊ། ཕྱུགས་ཚང་ཉམས་བཟོ་བྱས་རྗེས་ཝང་ཁྲའོ་ཡིས་གྲོང་མིར་སེམས་གསོ་བྱེད་ཞོར་དུ་ཉམས་བཟོའི་རྒྱུ་ཆ་འབྱོར་རྗེས་མུ་མཐུད་ཏང་ཡོན་ལས་བྱེད་པ་སྒྲིག་འཛུཊ་བྱས་ནས་ཕྱུཊ་ཚང་ཉམས་བཟོའི་ལས་དོན་ཁས་བླངས་ནས་མང་ཚོཊ་བློ་བདེ་པོ་ཡོང་བར་བྱས།

ཟླ་བ་གཉིས་ལྷག་ཙམ་གཤིབ་པ་བརྒྱུད། ཝང་ཁྲའོ་ཡིས་རང་ཉིད་ཀྱི་འབད་བརྩོན་ལ་བརྟེན་ནས་གྲོང་མིའི་དངོས་ཡོད་གནད་དོན་ཐག་གཅོད་བྱེད་རོགས་བྱས་པ་མ་ཟད། ད་དུང་གྲོང་མི་དང་གྲོགས་པོ་བསྒྲིགས་པས་ཚང་མའི་བརྩི་བཀུར་དང་གུས་བཀུར་ཐོབ།

B ཐོན་ལས་ལ་བརྟེན་ནས་ནང་སྐྱེས་སྒུལ་ཤུགས་འཕེལ་བར་བྱེད་པ།

ཟླ་7ཚེས་6ཉིན། ཁ་རུབ་ཆུས་འགུ་རོ་གྲོང་རྡལ་གྲུ་གུ་གྲོང་ཚོའི་ཁམས་མདོ་ཟ་ལས་སྒར་ས་དངོས་སུ་ལས་གཉེར་བྱེད་འགོ་ཚུགས་པ་དང་ཆབས་ཅིག སྒར་སར་སྐུ་མགྲོན་མང་པོ་སླེབས།

གྲུ་གུ་གྲོང་ཚོ་ནི་ཁ་རུབ་ཆུས་འགུ་རོ་གྲོང་རྡལ་གྱི་ལྷོ་ངོས་སུ་གནས་པ་དང་གྲོང་ཚོ་དེ་རྒྱལ་ལམ་317རྒྱུད་དུ་ཆགས། གྲུ་གུ་གྲོང་ཚོས“རི་སྔོན་ཆུ་དྭངས་གསེར་རི་དངུལ་རི་ལས་ལྷག་པའི”འདུ་ཤེས་ལག་ལེན་བསྟར་ནས་ཁོངས་གཏོགས་ཁུལ་གྱི་བརྗིད་ཉམས་ལྡན་པའི་རི་བོ་དང་། སྔོ་ལྗང་རྩི་ཤིང་། ཡངས་ཞིང་རྒྱ་ཆེ་བའི་རྩྭ་ར་བཅས་རང་བྱུང་ཐོན་ཁུངས་ཀྱི་ལེགས་ཆ་དང་ཆབ་མདོ་གྲོང་ཁུལ་དང་བར་ཐག་ཉེ་བ་དང་རྒྱལ་ལམ་317རྒྱུད་དུ་ཆགས་པའི་འགྲིམ་འགྲུལ་གྱི་ལེགས་ཆ་སྤྱད་དེ་གྲོང་གསེབ་ཀྱི་ཡུལ་སྐོར་ལས་རིགས་འཕེལ་རྒྱས་ཤུགས་ཆེན་བཏང་ནས་གྲོང་ཚོ་དེ་ཉིད་ཆབ་མདོའི་གྲོང་མིའི་དུས་ཆེན་གཏོང་ས་དང་སྤྲོ་གསེང་བྱ་ཡུལ་ཞིག་ཏུ་ཧུར་ཐག་འགྱུར་བར་བྱས།

གྲུ་གུ་གྲོང་ཚོའི་ཁམས་མདོ་ཟ་ལས་སྒར་སར་ཁྱོན་མུའུ་30ཡོད་པ་དེ་ནི་གྲུ་གུ་གྲོང་ཚོའི་མཉམ་སྡེབ་དཔལ་འབྱོར་གྱི་ཡོང་ཁུངས་གལ་ཆེན་གྱི་གྲས་ཤིག་རེད། སྒར་སའི་རྨང་གཞིའི་སྒྲིག་བཀོད་ཀྱི་ཞབས་ཞུའི་ཆུ་ཚད་མཐོ་རུ་གཏོང་ཆེད། 2022ལོར་གྲོང་ཚོས་མ་དངུལ་སྒོར་ཁྲི་280ལྷག་ཙམ་བསྡུ་སྒྲིལ་བྱས་ནས་ཤིང་ཁང་4དང་། ལྕགས་རི། གུར་གྱི་སྒྲོམ་10གསར་དུ་བསྐྲུན་པ་དང་སྐྱིད་གཞུང་རང་བྱུང་གྲོང་ཚོའི་འགྲོ་ལམ་སྤྱི་ལེ་1.25ལ་ཨར་འདམ་ལམ་བཏིང་བ་རེད།

སྒར་ས་གཉེར་སྐྱོང་ཡག་པོ་ཐུབ་ཆེད། གྲུ་གུ་གྲོང་ཚོར་བཅའ་སྡོད་ལས་དོན་རུ་ཁག་གི་རུ་མི་མིག་དམར་གྱིས་ལས་གཉེར་མ་བྱས་གོང་གྲོང་ཚོར་བཅའ་སྡོད་ལས་དོན་རུ་ཁག་གི་རུ་མིས་གྲོང་མིའི་ཚོགས་ཆེན་འཚོགས་ནས་སྒར་ས་གཉེར་སྐྱོང་ནང་ཞུགས་འདོད་ཡོད་པའི་གྲོང་མིར་གསོ་སྦྱོང་བྱས་ཏེ་ཁོང་ཚོའི་ཞབས་ཞུའི་འདུ་ཤེས་ཟབ་ཏུ་བཏང་ཡོད་ཅེས་གསར་འགོད་པར་བཤད།

འབྱུང་འགྱུར་སྐོར་ལ་མིག་དམར་ལ་སྔ་ས་ནས་འཆར་གཞི་ཞིག་ཡོད་པ་སྟེ། “མིག་སྔར་བཟའ་བཏུང་ཐད་ང་ཚོར་ཆུ་མོག་དང་རྒྱ་ཐུག་ཙམ་ལས་མེད་ཀྱང་། རྗེས་སུ་ལས་གཉེར་ལ་གཞིཊ་ནས་བཟའ་བཏུང་གི་སྣ་ཁ་ཇེ་མང་དུ་བཏང་སྟེ། གྲོང་ཚོའི་མ་བྱན་གསོ་སྦྱོང་ནང་ཞུགས་མྱོང་བའི་གྲོང་མི་བསྡུ་རྩིས་ཡོད། སྔོན་དཔག་བྱས་ན། ལོ་ལྟར་འབབ་འཕར་སྒོར་ཁྲི་10ལྷག་ཙམ་ཡོང་གི་རེད”ཅེས་བཤད།

C རང་ངོས་ལེགས་སུ་བཏང་ནས་འཐབ་འཛིང་མཁར་རྫོང་སྟོབས་ཆེར་བཏང་བ།

གྲོང་ཚོར་བཅའ་སྡོད་ལས་དོན་གྱི་སྤྱི་ཁྱབ་སྣེ་ཁྲིད་པ་དང་སྣེ་ཁྲིད་པ་གཞོན་པ་ནི་གྲོང་ཚོར་བཅའ་སྡོད་ལས་དོན་གྱི་སྲོག་ཤིང་ལྟ་བུ་རེད། ཁག་བཅུ་གསུམ་པའི་གྲོང་ཚོར་བཅའ་སྡོད་ལས་བྱེད་པའི་དམིགས་ཚད་ལས་འགན་ཁ་གསལ་ཡོང་བ་དང་། ལས་ཀའི་བསམ་ཕྱོགས་བཟོ་བ། ལས་སྒྲུབ་འཇོན་ཐང་ཆེར་གཏོང་བཅས་བྱ་ཆེད། ཟླ་6པའི་ཟླ་འགོར། ཆབ་མདོ་གྲོང་ཁྱེར་གྱིས་ཁག་བཅུ་གསུམ་པའི་གྲོང་ཚོར་བཅའ་སྡོད་ལས་བྱེད་པའི་གཙོ་གནད་གསོ་སྦྱོང་གཉེར་ཞིང་། ཆབ་མདོ་གྲོང་ཁྱེར་དང་རྫོང་གི་གྲོང་སྡོད་གཞུང་ལས་ཁང་གི་འགན་འཁུར་བློ་མཐུན་དང་། ཁག་བཅུ་གསུམ་པའི་གྲོང་ཚོར་བཅའ་སྡོད་ལས་དོན་གྱི་སྤྱི་ཁྱབ་སྣེ་ཁྲིད་པ་དང་སྣེ་ཁྲིད་པ་གཞོན་པ། དེ་བཞིན་གྲོང་ཚོར་བཅའ་སྡོད་ལས་དོན་རུ་ཁག་གི་རུ་དཔོན་སོགས་མི་140ལྷག་ཙམ་ཞུགས་ཡོད།

ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས“རང་སྐྱོང་ལྗོངས་ཀྱི་དཔེ་སྟོན་གསོ་སྦྱོང་དང་། གྲོང་ཁྱེར་དང་ས་ཁུལ་གྱི་གཙོ་གནད་གསོ་སྦྱོང་། རྫོང་དང་ཆུས་ཀྱི་ཡོངས་ཁྱབ་གསོ་སྦྱོང་། ཤང་གྲོང(ཁྲོམ་གཞུང་)གི་ཐ་སྐྱོང་གསོ་སྦྱོང་། བོད་སྐྱོར་གྱི་གསོ་སྦྱོང་བཅས་ཀྱི་བླང་བྱ་གཞིར་བཟུང་། “གང་ཆད་ན་དེ་གསབ་པའི”རྩ་དོན་ལྟར་རྩ་འཛུགས་དང་། སྲིད་ཁྲིམས། གྲོང་གསེབ་དར་རྒྱས་སོགས་སྡེ་ཚན་གྱི་རིགས་གཅིག་མཁས་ཅན་དང་། དགེ་རྒན་ཆེ་མོ་བ། དེ་བཞིན་ལས་སྒོའི་རྐང་འཛིན་པ་སོགས་གདན་དྲངས་ནས་རིགས་པའི་གཞུང་ལུགས་སློབ་ཁྲིད་དང་། གྱོད་དཔེ་དབྱེ་ཞིབ། ཉམས་མྱོང་སྤེལ་རེས་སོགས་ཀྱི་བྱ་ཐབས་སྤྱད་དེ་ཁྱོན་ཡོངས་ལ་ཁྱབ་པའི་གསོ་སྦྱོང་བྱས་པ་མ་ཟད། མངགས་གཏོང་ལས་བྱེད་པར་ལས་ཀའི་བསམ་ཕྱོགས་གསལ་བཟོ་དང་ལས་ཀའི་བྱེད་ཐབས་ཤེས་རྟོགས་ཡོང་བར་རོགས་རམ་བྱས་ནས་གྲོང་གསེབ་དར་རྒྱས་ཀྱི་འཐབ་ས་དང་པོར་རྒྱ་ཆེའི་ཏང་ཡོན་ལས་བྱེད་པས་ལྷག་བསམ་ཟོལ་མེད་ངང་ལས་འགན་སྒྲུབ་པར་སྐུལ་ཁྲིད་བྱས་ཡོད།

ཟླ་7ཚེས་10ཉིན། ཁྲུང་ཆིང་དུ་གཉེར་བའི་དུས་ཡུན་ཉིན་12ཀྱི་ཆབ་མདོ་གྲོང་ཁྱེར་གྱི་གྲོང་ཚོར་བཅའ་སྡོད་ལས་བྱེད་པའི་འགན་སྒྲུབ་དང་འཇོན་ཐང་ཆེར་གཏོང་གི་ཆེད་དོན་གསོ་སྦྱོང་ཕུན་སུམ་ཚོགས་པོའི་ངང་མཇུག་འགྲིལ་ཞིང་། ཆབ་མདོ་གྲོང་ཁྱེར་གྱི་གྲོང་ཚོར་བཅའ་སྡོད་གཞུང་ལས་ཁང་དང་ཁག་བཅུ་གསུམ་པའི་གྲོང་ཚོར་བཅའ་སྡོད་ལས་བྱེད་པ་ཁྱོན་མི་40གསོ་སྦྱོང་ནང་ཞུགས་ཡོད་པ་རེད།

སླད་ཕྱིན་གྱི་ལོ་ཟླའི་ནང་གྲོང་ཚོར་བཅའ་སྡོད་ལས་བྱེད་པས་མུ་མཐུད་འཐབ་ས་དང་པོར་གཞི་ཚུཊ་ནས་མང་ཚོགས་གཉེན་ཉེར་བརྩིས་ཏེ། དུས་ཚོད་དམ་འཛིན་དང་འབད་བརྩོན་ལྷོད་མེད་བྱས་ནས་མཛེས་སྡུག་ལྡན་པའི་འཚོ་བར་བཅངས་པའི་མང་ཚོགས་ཀྱི་རེ་འདོད་བསྐངས་ནས་གྲོང་གསེབ་དར་རྒྱས་ཀྱི་ལེའུ་ནུས་ཤུགས་ཡོད་རྒུས་རྩོམ་ངེས་རེད།