འདི་ནི་ཉིན་ཤས་གོང་། “ཞིབ་དཔྱོད་གཅེས་སེམས་ཀྱི་བྱ་སྤྱོད་སྤེལ་ནས་མཉམ་དུ་འབྱུང་འགྱུར་སྲུང་སྐྱོང་བྱེད་པའི”བརྗོད་དོན་གཙོ་བོའི་ཞིབ་དཔྱོད་སྒོ་དབྱེའི་ཉིན་མོའི་བྱེད་སྒོར་ཆུ་གསུམ་རྫོང་མི་དམངས་ཞིབ་དཔྱོད་ཁང་གི་ཞིབ་དཔྱོད་དཔོན་གྱིས་སློབ་མ་ཚོར《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ན་སོ་དར་ལ་མ་བབས་པའི་མིའི་སྲུང་སྐྱོང་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ན་སོ་དར་ལ་མ་བབས་པའི་མིའི་ཉེས་གསོག་སྔོན་འགོག་བཅའ་ཁྲིམས》སོགས་བཅའ་ཁྲིམས་ཁྲིམས་སྲོལ་འགྲེལ་བཤད་བརྒྱབ་པ་མ་ཟད། རོལ་རྩེད་དང་བྱ་དགར་ལན་རྒྱག་པའི་བྱེད་ཐབས་ནས་བཅའ་ཁྲིམས་ཁྱབ་གདལ་གྱི་བྱེད་སྒོ་སྤེལ་བ།

འདི་ནི་ཉིན་ཤས་གོང་ཆུ་གསུམ་རྫོང་མི་དམངས་ཞིབ་དཔྱོད་ཁང་གི་ཞིབ་དཔྱོད་དཔོན་གྱིས་ཁྲིམས་སྐྱོང་སློབ་ཚན་འཚོགས་ནས་སློབ་མ་ཚོར་འདམ་ར་སྲུང་སྐྱོང་ཁྱབ་ཁོངས་ཀྱི་སྤྱི་ཕན་གཏུག་བཤེར་གྱི་དཔེ་མཚོན་གྱོད་གཞི་དང་དེ་བཞིན་སྲིད་ཇུས་ཁྲིམས་སྲོལ་སློབ་ཁྲིད་བྱེད་པ།

ཉེ་བའི་ལོ་ཤས་རིང་། ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་རང་འགུལ་ངང་ཤེས་དཔལ་ཚན་པ་འཛུགས་གཏོད་ཀྱི་ལས་དོན་དེ་ཞིབ་དཔྱོད་ལས་དོན་གྱི་དོན་དངོས་དང་ཟུང་འབྲེལ་བྱས་ནས་ཏང་འཛུགས་སྐྱོང་གིས་སྣེ་ཁྲིད་དང་། ལྟེ་བ་དང་སྤྱི་ཡོངས་ལ་ཞབས་འདེགས་ཞུ་བ། ཞིབ་དཔྱོད་ཀྱི་ཁྱད་ཆོས་མངོན་གསལ་དོད་པ་བཅས་བྱས་ཏེ་ཆུ་ཚད་དེ་བས་མཐོ་བའི་ཁྲིམས་འཛིན་ཤེས་དཔལ་བཏོད་ནས“སྤྱི་ཡོངས་ལ་ཞབས་འདེགས་ཞུ་བ་དང་། དམངས་ཆེད་ཁྲིམས་འཛིན། ཁྲིམས་སྐྱོང་གི་འགན་འཁྲི་འཁུར་བ་བཅས་མཐའ་འཁྱོངས”ཀྱི་འདུ་ཤེས་ལག་བསྟར་བྱས་ཡོད།

ཏང་འཛུགས་སྐྱོང་ལ་བརྟེན་ནས་སྣེ་ཁྲིད་བྱས་ཏེ།

ལམ་སྲོལ་ལ་དམ་འཛིན་དང་ཕུགས་ཕན་ལ་མཐོང་ཆེན་བྱས་ནས་ལས་སྒོར་སྐུལ་འདེད་བཏང་བ།

ཤེས་དཔལ་སྲོལ་གཏོད་དང་ཏང་འཛུགས་ལས་དོན་སྔོན་ལ་སྤེལ་ཞིང་། ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་ཤེས་དཔལ་སྲོལ་གཏོད་དམ་འཛིན་བྱ་གཞིའི་ལས་དོན་ལ་བརྩིས་པ་དང་། ཏང་ཙུའུ་ཡི་ཧྲུའུ་ཅི་དང་ཞིབ་དཔྱོད་དཔོན་གྱིས་ཙུའུ་ཀྲང་བྱས་པའི་འགོ་ཁྲིད་ཚོགས་ཆུང་བཙུགས་པ་མ་ཟད། སྒྲིག་སྲོལ་ལམ་ལུགས་ཁག་འཛུགས་པ་དང་འཐུས་སྒོ་ཚང་དུ་གཏོང་བ་དང་། ཆབ་སྲིད་ལ་དམིགས་པ་དང་ཁྲིམས་སྐྱོང་ལ་ཤུགས་སྣོན་རྒྱག་རྒྱུ་མཐའ་འཁྱོངས་བྱས་ཏེ་ཏང་འཛུགས་སྐྱོང་གི་སྣེ་ཁྲིད་ནུས་པ་ལས་ཀའི་བརྒྱུད་རིམ་ཧྲིལ་པོ་དང་ལྷུ་ཚིགས་ཁག་ཏུ་དོན་འཁྱོལ་བྱས་ཡོད། ཞིབ་དཔྱོད་ཁང་གིས“ཏང་འཛུགས་སྐྱོང+ལས་སྒོ”དང་ཞིབ་དཔྱོད་ཞབས་ཞུའི་ལྟེ་གནས་12309ཡི་འགན་ནུས་ལ་བརྟེན་ནས་ཞིབ་དཔྱོད་ཏང་འཛུགས་སྐྱོང་གི་སྤུས་རྟགས་དང་ཤེས་དཔལ་སྲོལ་གཏོད་ཀྱི་གཞི་རྟེན་བཏོད་པ། མང་ཚོགས་ཀྱི་རེ་ཞུ་ཁག་དང་ལེན། ཐོག་མཐའ་བར་གསུམ་དུ“མང་ཚོགས་ཀྱི་ཡིག་བསྐུར་ངོ་བཅར་ཚང་མར་ལན་རྒྱག་པ”བཅས་བྱས་པ་མ་ཟད། མང་ཚོགས་ཀྱི་ཡིག་བསྐུར་ངོ་བཅར་གྱི་གྱོད་གཞི་13དང་མི་13བདག་སྤྲོད་བྱས་པས་ལས་དོན་བསྒྲུབས་ཚད་100%ཟིན་ཡོད།

ཤེས་དཔལ་སྲོལ་གཏོད་ཀྱི་ལས་དོན་ཁྲོད་ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་ཁྲིམས་འཛིན་དམངས་ཆེད་ཀྱི་ཐོག་མའི་སློབ་གསོར་ཚད་མཐོའི་མཐོང་ཆེན་བྱས་ཏེ། ཏང་གཤིས་ཀྱི་སློབ་གསོ་དང་། ཀུན་སྤྱོད་ཀྱི་སློབ་གསོ། ཁྲིམས་སྐྱོང་གི་སློབ་གསོ། སྲིད་གཙང་གི་སློབ་གསོ་བཅས་མུ་མཐུད་སྤེལ་ཡོད། ཉེན་བརྡའི་སློབ་གསོའི་གློག་བརྙན་ལྟ་བ་དང་སློབ་སྦྱོང་བགྲོ་གླེང་སྒྲིག་འཛུགས་སོགས་ཀྱི་བྱེད་ཐབས་སྤྱད་དེ་ལས་བྱེད་ཉེན་རྟོག་པར་ཐོག་མཐའ་བར་གསུམ་དུ་རིག་པ་དྭངས་གསལ་དང་བློ་རྩ་བརྟན་པོ་རྒྱུན་འཁྱོངས་བྱེད་དགོས་པའི་དྲན་སྐུལ་བྱས་ཡོད།

དང་བླངས་ཞབས་ཞུ་དམ་འཛིན་བྱ་གཞིར་བྱས་ཏེ།

ཤེས་དཔལ་ཚན་པ་འཛུགས་གཏོད་ལས་དོན་སྣུར་སྲིང་བྱས་པ།

ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྐྱེད་སྲིང་དང་ལག་བསྟར་ལ་ཤུགས་སྣོན་བརྒྱབ་པ་མ་ཟད། དང་བླངས་ཞབས་ཞུ་དང་རོགས་སྐྱོར་མཉམ་སྐྲུན་ལས་དོན་ཟུང་འབྲེལ་དམ་ཟབ་བྱས་ཏེ་རྒྱ་ཆེའི་ལས་བྱེད་ཉེན་རྟོག་པའི་དང་བླངས་ཞབས་ཞུའི་སྤུས་ཚད་དང་ཕན་འབྲས་ཆེ་རུ་བཏང་བ་དང་དང་བླངས་ཞབས་ཞུའི་སྙིང་སྟོབས་དར་སྤེལ་བཏང་ཡོད། ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་གྲོང་ཁྱེར་གྱི་གཙང་སྦྲའི་བྱ་སྤྱོད་དང་། གྲོང་མིའི་ཁུལ་ཆུང་གི་ཁོར་ཡུག་བཅོས་སྒྲིག གཅེས་སེམས་མཚོན་པའི་ཞལ་འདེབས། འོས་འགན་ཤིང་འཛུགས་སོགས་དང་བླངས་ཞབས་ཞུའི་བྱེད་སྒོ་ཐེངས་20ལྷག་ཙམ་སྤེལ་ཡོད། དང་བླངས་པ་སྒྲིག་འཛུགས་བྱས་ནས་སློབ་གྲྭ་དང་སྡེ་ཁུལ་དུ་གཞིས་ལུས་བྱིས་པར་ལྟ་བ་དང་། རྒན་རྒོན་མི་ཧྲེང་ལ་འཚམས་འདྲི། དབུལ་སྐྱོར་དཀའ་རོགས་བྱས་ནས་དྲོ་སྐྱིད་མཚོན་པར་བྱས་པ་དང་འབྲེལ་ཏང་ཡོན་དང་བླངས་ཞབས་ཞུའི་བྱེད་སྒོ་ཐེངས་26ལྷག་ཙམ་སྤེལ་ཡོད།

ཤེས་དཔལ་སྲོལ་གཏོད་ཀྱི་ཁོར་ཡུག་ཟབ་མོ་གཏོད་ཆེད། ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་སྔ་རྗེས་སུ་མ་དངུལ་སྒོར་ཁྲི་80ལྷག་ཙམ་བཏང་ནས་རིག་གནས་དྲིལ་བསྒྲགས་བར་ཁྱམས་དང་། ཏང་ཡོན་གྱི་བྱེད་སྒོ་ཁང་། ན་སོ་དར་ལ་མ་བབས་པའི་མིའི་སློབ་གསོའི་ཁྱིམ་ཚང་། རིག་གནས་དང་ལུས་རྩལ་བྱེད་སྒོ་སྤེལ་ས་སོགས་བསྐྲུན་ནས་ཤེས་དཔལ་འཛུགས་སྐྱོང་གི་འཐབ་ས་ཧུར་ཐག་བཏོད་ཡོད།

དམངས་ཆེད་ཞིབ་དཔྱོད་སྟོན་ཕྱོགས་སུ་བྱས་ཏེ།

མང་ཚོགས་ཀྱི་སྐྱིད་སྣང་དང་བདེ་འཇགས་ཚོར་སྣང་ཆེ་རུ་བཏང་བ།

བཅའ་ཁྲིམས་ཀྱི་ལྟ་སྐུལ་ནུས་པ་ལྷག་བསམ་རྣམ་དག་ངང་བསྒྲུབ་རྒྱུ་དེ་མི་དམངས་ལ་ཞབས་འདེགས་ཞུ་བའི་རྩ་བའི་ལས་འགན་ལ་བརྩིས་ཤིང་། ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་ཁྲིམས་འཛིན་འདུ་ཤེས་མཐའ་འཁྱོངས་བྱས་ཏེ། གྱོད་སྒྲུབ་ཀྱི་ཕན་འབྲས་ལ་བརྟེན་ནས་རྫོང་ཁོངས་ཀྱི་སྤྱི་ཚོགས་བཅོས་སྐྱོང་ལ་ཞབས་འདེགས་ཞུ་བ་དང་། མང་ཚོགས་ཀྱི་ཁྲིམས་མཐུན་ཁེ་དབང་ལ་སྲུང་སྐྱོང་། ཁྲིམས་འཛིན་གྱི་ཕན་འབྲས་བརྒྱུད་སྤྲོད་བཅས་བྱས་ཏེ་དཀའ་ངལ་ཡོད་པའི་བུད་མེད་དང་དེ་བཞིན་དབུལ་སྐྱོར་གནད་སྨིན་དང་། གྲོང་གསེབ་དར་རྒྱས། དབུལ་ལོག་འགོག་པ་བཅས་ཀྱི་ལས་དོན་དམིགས་ཚད་དུ་བྱས་ནས་རྒྱལ་ཁབ་ཀྱི་ཁྲིམས་འཛིན་རོགས་སྐྱོབ་གྱོད་གཞི་14བསྒྲུབས་པ་དང་རོགས་སྐྱོབ་མ་དངུལ་སྒོར་ཁྲི་14སྤྲད་ཡོད།

ཆུ་གསུམ་རྫོང་མི་དམངས་ཞིབ་དཔྱོད་ཁང་གིས་སྤྱི་ཕན་གཏུག་བཤེར་ཞིབ་དཔྱོད་ལས་དོན་སྤེལ་བ་དང་། སྐྱེ་ཁམས་ཁོར་ཡུག་དང་བཟའ་བཅའ་དང་སྨན་རྫས་བདེ་འཇགས་སོགས་ཐད་ཀྱི་མི་དམངས་མང་ཚོགས་ཀྱི་གཙོ་གནད་ཁྱབ་ཁོངས་ལ་དམིགས་ཏེ་སྤྱི་ཕན་གཏུག་བཤེར་གྱི་ཞིབ་དཔྱོད་གྱོད་སྒྲུབ་ཀྱི་ཕན་འབྲས་དངོས་ལ་བརྟེན་ནས་མི་དམངས་མང་ཚོགས་ཀྱི་མཛེས་སྡུག་ལྡན་པའི་འཚོ་བར་སྲུང་སྐྱོང་བྱས་ཡོད། ཉེ་བའི་ལོ་ཤས་རིང་། ཞིབ་དཔྱོད་གྲོས་འགོ་ཁྱོན་28བཏོན་པ་དང་འབྲེལ་ཞབས་ཞུའི་ཁྱབ་རྒྱ་རྒྱུན་ཆད་མེད་པར་སྣུར་སྲིང་དང་མཛེས་སྡུག་ལྡན་པའི་འཚོ་བར་སྲུང་སྐྱོང་དང་། མཛེས་སྡུག་ལྡན་པའི་གྲོང་གསེབ་འཛུགས་སྐྲུན་ལ་རམ་འདེགས། གྲོང་གསེབ་ཀྱི་མིའི་འཚོ་སྡོད་ཁོར་ཡུག་ལེགས་སུ་གཏོང་བ་སོགས་ཀྱི་ཆེད་དོན་ལྟ་སྐུལ་བྱེད་སྒོ་ཐེངས་15སྤེལ་བར་བརྟེན། ཞིབ་དཔྱོད་ལས་ཁུངས་དང་མང་ཚོགས་ཀྱི་འབྲེལ་བ་ཟབ་ཏུ་ཕྱིན་པ་མ་ཟད། མང་ཚོགས་ཀྱིས་ཞིབ་དཔྱོད་ལས་དོན་ལ་རྒྱུས་མངའ་ལོན་ཚད་དང་བློ་ཡིད་ཚིམ་ཚད་མཐོ་རུ་ཕྱིན་ཡོད།