མཚོ་སྨད་རྫོང་གིས་མི་མེད་གནམ་གྲུས་འབུ་སྨན་གཏོར་ནས་ལོ་ལེགས་ཡོང་བར་རམ་འདེགས་བྱས་པ།
ཉིན་ཤས་བསྟུད་མར། མཚོ་སྨད་རྫོང་གིས་གྲོང་ཁྱེར་དང་རྫོང་རིམ་པ་གཉིས་ཀྱི་སོན་བཟང་ས་ཞིང་ཁུལ་གྱི་ལོ་ཏོག་ལ་ནད་འབུའི་གནོད་འཚེ་འགོག་བཅོས་བྱེད་པའི་ལས་དོན་སྤེལ་ཏེ་མི་མེད་གནམ་གྲུས་མུའུ་1000ལ་འབུ་སྨན་གཏོར་བའི་ལས་དོན་སྤེལ་བ་རེད།
ལས་ཡུལ་དུ་ལས་དོན་པས་འགོག་བཅོས་ཀྱི་རྒྱ་ཁྱོན་དང་ནང་དོན་ལ་ནན་པོར་གཞིགས་ཏེ་འབུ་སྨན་སྡེབ་སྦྱོར་བྱས་ནས་ས་ཁོངས་དབྱེ་བ་དང་དུས་མཚམས་བགོས་ཏེ་འབུ་སྨན་གཏོར་བའི་ལས་དོན་སྤེལ་བ་རེད།
ཤེས་རྟོགས་བྱུང་བར་གཞིགས་ན། སྲོལ་རྒྱུན་གྱི་འབུ་སྨན་གཏོར་བ་དང་བསྡུར་ཚེ་མི་མེད་གནམ་གྲུས་འབུ་སྨན་གཏོར་བར་ཕན་འབྲས་དང་ཁེབས་རྒྱ་ཆེ་ཞིང་། ལས་ཀ་བྱེད་བདེ་བ་སོགས་ཀྱི་ལེགས་ཆ་ལྡན་པས། མི་མེད་གནམ་གྲུས་རྙོག་འཛིང་ཆེ་བའི་ས་བབ་ལ་འབུ་སྨན་ལས་སླ་པོར་གཏོར་ཐུབ་པ་མ་ཟད། འབུ་སྨན་ཆ་སྙོམས་པོ་གཏོར་བས་གྲོན་ཆུང་ཐུབ་པ་དང་། ཁོར་ཡུག་ལ་སྦགས་བཙོག་ཉུང་དུ་གཏོང་ཐུབ་ཀྱི་ཡོད།
ཉེ་བའི་ལོ་ཤས་རིང་། མཚོ་སྨད་རྫོང་གིས“ཞིང་བརྟེན་འབྲུ་གསོག་དང་རྩལ་བརྟེན་འབྲུ་གསོག”གི་འཐབ་ཇུས་དོན་འཁྱོལ་ཧུར་ཐག་དང་དེང་རབས་ཅན་གྱི་ཚན་རྩལ་གྱི་འདེབས་འཛུགས་བྱ་ཐབས་ཁྱབ་གདལ་ཤུགས་ཆེན་བཏང་ནས་ཚན་རྩལ་གྱི་བྱ་ཐབས་ལ་བརྟེན་ནས་ཞིང་ལས་ཐོན་སྐྱེད་བྱས་པས་ཞིང་ལས་ལོ་ཏོག་སྐྱེ་འཚར་བཟང་བ་དང་ཐོན་འབབ་མཐོ་བའི་དམིགས་ཚད་འགྲུབ་རྒྱུར་རམ་འདེགས་ཐུབ་ཡོད།