ཉེ་ཆར། ཆབ་མདོ་གྲོང་ཁྱེར་མཐོ་བོད་གསོལ་མགྲོན་ཁང་ཆེན་མོར་ཁྲུང་ཆིང་གི་བོད་སྐྱོར་བརྗོད་གཞིའི་གློག་བརྙན་ཐོག་མ《བོད་ཀྱི་སེམས་ཤུལ》གྱི་གསར་འགྱུར་ཡོངས་བསྒྲགས་ཚོགས་འདུ་དང་པར་ལེན་བྱེད་འགོ་ཚུགས་པའི་མཛད་སྒོ་འཚོགས་པ་རེད།

ཤེས་རྟོགས་བྱུང་བར་གཞིགས་ན། གློག་བརྙན《བོད་ཀྱི་སེམས་ཤུལ》ནི་ཁྲུང་ཆིང་གི་རྩོམ་པ་པོ་གྲགས་ཅན་ཀྲོའུ་ཕེང་ཁྲེང་གི་ཁ་བྱང་གཅིག་པའི་སྙན་ཞུའི་རྩོམ་ཡིག་རིང་གྲས《བོད་ཀྱི་སེམས་ཤུལ》གཞིར་བཟུང་བཅོས་སྒྲིག་བྱས་པ་ཞིག་ཡིན་ཞིང་། ཁྲུང་ཆིང་གི་བོད་སྐྱོར་མི་སྣ་མ་དཔེར་བྱས་ནས་ཁོང་ཚོས་ཆབ་མདོར་ལས་ཀ་དང་འཚོ་བ་བསྐྱལ་བའི་མི་སེམས་འགུལ་བའི་གཏམ་རྒྱུད་བརྗོད་ཡོད། བརྩམས་ཆོས་དེར་2019ལོར་སྐབས་བཅོ་ལྔ་པའི་ཁྲུང་ཆིང་གྲོང་ཁྱེར་གྱི་བསམ་པའི་དཔལ་ཡོན་སྲོལ་གཏོད་ཀྱི“གཅིག་རེ་ལྔའི་འདུ་འགོད”ཀྱི་བྱ་དགའ་དང་2021ལོར་སྐབས་དགུ་པའི་ཁྲུང་ཆིང་གི་རྩོམ་རིག་བྱ་དགའ་ཐོབ་པ་རེད། གློག་བརྙན་འཁྲབ་གཞུང་ལ་སྔ་རྗེས་སུ་ཁྲུང་ཆིང་གྲོང་ཨུད་དྲིལ་བསྒྲགས་པུའུ་ཡི་གློག་བརྙན་འཁྲབ་གཞུང་རོགས་སྐྱོར་འཆར་གཞིའི་རོགས་དངུལ་དང་། ཁྲུང་ཆིང་གྲོང་ཁྱེར་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་རོགས་དངུལ། ཀྲུང་གོ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་རོགས་དངུལ་བཅས་ཐོབ་ཅིང་། གློག་བརྙན་དེ་སྔོན་དཔག་བྱས་ན་2025ལོའི་ལོ་སྟོད་དུ་ལྟད་མོ་བར་སྟོན་རྒྱུ་རེད།