ཚེས་22ཉིན། རྒྱལ་ཁབ་ནུས་རྒྱུ་ཅུས་ཀྱིས་ཡོངས་བསྒྲགས་བྱས་པའི་ཆ་འཕྲིན་ལས་མངོན་པ་ལྟར་ན། ཟླ་བ་བདུན་པར་སྤྱི་ཚོགས་ཀྱི་གློག་སྤྱོད་བསྡོམས་འབོར་ཆུ་ཚོད་ཆན་ཝ་དུང་ཕྱུར་9396ཟིན་ནས་དུས་མཚུངས་ལས་5.7%འཕར་བ་རེད།

ཟླ་བ་དང་པོ་ནས་བདུན་པ་བར། སྤྱི་ཚོགས་ཀྱི་གློག་སྤྱོད་བསྡོམས་འབོར་ཆུ་ཚོད་ཆན་ཝ་དུང་ཕྱུར་55971ཟིན་པ་དེ་དུས་མཚུངས་ལས་7.7%འཕར་བ་དང་། གཞི་ཁྱོན་ཡན་གྱི་བཟོ་ལས་ལ་གློག་གཏོང་ཚད་ཆུ་ཚོད་ཆན་ཝ་དུང་ཕྱུར་53239ཟིན་ཡོད། ཐོན་ལས་དབྱེ་ནས་གློག་སྤྱོད་ཚད་ལ་བལྟས་ན། ཐོན་ལས་དང་པོར་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་764ཟིན་ནས་དུས་མཚུངས་ལས་7.5%འཕར་བ་དང་། ཐོན་ལས་གཉིས་པར་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་36329ཟིན་ནས་དུས་མཚུངས་ལས་6.6%འཕར་བ། ཐོན་ལས་གསུམ་པར་གློག་སྤྱོད་ཚད་ཆུ་ཚོད་ཆན་ཝ་དུང་ཕྱུར་10396ཟིན་ནས་དུས་མཚུངས་ལས་11%འཕར་ཡོད། གྲོང་ཁྱེར་དང་གྲོང་གསེབ་ཀྱི་ཡུལ་མིའི་འཚོ་བའི་གློག་སྤྱོད་བསྡོམས་འབོར་ཆུ་ཚོད་ཆན་ཝ་དུང་ཕྱུར་8482ཟིན་ནས་དུས་མཚུངས་ལས་8.4%འཕར་ཡོད་པ་རེད།