ཤིན་ཧྭ་གསར་འགྱུར་ཁང་པེ་ཅིང་ནས་ཟླ་8ཚེས་22ཉིན་གློག་འཕྲིན་འབྱོར་གསལ། བློ་མཐུན་ཏེང་ཞའོ་ཕིང་འཁྲུངས་ནས་ལོ་120འཁོར་བར་དྲན་གསོ་ཞུ་ཆེད། ཏང་ཀྲུང་དབྱང་གི་ཆོག་མཆན་ཐོབ་པ་བརྒྱུད། ཀྲུང་གུང་ཀྲུང་དབྱང་ཏང་གི་ལོ་རྒྱུས་དང་ཚད་ལྡན་ཡིག་ཆ་ཞིབ་འཇུག་ཁང་གིས་རྩོམ་སྒྲིག་བྱས་པའི《ཏེང་ཞའོ་ཕིང་གི་གསུང་རྩོམ་ཕྱོགས་བསྒྲིགས(1925ལོ་ནས་1949ལོ་བར)》ཉེ་ཆར་མི་དམངས་དཔེ་སྐྲུན་ཁང་གིས་དཔེ་སྐྲུན་བྱས་པ་དང་ཚེས་22ཉིན་ནས་རྒྱལ་ཡོངས་སུ་འགྲེམས་སྤེལ་བྱས་པ་རེད།

གསུང་རྩོམ་ཕྱོགས་བསྒྲིགས་འདིར་བམ་པོ་གསུམ་ཡོད་ཅིང་། དུས་རབས་20ཡི་ལོ་རབས་20པའི་དུས་དཀྱིལ་ནས་ཀྲུང་གོ་གསར་པ་དབུ་མ་བརྙེས་གོང་གི་བློ་མཐུན་ཏེང་ཞའོ་ཕིང་གི་གསུང་རྩོམ་ཁྱོན་བསྡོམས་207གྱི་ཡིག་འབྲུ་ཁྲི་90ལྷག་ཙམ་བསྡུས་ཡོད། དེའི་ནང་བློ་མཐུན་ཏེང་ཞའོ་ཕིང་གི་གསུང་བཤད་དང་། སྙན་སྒྲོན། བཀའ་མོལ། རྩོམ་ཡིག ཏར་འཕྲིན། འཕྲིན་ཡིག བཀའ་རྒྱ། ཕྱག་བྲིས་སོགས་ཚུད་ཡོད།

གསུང་རྩོམ་ཕྱོགས་བསྒྲིགས་འདི་ནི《ཏེང་ཞའོ་ཕིང་གི་གསུང་རྩོམ་གཅེས་བཏུས》ཀྱི་ཁ་གསབ་གལ་ཆེན་ཞིག་ཡིན་ལ། བློ་མཐུན་ཏེང་ཞའོ་ཕིང་གི་འོད་སྟོང་འཕྲོ་བའི་མཛད་རྗེས་དང་བསམ་པའི་ཉམས་འགྱུར་ལ་ཤེས་རྟོགས་གཏིང་ཟབ་བྱེད་པ་དང་། རྒྱ་ཆེའི་ཏང་ཡོན་ལས་བྱེད་པས་ཏང་གི་ལོ་རྒྱུས་སློབ་སྦྱོང་བྱེད་པར་རོགས་རམ་བྱེད་པ། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་དེ་བས་མཐུན་སྒྲིལ་དམ་ཟབ་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་དང་ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་ཀྲུང་ཧྭ་མི་རིགས་བསྐྱར་དར་རླབས་པོ་ཆེར་ཕྱོགས་ཡོངས་ནས་སྐུལ་འདེད་གཏོང་ཆེད་མཐུན་སྒྲིལ་འབད་འཐབ་བྱེད་པར་དོན་སྙིང་གལ་ཆེན་ལྡན་ཡོད།