ཤིན་ཧྭ་གསར་འགྱུར་ཁང་གྲོང་ཁྱེར་དབྱི་སི་ལམ་པོ་ནས་གློག་འཕྲིན་འབྱོར་པ་གཞིར་བཟུང་། ཉེ་ཆར་ཕ་ཁི་སི་ཐན་གྱི་མོ་ཧོ་མན་ཏེ་ཆུ་ཤུགས་གློག་ཁང་རྣམ་གྲངས་ཀྱི་ཆུ་རྒྱུན་གཅོད་པའི་མཛད་སྒོ་འཚོགས་པ་དེ་ཐོག་ནས་ཀྲུང་གོའི་ཁེ་ལས་ཀྱིས་སྐྲུན་འགན་འཁུར་བའི་རྣམ་གྲངས་དེ“མྱུར་ལམ”དུ་སླེབས་པ་མཚོན་གྱི་ཡོད།

ཕ་ཁི་སི་ཐན་ནུབ་བྱང་རྒྱུད་ཀྱི་ཁའེ་པོར་ནས་ཕུའུ་ཧྲི་ཐུའུ་ཞིང་ཆེན་གྱི་སི་ཝ་ཐེ་གཙང་པོའི་སྟེང་གནས་པའི་མོ་ཧོ་མན་ཏེ་ཆུ་ཤུགས་གློག་ཁང་དེ་ཀྲུང་གོ་ནུས་རྒྱུ་འཛུགས་སྐྲུན་ཀེ་ཀྲོའུ་པཱ་ཚོགས་པས་འགན་གཙང་བླངས་ནས་འཛུགས་སྐྲུན་བྱས་པ་ཞིག་ཡིན་པ་དང་། 2019ལོའི་ཟླ་9ཚེས་20ཉིན་དངོས་སུ་ལས་འགོ་བཙུགས་པ་དང་གློག་འདོན་འཕྲུལ་འཁོར་ནས་གློག་གཏོང་ཚད་ཆན་ཝ་ཁྲི་80ཟིན་གྱི་ཡོད་པ་རེད།

རྣམ་གྲངས་ཀྱི་འགན་འཁུར་བ་ཕ་ཁི་སི་ཐན་ཆུ་བེད་གློག་ཤུགས་འཕེལ་རྒྱས་ཅུས་ཀྱི་མཐོ་རིམ་དཔོན་རིགས་ཨ་ཤིས་མུའུ·ལཱ་ཝུའུ་ཕུའུ་མཛད་སྒོར་ཞུགས་སྐབས་ཀྲུང་གོའི་ཁེ་ལས་ཀྱིས་རྣམ་གྲངས་འཛུགས་སྐྲུན་ཁྲོད་མངོན་པའི་ཆེད་ལས་ཀྱི་སྙིང་སྟོབས་དང་ཁྱད་འཕགས་ཀྱི་འཇོན་ཐང་ལ་ཁས་ལེན་བྱས་ཤིང་། ཁོང་གིས་རྣམ་གྲངས་དེས་ཕ་ཁི་སི་ཐན་གྱི་དམངས་འཚོ་མངོན་གསལ་དོད་པོས་ལེགས་སུ་འགྲོ་རྒྱུ་དང་ཕ་ཁི་སི་ཐན་གྱི་གློག་ཤུགས་མཁོ་སྤྲོད་ནུས་པ་ཆེ་རུ་ཕྱིན་ནས་ཕ་ཁི་སི་ཐན་གྱི་དཔལ་འབྱོར་འཕེལ་རྒྱས་ལ་སྒུལ་ཤུགས་གསར་པ་བསྣན་རྒྱུ་རེད། ཕ་ཁི་སི་ཐན་སྲིད་གཞུང་གིས་རྣམ་གྲངས་འཛུགས་སྐྲུན་ལ་མུ་མཐུད་ནུས་ཤུགས་ཡོད་རྒུས་རྒྱབ་སྐྱོར་བྱས་ཏེ་རྣམ་གྲངས་དུས་བཀག་ལྟར་ལས་མཇུག་འགྲིལ་བ་དང་འབྲེལ་བེད་སྤྱོད་གཏོང་ཐུབ་པའི་འགན་ལེན་བྱེད་ཀྱི་ཡིན་ཞེས་བརྗོད་པ་རེད།