སྦྲ་ཆེན་རྫོང་གིས་གྲོང་སྡོད་ལས་དོན་གྱི“སེམས་འབྲེལ་གཱ”དང“ཁུག་དེབ”སྤྲད་པ།
ཉེ་ཆར། ནག་ཆུ་གྲོང་ཁྱེར་སྦྲ་ཆེན་རྫོང་གྲོང་སྡོད་གཞུང་ལས་ཁང་གིས“སེམས་འབྲེལ་གཱ”156དང“ཁུག་དེབ”566བཟོས་ནས་རྫོང་ཡོངས་ཀྱི་སྲིད་འཛིན་གྲོང་ཚོ་ཚང་མར་སྤྲད་པ་རེད།
ཤེས་རྟོགས་བྱུང་བར་གཞིགས་ན། གྲོང་སྡོད་ལས་དོན་གྱི“སེམས་འབྲེལ་གཱ”ལ་གྲོང་སྡོད་ལས་དོན་གྱི་སྤྱི་ཁྱབ་རུ་སྣེ་ཁྲིད་མཁན་དང་། གནས་སྐབས་ཏང་ཀྲི་པུའི་ཧྲུའུ་ཅི། གནས་ཡུལ་གྲོང་སྡོད་ལས་བྱེད་པའི་འདྲ་པར་དང་། རུས་མིང་། འབྲེལ་བ་བྱེད་སྟངས་བཅས་གསལ་པོ་འཁོད་ཡོད་པ་དང་། ནག་ཆུ་གྲོང་ཁྱེར་གྱི་ཞིང་འབྲོག་མང་ཚོགས་ཀྱི་ནོར་སྲིད་ཁ་གསབ་ཀྱི་གཟིགས་སྐྱོང་སྲིད་ཇུས་ལོངས་སྤྱོད་གསལ་རྟོགས་གཱ(བོད་རྒྱ་ཡིག་རིགས་གཉིས)ཡི་རྩ་གཉིས་ཨང་རྟགས་ཀྱང་འཁོད་ཡོད། མང་ཚོགས་ཚོས་གསལ་རྟོགས་གཱ་ཡི་ཆ་འཕྲིན་བརྒྱུད་དུས་ཐོག་ཏུ་གྲོང་སྡོད་ལས་དོན་རུ་མི་དང་འབྲེལ་བ་ཐུབ་ནས། དཀའ་ངལ་ཡོད་དུས་རོགས་པ་བྱེད་མཁན་ཡོད་པ་དང་དོགས་གནད་ཡོད་དུས་སེལ་རོགས་བྱེད་མཁན་ཡོད་པ་བྱུང་ཡོད་པར་གྱུར།
“ཁུག་དེབ”དེ་ནི་ཆུང་ལ་སྟབས་བདེ་པོ་ཡོད་ཅིང་། གྲོང་སྡོད་ལས་དོན་རུ་མིས་གྲོང་ཚོ་དང་དུད་ཚང་དུ་སྐྱོད་རིང་ལུས་སྦྱར་དངོས་པོ་གཞན་དང་འདྲ་བར་འཁྱེར་བདེ་པོ་ཡོད་ལ་ག་དུས་ཡིན་རུང་ལྟ་བཤེར་བྱེད་བདེ་པོ་ཡོད་ཅིང་། ས་ཡུལ་དངོས་སུ་འཚམས་འདྲི་བྱེད་རིང་ཤེས་རྟོགས་བྱུང་བའི་གནད་དོན་དང་མང་ཚོགས་ཀྱིས་གོང་ཞུ་བྱས་པའི་གནད་དོན་ཟིན་ཐོར་འགོད་ཆོག་གི་ཡོད་པ་རེད།