ཁུ་ནུའི་བྱ་སྤྱོད་གཏིང་ཟབ་སྤེལ་བ་དང་ཤ་བཟོས་ཐོན་རྫས་ཉེས་གསོག་ལ་རྡུང་རྡེག་གཏོང་བ་སོགས་ཀྱི་ཆེད་དོན་བྱ་སྤྱོད་གཏིང་ཟབ་སྤེལ་ནས་མི་དམངས་མང་ཚོགས་ཀྱི“གསོལ་ལྕོག་གི་བདེ་འཇགས”ལ་འགན་ལེན་ཏན་ཏིག་བྱ་ཆེད། ཉེ་ཆར་སྤོ་བོ་རྫོང་སྤྱི་བདེ་ཅུས་སྤོ་མེས་ཐང་ཆེན་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱིས་བཟའ་བཅའི་བདེ་འཇགས་ལ་ཞིབ་བཤེར་ཆེན་པོ་བྱེད་པའི་བྱ་སྤྱོད་སྤེལ་བ་རེད།

ཞིབ་བཤེར་བྱེད་པའི་བརྒྱུད་རིམ་ནང་། དང་ཐོག“མོས་འདེམས”དང“དམངས་ཀྱིས་དཔྱད་བརྗོད”སོགས་APPཡི་དྲ་ཐོག་ཚོང་ཁང་ལ་དམིགས་ནས་འཕྲལ་བཤེར་བྱས་ཏེ་དྲ་ཐོག་ཟ་ཁང་གི་མ་བཅོས་རྒྱུ་ཆ་འཐེན་ཁུངས་དང་། གཡོས་སྦྱོར། ལྟོ་སྣོད་དུག་སེལ། ཐབ་ཚང་གི་འཕྲོད་བསྟེན། བཟའ་བཅའི་མ་དཔེ་ཉར་ཚགས་སོགས་ཀྱི་ལྷུ་ཚིགས་ལ་ཁྱོན་ཡོངས་ནས་ཞིབ་བཤེར་བྱས་པ་རེད། དེ་དང་ཆབས་ཅིག་ཁོངས་གཏོགས་ཁུལ་གྱི་བཟའ་བཏུང་ལས་ཞུགས་པ་ཚང་མའི་འོས་ཐོབ་དང་། མེ་ཟོན་བདེ་འཇགས་ཤེས་བྱ་ཁོང་དུ་ཆུད་ཚུལ། བདེ་ཐང་ལག་ཁྱེར་གཉེར་ཚུལ་སོགས་ཀྱི་ལྷུ་ཚིགས་ལ་ཞིབ་བཤེར་བྱས་པ་དང་འབྲེལ། ཞིབ་བཤེར་ཁྲོད་ནས་ཤེས་རྟོགས་བྱུང་བའི་གནད་དོན་རེ་རེ་བཞིན་གསལ་ཐོ་བཀོད་ནས་དག་ཐེར་ཡོ་བསྲང་བྱེད་པར་ལྟ་སྐུལ་བྱས་པ་རེད། གཞན་ཡང་། ཞིབ་བཤེར་བྱེད་རིང་ད་དུང་དྲ་ཐོག་དང་དྲ་ཕྱི་ཟུང་འབྲེལ་གྱི་དྲིལ་བསྒྲགས་བྱེད་སྒོ་སྤེལ་ནས་སྐད་འཕྲིན་ཚོགས་པར་དྲིལ་བསྒྲགས་ཤོག་ལྷེ་བསྐུར་བ་སོགས་ཀྱི་བྱ་ཐབས་གང་ལེགས་སྤྱད་དེ་ལས་རིགས་ཀྱི་ལས་ཞུགས་མི་སྣར་ཁ་དན་ཚིག་གནས་ཀྱི་ཚོང་གཉེར་དང་བདེ་འཇགས་གཉེར་སྐྱོང་གི་འདུ་ཤེས་དྲིལ་བསྒྲགས་ཤུགས་ཆེན་བྱས་པ་དང་བཟའ་བཅའི་བདེ་འཇགས་ཤེས་བྱ་དང་བཅའ་ཁྲིམས་ཤེས་བྱ་ཁྱབ་གདལ་བཏང་བ་རེད།

བྱེད་སྒོ་སྤེལ་རིང་། ཟ་ཁང་8ལ་ཞིབ་བཤེར་བྱས་པ་དང་མེ་ཟོན་བདེ་འཇགས་ཀྱི་མངོན་མེད་རྐྱེན་ངན་3ཤེས་རྟོགས་བྱུང་བ་ལས་དེ་མིན་གྱི་བཟའ་བཅའི་བདེ་འཇགས་ཀྱི་མངོན་མེད་རྐྱེན་ངན་ཚབས་ཆེན་གང་ཡང་ཐོན་མེད་པ་རེད།