ཚད་གཞིར་ཡང་ཡང་གཞིགས་ནས་ལས་དོན་གཏིང་ཟབ་སྤེལ་བ།
—— རང་ལྗོངས་ཀྱི་ས་གནས་ཁག་དང་སྡེ་ཚན་ཁག་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་ལེན་གཏིང་ཟབ་བསྟར་བ།
ཉིན་ཤས་བསྟུད་མར། རང་ལྗོངས་ཀྱི་ས་གནས་ཁག་དང་སྡེ་ཚན་ཁག་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་ལེན་གཏིང་ཟབ་བསྟར་བའི་ཚ་རླབས་འཕྱུར་ཏེ་ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་གི་འཐབ་ཇུས་བཀོད་སྒྲིག་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་སྟོབས་ཤུགས་ཆེན་པོར་འགྱུར་བར་བྱས་ཡོད། ཚང་མས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་བས་དམ་ཟབ་བྱས་ཏེ། སེམས་ནུས་གཅིག་སྒྲིལ་དང་བློ་རྩ་བརྟན་པོས་ཡར་རྒྱས་བརྩོན་ལེན་དང་དམ་པ་དོན་གཉེར་དང་དམ་འཛིན་དངོས་སྒྲུབ་ཀྱིས་ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་ཁྲོད་ཀྲུང་གོའི་ལུགས་ཀྱི་དེང་རབས་ཅན་གྱི་ཡངས་ཤིང་རྒྱ་ཆེ་བའི་མདུན་ལམ་གཏོད་རྒྱུ་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།
ལྗོངས་ཐད་གཏོགས་ཀྱི་དྲིལ་བསྒྲགས་དང་བསམ་བློ་རིག་གནས་ཁོངས་གཏོགས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་ལེན་བསྟར་བའི་ཆེད་དོན་ཟུར་ཁྲིད་དང་འཆད་ཁྲིད་བྱས་པ་རེད། འཆད་ཁྲིད་ཐོག་ཀྲུང་གོ་སྤྱི་ཚོགས་ཚན་རིག་ཁང་མར་ཁེ་སི་རིང་ལུགས་ཞིབ་འཇུག་ཁང་གི་ཡོན་ཀྲང་ཤིན་ཤང་དབྱང་གདན་དྲངས་ནས་ཆེད་དོན་ཟུར་ཁྲིད་བྱས་ཤིང་། ཤིན་ཤང་དབྱང་གིས“《གཏན་འབེབས》གཞིར་བཟུང་ཐབས་རྩལ་སྦྱོང་དགོས”ཞེས་པ་བརྗོད་དོན་གཙོ་བོར་བྱས་ཏེ་ཚང་འཛོམས་གྲོས་ཚོགས་ཀྱི་ལམ་ཚད་རྡོ་རིང་གི་དོན་སྙིང་ལ་ཕྱིར་དྲན་བྱས་ནས་བརྟན་ཐོག་ཡར་འཕེལ་དང་། སྤྱི་ཚོགས་ཀྱི་གཞི་རྩའི་འགལ་བར་དབྱེ་ཞིབ་བྱེད་ཐབས། གཞུང་འཁྱོངས་གསར་འབྱེད། བརྒྱུད་རིམ་གྱི་ལྟ་བ་བཅས་བྱ་ཐབས་བཞི་བརྒྱུད། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཕྱོགས་ཡོངས་དང་། བརྒྱུད་རིམ་ལྡན་པ། གཏིང་ཟབ་བཅས་ཀྱི་སྒོ་ནས་གསལ་འགྲེལ་བྱས་པ་རེད། ཚོགས་ཞུགས་མི་སྣ་ཚོས་གཅིག་རྗེས་གཉིས་མཐུད་ངང་ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་། འགན་འཁྲི་ནན་དུ་གཏོང་བ། འགན་ནུས་དང་འགན་འཁྲིར་གཞི་ཚུགས་པ་བཅས་བྱས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་དོན་འཁྱོལ་བཅས་ཡག་པོ་བྱས་ཏེ་ཕྱོགས་ཡོངས་ནས་རིག་གནས་ཀྱི་སྒྲིག་སྲོལ་ལམ་སྲོལ་སྒྱུར་བཅོས་གཏིང་ཟབ་ཏུ་གཏོང་བའི་ཆབ་སྲིད་ཀྱི་རང་རྟོགས་དང་། བསམ་བློའི་རང་རྟོགས། བྱ་སྤྱོད་ཀྱི་རང་རྟོགས་བཅས་ཆེ་རུ་བཏང་སྟེ་ཏང་ཀྲུང་དབྱང་གི་སྒྱུར་བཅོས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་ལས་ཀའི་བླང་བྱ་དོན་འཁྱོལ་དང་ཕན་འབྲས་ཐོན་པའི་འགན་ལེན་བྱེད་ཀྱི་ཡིན་ཞེས་བཤད་པ་རེད།
གྲོ་མོའི་རྒྱལ་མཚམས་འཛུལ་སྒྲོལ་མཐའ་སྲུང་ཞིབ་བཤེར་ས་ཚིགས་སུ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་བྱེད་པའི་ཚ་རླབས་མྱུར་དུ་འཕྱུར་ཞིང་། མི་དམངས་ཉེན་རྟོག་པ་ཡོངས་ཀྱིས་བྱེད་ཐབས་སྣ་ཚོགས་སྤྱད་དེ་དབང་གྲགས་ལྡན་པའི་རིགས་གཅིག་མཁས་ཅན་གྱི་རིགས་པའི་གཞུང་ལུགས་དང་རྩོམ་ཡིག་སློབ་སྦྱོང་ནན་ཏན་བྱས་པ་དང་ཚང་འཛོམས་གྲོས་ཚོགས་ཀྱི་དགོངས་དོན་གྱི་ལྟེ་བའི་དོན་སྙིང་ལ་གོ་བ་བླངས་ནས་ཟབ་སྦྱོང་མཐིལ་རྟོགས་དང་མི་སེམས་སུ་ཟུག་པར་བྱས་ཡོད། ཚང་འཛོམས་གྲོས་ཚོགས་ཀྱི་དགོངས་དོན་སྒྲོག་འགྲེལ་ཡན་ལག་རུ་ཁག་བཙུགས་ནས་སྡེ་ཁུལ་གྱི་ཚོང་དུད་དང་། མཐའ་མཚམས་ཀྱི་འབྲོག་ར། མང་ཚོགས་ཀྱི་ཁྱིམ་ཚང་བཅས་སུ་བསྐྱོད་དེ་གོ་བདེ་ཤེས་སླའི་སྐད་ཆའི་ཐོག་ནས་མང་ཚོགས་ལ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དྲིལ་བསྒྲགས་བྱས་པ་རེད།
རྒྱལ་རྩེ་རྫོང་གི་གྲོང་སྡོད་ལས་དོན་རུ་ཁག་ཁག་གིས“སྔོན་ལ་སློབ་སྦྱོང”ནན་ཏན་དང་། “མཉམ་འདྲེས་སློབ་སྦྱོང”གཏིང་ཟབ “རྒྱ་ཁྱབ་སློབ་སྦྱོང”ལ་སྐུལ་འདེད། “ལག་ལེན་སློབ་སྦྱོང”ཧུར་ཐག་བཅས་མཐའ་འཁྱོངས་བྱས་ཏེ་ཐོས་བསམ་སྤྱོད་གསུམ་ཟུང་འབྲེལ་དང་ཤེས་དད་སྦྱོང་གསུམ་གཅིག་གྱུར་ཐུབ་པར་བྱས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་བཅས་བྱེད་པའི་ཚ་རླབས་ཕྱོགས་ཡོངས་ནས་འཕྱུར་བར་བྱས་ཡོད། གྲོང་སྡོད་ལས་དོན་རུ་ཁག་ཁག་གིས་གཅིག་སྡུད་སྒྲོག་འགྲེལ་དང་དུད་ཚང་དུ་སྒྲོག་འགྲེལ་དང་། དྲ་ཐོག་ནས་དྲིལ་བསྒྲགས་དང་དྲ་ཕྱི་ནས་དྲིལ་བསྒྲགས། རིགས་པའི་གཞུང་ལུགས་སློབ་སྦྱོང་དང་ལག་ལེན་བྱེད་སྒོ་ཟུང་འབྲེལ་བཅས་བྱས་ཏེ་གོ་བདེ་ཤེས་སླའི་སྐད་ཆ་དང་། གྲངས་གཞི་ཞིབ་ཚགས། གསོན་ཉམས་དོད་པའི་དཔེ་མཚོན་བཅས་ལ་བརྟེན་ནས་ཚང་འཛོམས་གྲོས་ཚོགས་ཀྱི་དགོངས་དོན་དྲིལ་བསྒྲགས་ཤུགས་ཆེ་བྱས་ཏེ་ཚང་འཛོམས་གྲོས་ཚོགས་ཀྱི་དགོངས་དོན་དུད་ཚང་ཚང་མ་དང་མི་ཚང་མས་ཤེས་ཐུབ་པའི་འགན་ལེན་བྱས་པ་རེད།
ཚང་འཛོམས་གྲོས་ཚོགས་ཀྱིས་ནོར་ཁྲལ་གྱི་སྒྲིག་སྲོལ་སྒྱུར་བཅོས་གཏིང་ཟབ་ཏུ་གཏོང་བར་དམིགས་ནས། སྔོན་རྩིས་ལམ་ལུགས་འཐུས་སྒོ་ཚང་དུ་གཏོང་བ་དང་། ཁྲལ་བསྡུའི་ལམ་ལུགས་འཐུས་སྒོ་ཚང་དུ་གཏོང་བ། ཀྲུང་དབྱང་དང་ས་གནས་དབར་གྱི་ནོར་སྲིད་འབྲེལ་བ་འཐུས་སྒོ་ཚང་དུ་གཏོང་བ་སོགས་ལ་བཀོད་སྒྲིག་གལ་ཆེན་བྱས་ཏེ་སྤྱི་ཁོག་དཔལ་འབྱོར་བཅོས་སྐྱོང་མ་ལག་འཐུས་སྒོ་ཚང་དུ་གཏོང་བ་དང་ནོར་སྲིད་ཀྱི་འགན་ནུས་འདོན་སྤེལ་སྔར་བས་ལེགས་པར་བྱེད་པར་ལམ་ལུགས་ཀྱི་འགན་ལེན་བརྟན་པོ་བྱས་ཡོད། གོ་འཇོ་རྫོང་ནོར་སྲིད་ཅུས་ཏང་ཙུའི་ཧྲུའུ་ཅི་གཞོན་པ་ཞུས་ཏའེ་པའོ་ཡིས“ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐབས་ཇུས་དང་བཀོད་སྒྲིག་ནི་གློག་སྒྲོན་ཞིག་དང་འདྲ་བར་ནོར་སྲིད་ཀྱི་ལས་དོན་མདུན་ཕྱོགས་སུ་སྤེལ་བའི་ལམ་བུ་གསལ་བར་བྱས་ནས་ང་ཚོར་འབྱུང་འགྱུར་གྱི་ལས་དོན་ལ་དམིགས་ཚད་དང་ཁ་ཕྱོགས་དེ་བས་གསལ་སྟོན་བྱས་ཡོད། སླད་ཕྱིན་གྱི་ལས་དོན་ཁྲོད་ང་ཚོས་ཚང་འཛོམས་གྲོས་ཚོགས་ཀྱི་དགོངས་དོན་མཛུབ་ཁྲིད་དུ་བྱས་ཏེ་ཅུས་ཡོངས་ཀྱི་ལས་བྱེད་པ་དང་ལས་བཟོའི་སྣེ་ཁྲིད་དེ་གསར་འབྱེད་གསར་གཏོད་དང་ལས་དོན་ཏན་ཏིག་བསྒྲུབས་ནས་གོ་འཇོ་རྫོང་གི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་ཆེད་ནོར་སྲིད་ཀྱི་འགན་ལེན་བརྟན་པོ་ཐུབ་པ་བྱེད་ཀྱི་ཡིན”ཞེས་བཤད།