མི་དམངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཚེས་18ཉིན་མཚོ་བོད་ཚན་རིག་རྟོག་ཞིབ་ཐེངས་གཉིས་པའི་ཆུ་གསོག་མཐོ་ལྕོག་སྲུང་སྐྱོང་བྱེད—འཁྱགས་ཐང་གཅིག་དང་། མཚོ་གཉིས། གཙང་པོ་གསུམ་བཅས་ཀྱི་མཚོན་རྟགས་རང་བཞིན་གྱི་ཚན་རིག་རྟོག་ཞིབ་བྱེད་སྒོ་གལ་ཆེན་ལྷ་སར་སྤེལ་འགོ་ཚུགས་ཤིང་། ད་ཐེངས་ཀྱི་ཚན་རིག་རྟོག་ཞིབ་བྱེད་སྒོས་བུ་རོགས་གངས་རིའི་འཁྱགས་ཐང(འཁྱགས་ཐང་གཅིག)དང་། སེར་གླིང་མཚོ་དང་གནམ་མཚོ(མཚོ་གཉིས)དེ་བཞིན་འབྲི་ཆུའི་ཆུ་འགོ་དང་། རྒྱལ་མོ་རྔུལ་ཆུའི་ཆུ་འགོ ཉག་ཆུའི་ཆུ་འགོ(ཆུ་བོ་གསུམ)སོགས་འགག་རྩའི་ཁུལ་ཁོངས་ལ་དམིགས་ཏེ་ཆུ་ཚད་མཐོ་བའི་ཚན་རིག་རྟོག་ཞིབ་ཀྱི་གྲུབ་འབྲས་ལ་བརྟེན་ནས་ཁུལ་ཁོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་བྱ་རྒྱུ་རེད། ད་ཐེངས་ཀྱི་འཁྱགས་ཐང་གཅིག་དང་། མཚོ་གཉིས། གཙང་པོ་གསུམ་བཅས་ཀྱི་མཚོན་རྟགས་རང་བཞིན་གྱི་ཚན་རིག་རྟོག་ཞིབ་བྱེད་སྒོ་གལ་ཆེན་དེར། རྒྱལ་ཁབ་ཕྱི་ནང་གི་ཡོན་ཧྲི་10ཡིས་སྣེ་ཁྲིད་པ་དང་ཚན་རིག་རྟོག་ཞིབ་ཡན་ལག་རུ་ཁག་6གི་ཚན་རིག་རྟོག་ཞིབ་ཚོགས་ཆུང་15ཡི་ཚན་རིག་རྟོག་ཞིབ་རུ་མི་400ལྷག་ཙམ་ཞུགས་ཡོད་པ་རེད།

ངོ་སྤྲོད་བྱས་པར་གཞིགས་ན། འཁྱགས་ཐང་གཅིག་དང་། མཚོ་གཉིས། གཙང་པོ་གསུམ་བཅས་ཀྱི་ས་ཁུལ་ནི་ཨེ་ཤེ་ཡའི་ཆུ་གསོག་མཐོ་ལྕོག་གི་འགག་རྩའི་ཁུལ་ཁོངས་ཤིག་ཡིན་ཞིང་། ཁུལ་ཁོངས་དེའི་གནམ་གཤིས་ཁོར་ཡུག་རྙོག་འཛིང་ཆེ་ཞིང་འགྱུར་ལྡོག་ཆེ་བ་དང་སྐྱེ་ཁམས་མ་ལག་ཧ་ཅང་ཉམས་ཞན་རེད་ལ། བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འགག་རྩའི་ལྟེ་བའི་ཁུལ་ཞིག་ཀྱང་རེད། ད་ཐེངས་ཀྱི་ཚན་རིག་རྟོག་ཞིབ་བྱེད་སྒོ་ནི་མཚོ་བོད་ཚན་རིག་རྟོག་ཞིབ་བྱེད་ཐེངས་གཉིས་པ་སྟེ། ཇོ་མོ་གླང་མ་དང་། ཇོ་བོ་དབུ་ཡག ཤི་ཤ་སྦང་མ་སོགས་ཀྱི“རི་རྩེའི་འགན་འཁྲིའི”ས་བབ་མཐོ་ཤོས་ཀྱི་ཕྱོགས་བསྡུས་ཚན་རིག་རྟོག་ཞིབ་བྱེད་སྒོ་རབ་དང་རིམ་པ་སྤེལ་རྗེས་ཀྱི་མཚོན་རྟགས་རང་བཞིན་གྱི་ཚན་རིག་རྟོག་ཞིབ་བྱེད་སྒོ་གལ་ཆེན་ཞིག་རེད།