ཟླ་8ཚེས་16ཉིན། དབྱིན་ཁྲོན་ནས་ཁུན་མིང་བར་གྱི་མྱུར་བགྲོད་གཞུང་ལམ(Ｇ85)ཉིང་ཞ་ཁོངས་ཀྱི་ཐའེ་དབྱང་ཧྲན་གསར་སྤེལ་ཁུལ་ནས་ཕེང་དབྱང་དུམ་བུ་བསྐྲུན་ཟིན་ཏེ་རླངས་འཁོར་ཤར་གཏོང་ཐུབ་པ་དེ་ཐོག་ནས། དབྱིན་ཁྲོན་ནས་ཁུན་མིང་བར་གྱི་མྱུར་བགྲོད་གཞུང་ལམ་ཧྲིལ་པོ་ཏལ་འབིགས་ཐུབ་པ་མཚོན་ཡོད། དབྱིན་ཁུན་མྱུར་བགྲོད་གཞུང་ལམ་ཧྲིལ་པོའི་རིང་ཚད་ལ་སྤྱི་ལེ་2322ཡོད་ཅིང་། དེ་ནི་རང་རྒྱལ་གྱི་མྱུར་བགྲོད་གཞུང་ལམ་དྲ་བའི་ཁྲོད་ཀྱི་ལྷོ་བྱང་གི་གཞུང་ཐིག་གལ་ཆེན་ཞིག་ཡིན་ལ། ནུབ་རྒྱུད་སྐམ་མཚོའི་བགྲོད་ལམ་གསར་པའི་གྲུབ་ཆ་གལ་ཆེན་ཞིག་ཀྱང་རེད། དབྱིན་ཁུན་མྱུར་བགྲོད་གཞུང་ལམ་ནི་རྒྱལ་ཁབ་ཀྱི“ལོ་ལྔ་ཚན་བཅུ་བཞི་པའི”ལས་གྲྭ་གལ་ཆེན་ཞིག་ཡིན་ཞིང་། ཉིང་ཞ་དུམ་བུར་རིང་ཚད་སྤྱི་ལེ་237ཡོད་པར་ཁྱོན་བསྡོམས་མ་དངུལ་སྒོར་དུང་ཕྱུར་261བཏང་ཡོད་པ་དང་། འདི་ནི་དབྱིན་ཁུན་མྱུར་བགྲོད་གཞུང་ལམ་གྱི་ཏུའུ་ཅ་རོང་ཟམ་ཆེན་ཐོག་སྐྱོད་བཞིན་པའི་རླངས་འཁོར་ཡིན་པ།