ཚེས་14ཉིན་སི་ཁྲོན་དཀར་མཛེས་བོད་རིགས་རང་སྐྱོང་ཀྲོའུ་འདབ་པ་རྫོང་དུ་ཕན་རོགས་གནའ་ཤུལ་དང་གསར་བསྒྱུར་ས་རབས་ཨེ་ཤེ་ཡ་དང་ཡོ་རོབ་སྐམ་ས་ཆེ་མོའི་གནའ་བོའི་མིའི་རིགས་གནས་སྤོ་ཁྱབ་མཆེད་ཀྱི་རྒྱལ་སྤྱིའི་རིག་གཞུང་བགྲོ་གླེང་ཚོགས་འདུ་འཚོགས་ཤིང་། ཚོགས་འདུ་དེ་སི་ཁྲོན་ཞིང་ཆེན་གནའ་རྫས་རྟོག་ཞིབ་རིག་པ་ལྷན་ཚོགས་དང་ཀྲུང་གོ་གནའ་རྫས་རྟོག་ཞིབ་རིག་པ་ལྷན་ཚོགས་རྡོ་ཆས་རྙིང་མ་ཆེད་ལས་ཨུ་ཡོན་ལྷན་ཁང་གིས་གཙོ་གཉེར་བྱས་པ་རེད། གསར་འགོད་པས་ཚོགས་འདུའི་ཐོག་ནས་ཤེས་རྟོགས་བྱས་པ་ལྟར་ན། འདབ་པའི་ཕན་རོགས་གནའ་ཤུལ་གྱི་ལོ་རབས་སྔ་ཤོས་ནི་ད་ཕན་ལོ་ཁྲི་20ལས་བརྒལ་བ་དང་དེ་ཐོག་ནས་མིའི་རིགས་མ་མཐར་ཡང་ལོ་ཁྲི་20ཡི་གོང་མཚོ་བོད་ས་མཐོའི་ཤར་རྒྱུད་དུ་འཚོ་སྡོད་བྱེད་་པ་མཚོན་གྱི་ཡོད།